2 Coríntios 6:14 - Kaxinawá Bíblia (BR)

¹⁴ Haska matubũ mã ikũwaĩnã, ha habũ ikũwãbumabe Deusũ matu ana hatube ketashamekatsi ikama xinãnishũ xinãmiskiri matu yuinũ nĩkairakãwẽ. Hawara Deusuna peparã, ha danaĩ pepabe husitirumẽ? Shaba pebiakẽ mexũ haibuai shabatirumẽ?

Kashinawa : Diosun Jesúswen taexun yuba bena yiniki

¹⁴ Jaska matubun man ikunwainan, ja jabun ikunwanbumabe Diosun matu ana jatube ketaxamekatsi ikama shinanixun shinanmiskidi matu yuinun ninkaidakanwen. Jawada Diosuna pepadan, ¿ja danain pepabe jusitidumen? ¿Xaba pebiaken mexun jaibuai xabatidumen?

2 Coríntios 6:14 Referans Kwoze

1 Coríntios 15:33

Haska xinãbiakubainaibũ hãtxa kayabi matu yuinũ nĩkairakãwẽ. Hau matu parãyamanũbũ tsuabũra nukũ yusĩa danãkĩ mã beya pepa txibãbiaya hamakiri xinãmakĩ matu txakabuwamakĩ henemakatsis ikaibu ana hatube haibunameyamakãwẽ.

1 Coríntios 10:21

Ha inũ, Deus kẽwãkĩ Jesus nuku mawashuni xinãmati nushuti akatsis ikĩ yushĩ dami betsa hawẽ kẽwãti nushuti inaĩbu ayamakãwẽ. Jesusũ yura xinãmati misi pikatsis ikĩ yushĩ dami betsa hawẽ kẽwãti inaĩbu piyamariakãwẽ. Haska inũ, ma Deus kẽwãbiai ana husikaĩ yushĩ dami betsa kẽwãtimahairaki, txakabu irumai keskairã.

Santiago 4:4

Haskati kemaĩ yurabũ mã ikũwãkĩ pewabumaã, haskai Deus haibu wabiatã matũmebi hawara Deusũ danaĩ mã akubainai? Haskakẽ tsuabũra hawara Deusũ abuama abukĩ Deus danaĩ ana habe haibunamekatsi ikabumaki, ana txĩtũtã haki sinatamairã.

1 Coríntios 5:9

Ha inũ, bari betsatiã kenewẽ matu yuikĩ: “Habu dakeisma txutanamebauni itimaskaibu hatube mapuyamakãwẽ”, akĩ ẽ matu yusĩma ana hariri matu yusĩnũ nĩkakãwẽ.

1 Reis 18:21

Israelĩ enabu dasibibu ma itxabu anu Elias hatu dapi kashũ yuikĩ: —Na shinã daberã, hatiã kaya mã ana taewabaĩshanai? Senhor Deusrã, hawẽ mekenika Yushĩ Kayabikenã, ha besti txibãkubaĩkãwẽ. Hakia Baalrã, hawẽ mekenika Yushĩ Kayabikenã, ha bestiri mã txibãkubaĩtirubuki. Haratura katukãwẽ, ha dabe txibãmarã— hatu wa ha yurabu hawa hãtxa betsa taska yuimabumakẽ

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

Malaquias 2:11

Deusũ Judá yubabiani Judá enabũ hawẽ hãtxa txibã pewakĩ ashuãbuma Jerusalém anu hiweabu inũ Israel dasibi hiwebaunabu txakabui mã atimapakũkainaii. Hanu haki nukuti Templo Senhor Deusũ betxipaihairakĩ meribi wabianikẽ Judá enabu hunibu ibubis atimapakĩ txakabuwakanikiki. Haska inũ, nawa betsa aĩbuaibũ yushibubu kẽwãmisbu matunã, Deusũ yunuti txibãma hatu aĩwãkĩ mã bikubainaii.

Malaquias 2:15

Na habias Deusunã, nukũ yura inũ nukũ yushĩ nuku inaĩsmamẽ? Deusũnã, eska betxipaimiski. Tsuabura hawenabus meribi pepabu watã hatu hiwemakatsis imiski. Haskawẽ taeshũ berunãtũ aĩbu mã aĩwaĩ habe yubakani hawa kaneama habe hiwekĩ matũ yushĩ ibubis pe mekekubaĩkãwẽ.

1 Coríntios 7:39

Hamẽ aĩbũ ikũwaĩ hawẽ bene hiwekẽ dapashkama habe hau hiwenũwẽ. Hawẽ bene mawaya ana beneuma keska hiwea beneyakatsis iki ikũwaĩ betsa benewatiruki.

Êxodo 34:16

Hatube mã yubakakẽ hanushũ matũ aĩbu bake hatũ huni bakebũ hatu aĩwãtirubuki. Hanushũ ha nawa txipashbu hatu aĩwãbu haska hatũ beya txakabu txibãkĩ yushibu sharabu kẽwãkĩ matũ huni bake parãkĩ hatũ yushibu hatu kẽwãmatirubuki, matũ huni bakebu habũ ea danãmakinã.

Salmos 16:3

Ha enabu hatiri meribi mia hiweshũkĩ habũ mia besti kẽwãmisburã, hatuwẽ benimai ẽ shinã txãkãkũkaĩmiski.

Hechos 4:23

Hanua Pedro inũ João hatu hawa wama hatu kaĩmabu kaĩbaĩ hatũ haibuaibuki nukutuxitã hatube itxatã dasibi Deusbe hawenabu hãtxashunika shanẽ ibubu inũ mae shanẽ ibubũ hatu haska wakãshu hatuki txaniaibu