2 Coríntios 6:1 - Kaxinawá Bíblia (BR)

^1-2 Ha dikabi yura tibi Deusũ yuikĩ: “Ẽ tsuara nĩkakatsis ikaya mĩ ea kenaya mĩ hãtxa nĩkatã ha shaba ikaitiã ẽ mia mekekĩ merabewashanaii”, ikaya nĩkatã Isaíasĩ keneniki. Haska shabakabi ẽ matu xinãmai nĩkakãwẽ. Natianã, Deusũ matu nĩkakatsis ikikiki. Ha inũ, natiã matu mekekatsis iriaikiki. Haskakẽ mã Deusbe dayakĩ ashũmis matu yununũ nĩkakãwẽ. Hamẽmẽs Deusbe haibunamei beparameama ikũ kayabi Deusũ hawẽ pepa ma matu uĩmaki. Danãyamakãwẽ. Haskawẽ taea nukurã, nũ Deusũ daya ashũkĩ merabewai dayashunikabuki.

Kashinawa : Diosun Jesúswen taexun yuba bena yiniki

^1-2 Ja dikabi yuda tibi Diosun yuikin: “En tsuada ninkakatsis ikaya min ea kenaya min jancha ninkatan ja xaba ikaitian en mia mekekin medabewaxanaii”, ikaya ninkatan Isaíasin keneniki. Jaska xabakabi en matu shinanmai ninkakanwen. Natianan, Diosun matu ninkakatsis ikikiki. Ja inun, natian matu mekekatsis idiaikiki. Jaskaken man Diosbe dayakin axunmis matu yununun ninkakanwen. Jamenmens Diosbe jaibunamei bepadameama ikun kayabi Diosun jawen pepa ma matu uinmaki. Dananyamakanwen. Jaskawen taea nukudan, nun Diosun daya axunkin medabewai dayaxunikabuki.

2 Coríntios 6:1 Referans Kwoze

Hebreus 12:15

Tsuabura Deusũ inãkuĩ pepa danãma hau hayai keyunũbũwẽ. Hamẽ haskama tsuara mã huĩti sinayarã, sika tatxa paepa keskatũ hatu daũkĩ akawakĩ yurabu mã hatu danãmatiruki. Uĩrakubaĩkãwẽ.

1 Pedro 4:10

Haska Deusũ matu kuxipa inãkĩ duawamis hawẽ dayakĩ pewakubaĩkãwẽ, hawẽ duapa kuxipa tibi ma matu inãni mã hayawẽ taeshũ betsabu uĩmai merabenaĩnã.

Gálatas 2:21

Haska inũ, Moisés keneni txibaĩ ẽ pepa bestiaya Cristo hamẽ nuku mawashũkeaniki. Hakia natianã, ẽ ana haskamaki. Deus ewẽ nuiaya Cristõ ea mekeawẽ taeshũ ẽ shenipabũ beya henetã Cristo besti ẽ txibãkubainaii”, akĩ ẽ Pedro yusĩniki, dasibitũ nĩkaibunã.

Hebreus 12:25

Ha inũ, Mati Sinai anushũ Deusũ hawẽ yunua hatu yuibia nĩkama hawẽ kupiti pashama inibuki. Ikis nai anushũ Deusũ hawẽ bakebetã nuku yusĩaĩ haskanibu keskakĩ nũ nĩkama nukuri nũ haskatã pashatirubumawẽ taeshũ hawara Deusũ nuku unãmai haki petxitã danãma uĩrakubainãkãwẽ.

Romanos 12:1

Ẽ betsabu inũ ẽ puibuũ, nukuwẽ dabanã ikĩ Deusũ nuku duawakubaĩmiswẽ taeshũ hawara xinãkĩ abuai natiã mã ashũkubainũbũ shabakabi ẽ xinaĩ matu yununũ nĩkakãwẽ. Haska Deus kẽwãkĩ yuinaka detetã menukĩ inãkĩ apaunibu keskama hakia natiã matũ hiweawẽ Deus duawanũ, iwanã, meribi pashkai pepatã Deus matũ yura inãkuĩa keska wakĩ hawẽ kemutapai benimawakubaĩkãwẽ. Haska wakinã, txanima kayabi mã Deus kẽwaiĩ.

Gálatas 3:4

Hamẽ Deusũ kuxipa mã binimẽ? Mã haskayarã, ẽ harakiri xinãtimaki.

Hechos 14:3

hatu haska wabiabu Jesusũ kuxipayabu Paulo inũ Barnabé habube shaba itxapa hiweyushũ nukũ Shanẽ Ibuki txiti itã hawa dateama Jesuskiri txani txakama hawẽ hãtxawẽ hatu ashũkĩ haska Deus nuikipakiri txanikĩ hatu unãmaya, hanushũ Deusũ hatu merabewakĩ kuxipa wakĩ dami atimaska betsa betsapa hatu ashũkĩ uĩmaya

Tito 2:11

Deusũ yurabu mai hirabi anua hawẽ duapawẽ hawẽ pashati Jesus Cristo hatu unãmakĩ bitirubu inũ biturubuma hatu shabakabi tashnimashuniki.

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

2 Coríntios 10:1

Haska bestibu mã ekiri hãtxamis ẽ Paulõ ẽ matu yuiai ea nĩkairakãwẽ. Matu anushũ betsabũ yuikĩ: “Paulo nukube hiwea hãtxahairaisma yunuama unãshubira nuku hãtxa wabiamis txaikeshũ nuku keneshũkĩ hãtxa kuxipawẽ yunukĩ nuku ha amiski”, iwanã, mã ea yuãbiamisbũ haska duapakĩ ẽ xinãmis matu yuinũ nĩkairakãwẽ. Haska mã yuibiaya hãtxa kuxipawẽ ẽ matu kũyã atirubia haska duapakĩ unãshubira Cristõ yurabu yusĩkubaini keska wakĩ hãtxa shãkamawẽ yuikĩ matu kũyã akatsi ikama matu anu ẽ ana kakẽ habũ ea shenĩkamisbu ẽ hatube hãtxakatsi ikamaki. Hatũ xinã betsa wamakĩ hau ana hamakiri xinãtxakayamanũbũ hatu meshtãmakãwẽ.

1 Samuel 14:45

hakia haska wai hawenabũ nĩkatã Saul kemakĩ: —Haskatã e iskaũ Jônatas mawatirumẽ? Jônatasã hawenabu Israelĩ enabu Filisteu nawabu dasibi nuku maemamashũkĩ keyushũbiranawẽ taea mawatirumaki. Haska Jônatasã abiranarã, Deusũ merabewaya Jônatasã abiranawẽ taea Senhor Deus hiwekũkainaya Jônatas mawai hau tĩ iyamanũwẽ, hawẽ bu dikabi betsa teseamarã— akĩ Jônatas hau mawayamanũ haska yuikĩ Saul nemanibukiaki.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

1 Tesalonicenses 3:5

Matukiria kaka nĩkakatsis ibiai tsua yukatima matu xinaĩ: “Satanásã hatu parã ma txĩtũxinabumẽkaĩ ika datei hamẽ nũ hatu yusĩmamẽkaĩ”, ikĩ eã ẽ ana manatiruma matu anu Timóteo ẽ nitxĩmaki, haskamẽ mã ikũwãkubainai hau nukuki txanikĩ nuku banabimayushanunã.

Hebreus 4:1

Ha haskanibukiri natiã nũ yuikubainairã, hawẽ mae pepa haska Deus yubakani hanu huĩrukuĩ hikikatsi iki nũ ikaiburã, haska keskariki. Uĩrakãwẽ. Betsabũ matũ xinã mã betsa wamakẽ haskawẽ taea mã hikitirumariki.