2 Coríntios 6:7 - Kaxinawá Bíblia (BR)

⁷ Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

Kashinawa : Diosun Jesúswen taexun yuba bena yiniki

⁷ Ja inun, Diosun kushipa nuku medan nun jayawen taea kaka chanima nun yuimiski. Jabias Diosun kushipa pepawen unanmakin nun jatu achimamiski. Ja inun, jabiawendi jakidi chakabu yuibiaibun nun jatu nemamiski.

2 Coríntios 6:7 Referans Kwoze

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

2 Timóteo 2:15

Hamẽ mia ikirã, hĩ hĩ ikama mĩ Deus dayashunairã, Deusũ besuubi hawa berabini mĩ dakeama ishanairã, txanima hãtxa Jesus Cristokiri dasibi hatu yui pepakũkaĩwẽ. Mĩ haskamiswẽ taeshũ Deusũ mia unãti wakĩ: “Huni dayakapakũkaĩkĩ mĩ ea dayashũmis peki”, iwanã, mia yuishanikiki. Xinaĩrakubaĩwẽ.

Santiago 1:18

Ha inũ, Deusũ nuku haska wakatsis ikĩ hawẽ kakape txanimawẽ nuku hiwea bena inãniki. Nuku dami waniwẽ taeshũ nukũ dukũ hawẽ bake ikũwãkĩ nũ taewani nũ hayabuki.

2 Timóteo 4:7

Earã, Jesus Cristõ soldado pepa detenamekĩ hatu binumis keskakĩ habũ ea itxakawaibu ẽ binuaii. Kuxibaĩkĩ hatu maemakatsis imisbu keskakĩ haska ewẽ Deus yubakani hawa txĩtuãma ẽ ma ishuãki. Ikũwanishũ hawẽ kakapekiri yusĩ bikabiakĩ ẽ hawa heneama ikũkainaii.

1 Tesalonicenses 5:8

Hakia nukuburã, nũ ma mexua anua shabaki tashnia keskabu nũ ikũwãkĩ pewakubaĩmiswẽ taea nukũ Shanẽ Ibu ana hushanai hawa hakimama manakubainãkãwẽ. Nũ habubetã ikũwaĩ betsabube duapai abunamei merabenãkĩ nukũ Epa Deus ha bestiki txiti ikubainãkãwẽ. Nũ haskaiburã, Romano soldadobũ hawẽ yura hunenũ, iwanã, mane tari manãkiria sawemis keskai hawaki dateama nũ pe mekea hiwetirubuki. Haskai hawa dateama nukũ Shanẽ Ibu manakĩ hatũ besti nuku mekeshanai nũ manaii. Haskakĩ hau soldadobu tsuã hatu deteyamanũbũ hatũ bushka mekekĩ hunekĩ mane maiti sawemisbu keskai nukuri dateama pe mekea nũ hiwetirubuki.

Efésios 3:20

Haska inũ, hamapai nũ yukamis inũ hamapai betsa betsapa nũ xinãriama inũ nũ yukariama hawẽ kuxipahairawẽ Deusũ nuku ashũtiruwẽ taeshũ niti ikama kẽwanãkãwẽ.

Efésios 1:13

Cristowẽ taea mã judeubuma dikabitũ hawẽ hãtxa txanima Deusũ bake Jesus mekenãkiri kakape nĩkatã ikũwaĩbu hawẽ nuku tibi unãti wati yubanishũ hawẽ Yushĩ Pepa nuku inãtã ha dabe hawenabu nuku inũ matu warianiki.

2 Coríntios 7:14

Haska hãtxa txanima nũ matu yuimis keska wakĩ Tito matu anu ẽ nitxĩriama matukiri kẽwãkĩ ẽ kaneama ikimawẽ taea ẽ hawa matuki txakabumaki. Haskawẽ taea txanima hawara matukiri ẽ yuima mã habiaskaki. Haska ẽ Tito yuima keska uĩmakĩ mã beyawaimawẽ taea nũ matu kẽhairawaii.

Hebreus 2:4

Ha inũ, hawẽ Yushĩ Pepawẽ hawẽ e imakĩ unãmati damiwamakĩ na yuba bena Jesusũ tsumabubetã Epa Deusũ hatu mestẽwãmaniki. Haska wanishũ hawẽ xinãnẽ nuku tibi hawẽ daya betsa betsapa nuku inãmiski, haska xinaĩ keska nuku tibi inãkinã.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

Efésios 4:21

Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.

1 Coríntios 1:24

Haskakẽ na kakape Messias Cristokiri betsabũ danãbiaibũ nũ judeubu inũ nũ judeubuma Deusũ nuku katuniwẽ taeshũ Deusũ hawẽ kuxipa Cristo yunukĩ habia keskari wakĩ dasibi unãhairamani ha besti xinãkĩ nũ ikũwaiĩ.

Hechos 11:21

Hanua habu Deusũ Yushĩ Pepatũ hatu kuxipa waya hatũ yusĩawẽ taeshũ Gregobu itxapabũ hatũ xinã sheni henetã hiwea bena nukũ Shanẽ Ibu Jesuskiri ikũwãnibukiaki.

Marcos 16:20

hanua Jesusũ tsumabu kaĩbaini bukĩ mae tibi anu yusĩkubaunaibũ nukũ Shanẽ Ibu Jesusũ hatu merabewakĩ hawẽ kuxipawẽ hawara unãti dami atimaska ikũ hatu uĩmakubainibukiaki. Marcos

Isaías 11:5

Tari saweaki hawẽ nanesheketi sawekĩ mestẽwã keska wakĩ yunuti kushipa pepa inũ hãtxa txanima sawekĩ akawashanikiki.

Provérbios 3:16

Unanepawenã, aĩbu duapa keskakĩ nekerishũ mĩ hiwea txaipa mia inãyã ukerishũ mabu pepa inũ yurabũ mia duawakubainai mĩ haska hiwekũkaĩtiruki.

Êxodo 14:22

hanua yusiuri inũ yusmauri kebẽkĩ kene keska huyũkĩ hene dabe wakẽ ha namakis mai tsusĩ anu Israelĩ enabu pukebaĩbainaibũ

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.