2 Reis 1:2 - Kaxinawá Bíblia (BR)

² hanua shaba betsatiã Samaria anu Acazias hawẽ hiwe hawẽrua anu manaũri tapa betsa anua hanu niwe hikiti shui uĩbaũti anu tsaua hawa shinãma kauani maĩ tĩ iki txakamana txakayama isĩ tenei dakashũ hãtxa bunikabu hatu kena beabu hatu yunukĩ: “Ecrom anushũ hatũ mekenika yushibu Baal-Zebube ẽ txakamana ẽ isĩ teneai ẽ shushaimẽkaĩ, ea yukashũtãkãwẽ”, hatu wa buaibũ,

2 Reis 1:2 Referans Kwoze

2 Reis 1:16

yuikĩ: —Senhor Deusũ eska mia yuikiki. Ecrom anu nawabũ yushibu Baal-Zebube anu hau mia yukashũtanũbũ habũ mĩ hãtxa yuinikabu mĩ hatu yunukĩ Israelĩ enabu mekenika Deus tsuã mia yukashũtirumakẽ mĩ haska shinãshinawẽ taea mĩ dakati anua ana beniama txanima mĩ mawaii— atã Elias kakẽ

Marcos 3:22

hanua Jerusalém anua Deusũ hãtxa kenenibu yusĩnanãmisbũ uĩkĩ Jesuskiri yuikĩ: —Na hunirã, yushĩ txakabu shanẽ ibu Belzebũ kuxipa hayaki. Haska bestiwẽ taeshũ yushĩ txakabu hatu kaĩmaikiki— ikaibu

Mateus 10:25

Haskawẽ taea hawẽ tsumaburã, hatũ yusĩnã hãtxa txibaĩ hau habiaskari keska ikubainũbũwẽ. Habiaskariai dayarubu hatũ shanẽ ibũ yunua nĩkai hau hatũ shanẽ ibu keska iriakubainũbũwẽ. Haskakẽ ẽ matũ yusĩnã ea kenakĩ: “Yushĩ txakabu shanẽ ibu Belzebuki”, ea wamisbuwẽ taeshũ ẽ yusĩa mã txibãkubaĩmisbuwẽ taeshũ maturi kenakĩ: “Belzebũ enabuki”, akĩ matukiri yuikĩ txiteriashãkanikiki— iwanã,

Lucas 11:15

hakia hatiritũ yuikĩ: —Na hunirã, yushĩ txakabu shanẽ ibu Belzebũ kuxipa hayaki. Haska bestiwẽ taeshũ yushĩ txakabu hatu kaĩmaikiki— ikaibũ

2 Reis 1:6

habũ kemakĩ yuikĩ: —Nũ kai bebũ huni betsa nukuki nukushũ nuku yuikĩ: “Harishũ shanẽ ibũ matu yunushu anu ana txĩtũribaĩkãwẽ. Haska Senhor Deusũ ea yuishu matũ shanẽ ibu yuiritãkãwẽ: ‘Israelĩ enabu mekenika Deus hayamawẽ taeshũ Ecrom anu nawabũ yushibu Baal-Zebube anu hau mĩ tsumabũ mia yukashunũbũ mĩ hatu yunushuwẽ taea mĩ dakati anua beniama mĩ mawaii’, akĩ Senhor Deusũ eska yuikiki”, akĩ nuku yuiawẽ taea nũ txĩtũshuki— akabu

2 Reis 1:3

habiatiãri Senhor Deusũ nai tsumã Tisbé anu hiwemis Elias yuikĩ: “Samaria anua hãtxa bunikabu shanẽ ibuhaira Acaziasĩ ma hatu yunua bekanikiki. Hatuki nukutãwẽ. Hatuki nukutã hatu yukatãwẽ: ‘Israelĩ enabu mekenika Deus hayamamẽ? ha mae Ecrom anu nawabũ yushibu Baal-Zebube anu mã yuka ishuĩ kairã?

1 Reis 11:33

Salomão inũ hawẽ huni bakebũ ẽ hãtxa nĩkama danãkĩ ea henetã Sidom nawabu mekenika yushibu Astarote inũ Moabe nawabu mekenika yushibu Quemos inũ Amom nawa mekenika yushibu Milcom duawakĩ hatu kẽwãmisbuki. Haskakubainaibu uĩkĩ: Txakabukubaĩkanikiki, iwanã, ẽ hatukiri shinãmiski. Ha dikabi haska Davĩ ẽ hãtxa txibani keska wama ẽ yunuti hãtxa inũ ẽ nemati hãtxa txibãbumawẽ taeshũ ẽ hatu kupishanaii, 10 shukuabu mebĩkinã.

Hechos 20:9

hiwe keyatapa tapa dabe inũ besti uĩti shui anu berunã hawẽ kena Êutico tsaushũ Paulõ yusĩ txaipawai nĩkai usha tenei hanua ushatxakayama manaũria kawani tĩ ikaya beninũ ika hawaira butukirã ma mawa betxiabu

Jó 31:3

Huni txakabubu inũ tsuabura yubakabiatã hawa akabuma habu ishãkanikiki, nuitapairã, habu ana hawa pe hiweamarã.

1 Reis 22:34

hakia habiatiãri Síria nawa detenamenika betsã pia manãkiris bishkua harakiria ha pia ti ikai unãma Acabẽ mane tari beshpanu pia ti ikĩ pũtxasha isĩ tenehairakĩ cavalo hatũ iyua yunukĩ: “Ha detenameaibu anua ana hari ea iyuama ea txĩtũ wãwẽ, ma ea piawẽ tsakabu ẽ isĩ tenehairairã”— aka

1 Samuel 5:10

haskawẽ taeshũ maewã betsa Ecrom anu Deus hatube yubakani hãtxa aruni bau Filisteu nawabũ ana maewai bukĩ hatu anu bitxibainaibũ Ecrom anu hiweabũ uĩkĩ hui kushipawẽ hatu nemakĩ: “Nukuri dasibi tenã keyunũ”, iwanã, “Israelĩ enabũ mekenika Deus hatube yubakani bau mã bekanaii”, iake iakeaibũ

Juízes 5:28

Haskaitiã hawẽ ewã hawẽ bake Sísera benai hawẽ nui: ‘Hani huimẽkaĩ?’ ikĩ uĩti shui anu teshũshũ uĩ yuka ikĩ: ‘Haskai yane hawẽ cavalo tarãti huama nishmaimẽkaĩ? Haskai hawẽ detenameti cavalo tarãtiya yane huamamẽ?’ ikaya

1 Reis 22:40

Acabe mawashĩkẽ hawẽ shãtukũ hawẽ huni bake Acazias Israelĩ enabu shanẽ ibuhairai taenikiaki.