2 Samuel 2:6 - Kaxinawá Bíblia (BR)

⁶ Ha dikabi hakimama hau Senhor Deusũ matu duawai hawẽ pepawẽ matuwẽ nuikĩ matu merabewakubaĩshanũwẽ. Haska mã Saul merabewaima keskari wakĩ ha shinãkĩ ẽtseri ẽ matu duawakubaĩshanaii.

2 Samuel 2:6 Referans Kwoze

Provérbios 14:22

Tsuãra txakabuwanũ ishũ benabaũkinã, bai pepa benumisbuki. Hakia tsuãra pepa besti anũ ishũ benamisburã, yurabũ hatu betxipaikĩ txibãkĩ hatu hawa heneisbumaki.

Mateus 5:44

Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.

Mateus 5:7

—Ha inũ, tsuabura nuikipabuwẽ Deus nuiriashanaiwẽ taea benimapaketi xinaĩ benimakubaĩkanikiki.

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

2 Samuel 15:20

Dama Jerusalém anu hiwetanũ ika mĩ hikishinaki. Haskawẽ taea: “Ebe kawe”, ẽ mia watirumaki. Hanira emebi ẽ kai ẽ unãmawẽ taeshũ mĩ nukube kanũ, iwanã, ẽ mia yuitirumaki. Minabu iyui mĩ hiwe anu txĩtũrikaĩtãwẽ. Mĩ haskakainairã, peki. Mĩ ewẽ nuiaya hau Senhor Deusũ mia duawakĩ merabewakubaĩshanũwẽ— aka

2 Samuel 9:7

Davĩ yuikĩ: —Mĩ epa Jônatas shinãkubaĩkĩ pepawẽ ẽ mia duawakubaĩshanaiwẽ taea dateyamawe. Mĩ hutxi Saulũ mae tibi bai pepa betsa betsapabu inũ hi pepa shukuabu tibi inũ hawẽ hiwe betsa betsapa ẽ mia ibu wamashanaii, ibu wabianibũ hau mia ana inanũbũ hatu mebĩmakinã. Nenu Jerusalém anu hiweshũ ẽ tapu anushũ ebetã mĩ pikubaĩshanaii— aka

2 Samuel 9:3

shanẽ ibũ ana yukakĩ: —Saul enaburã, huni betsa tesheima hiweyuamẽ? eã Deusũ kenawẽ taeshũ ẽ merabewatirukirã— aka Zibã kemakĩ: —Haa, Jônatasã huni bake bestitxai hiweaki. Hakia hawẽ tae dabe txakabuki— aka

2 Samuel 2:7

Natiã matũ shanẽ ibu Saul ma mawabiashĩkẽ ana has shinãma benimai kushipakãwẽ. Eari ẽ matũ shanẽ ibu ikũkaĩshanũ Judá enabũ ea katushinabuki’ ”, akĩ hatu hãtxa bumanikiaki.

Josué 2:14

hawẽ hãtxa betxipaikĩ betsã yuikĩ: —Mĩ nukukiri hawa hatu yuiama nuku tenãbumawẽ taea mia inũ minaburi mã mawama ishanaii, nukũ hiwea inananaĩ keskairã. Na mai pakea inũ mĩ mae Senhor Deusũ nuku ibu wamaya miwẽ nuikĩ nũ mia duawashanaii, mia parãmarã— aka

Rute 1:8

habetã bai tanabainaibu Noemi niti itã hawẽ babawã dabe yuikĩ: —Ebe kama txĩtũbaini matũ ewã hiwe anu hiwei burikãwẽ. Ea inũ ẽ huni bake dabe mã nuku duawaima keska wariakĩ hau Senhor Deusũ matu duawariakubaĩshanũwẽ.