2 Reis 18:10 - Kaxinawá Bíblia (BR)

¹⁰ 3 ano atimas hatu di akĩ keyukĩ hatu atxinibukiaki. Ezequias shanẽ ibui ma 6 ano ikaya Samaria anu Oséias Israelĩ enabu shanẽ ibui ma 9 ano keyuaya Assíria nawa detenamenikabũ atimas Samaria atxinibukiaki.

2 Reis 18:10 Referans Kwoze

Miquéias 6:16

Samaria anu shanẽ ibukĩ Onrĩ hatu yunukubaini inũ Acabẽ enabũ txakabuwakubainibu hatũ beya tapinishũ txibãkĩ mã habiaskari wakubainaii. Haskawẽ taeshũ matũ maewã txakabuwakĩ yamawakĩ hanu hiweabũ matuki kashekĩ hau matu dakewakĩ datenũbũ ẽ hatu yunushanaii. Haska enabũ mã ea dakewakubiranibuwẽ taeshũ eãri ẽ matu dakehairawashanaii.”

Amós 6:7

Besi watã pitĩ kayãwãshũ pi mã hãtxahairabiamis matu nesewabaĩkĩ matubu dukũ atxishũ nawa detenamenikabũ txaihaira anu matu iyushãkanikiki, haria mã ana txĩtũkirãtirumarã.

Amós 3:11

Haskamisbuwẽ taeshũ Senhor Deusũ hatu yuikĩ: “Matuki sinataibũ matũ mai pakea kebaũshãkanikiki. Matũ maewã Samaria mishki kenebaunibu kushipabiakẽ berãkĩ keyutã matũ hiwe hawẽrua betsa betsapa anua matũ mabu dasibi mã arukubaĩmis biãtã matu keyu buãshãkanikiki”, itã,