2 Coríntios 12:15 - Kaxinawá Bíblia (BR)

¹⁵ Matu anu hikitã matũ ibu keskakĩ matuwẽ nuihairakĩ matu merabewakatsis ikĩ ẽ hawara bikĩ dasibi ẽ pei putakĩ ẽ keyushanaii. Ha inũ, matu abuhairakĩ ẽ heneama ibiakũkainaya matunã, mã ea abu mirĩkĩ henekubaĩshanai?

Kashinawa : Diosun Jesúswen taexun yuba bena yiniki

¹⁵ Matu anu jikitan matun ibu keskakin matuwen nuijaidakin matu medabewakatsis ikin en jawada bikin dasibi en pei putakin en keyuxanaii. Ja inun, matu bechipaijaidakin en jeneama ibiakunkainaya ¿matunan, man ea bechipai midinkin jenekubainxanai?

2 Coríntios 12:15 Referans Kwoze

1 Tesalonicenses 2:8

Haska wakĩ matu abukĩ Deusũ kakape yusĩ benimai matuwẽ nuihairai kashakatsis iki haska xinaĩ ẽ matu mawashũkeanimaki. Haskawẽ taea ana habias matukiri xinãkĩ matu merabewanũ, iwanã, hamapai betsa nũ matu ashũkatsis ikaii.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

2 Coríntios 1:6

Ea inũ Timóteo hamapaiwẽ nuku bika tenemaibũ nukuwẽ taea nukukiri xinãtxakai mã huĩti nixmama mã Jesus Cristo ikũwanũbũ nũ tenekubainaii. Ha inũ, Deus nukuwẽ nuikĩ nukũ huĩti tsiũ ika nixmabiakẽ nuku benimawamisshũ haska maturi memaibu merabewati xara nũ tenemiski. Haskakẽ hawa dateama habiaskari maturi akaibu mã teneriairã, hawẽ kuxipakubaĩkãwẽ, maemairã.

Colosenses 1:24

Natiã matuwẽ taea nuitapairã, ẽ benimaii. Hau hawẽ taea nũ bika tenekũkaĩshanũ Cristõ nuku yunutã ha dukũ txanima hawẽ yurawẽ ha ikũwãshanaibu merabewanũ ika hatu bika teneshũkĩ haskawẽ taea eari ibubis ẽ yurawẽ menei ẽ ishũriaii, mã ha ikũwaĩbuwẽ taearã.

2 Timóteo 2:10

Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

Hebreus 13:17

Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

2 Coríntios 12:14

Dabeki ẽ matu yusĩtanima samama ana matuki banũ ika ẽ kakatsis ikĩ ẽ matukiri ana xinãtanaii. Hakia haska bakebu yumeriabumã hatũ hamapai xarabu hatũ ibubu mekeshuĩsma hakia ibubũ hatũ hamapai hatũ bakebu mekeshũshũ hatũ hawara bishũmis keskakĩ eã dukũ Cristokiri ẽ matu yusĩtani ẽ matũ ibuki. Matu haska wakĩ ẽ bakebu keska ẽ matu aniwẽ taeshũ matũ hamapai ẽ matu mẽkatsis ikamaki. Hakia mã Cristoki dasiabũ ẽ yusĩa ikũwãkĩ txibãmisbũ mã ekiri xinãtiruki. Haskawẽ taea Cristo besti mã txibanũbũ ẽ matu ana yusĩ kakatsis ikaii.

2 Coríntios 12:9

dabe inũ bestikiri ea yuikĩ: “Miwẽ nuikĩ ẽ mia duawamisrã, hatiwẽ besti mĩ benimatiruki. Isĩ tenei mĩ babubia mĩ ea dayashũkũkaĩkĩ ẽ kuxipa mĩ unãtiruki”, ea waniki. Haskakẽ yura babu haya Cristõ kuxipa hayakatsis iki haska emebi ẽ hawawatiruma ẽ hawẽ kẽtiruki.

2 Coríntios 1:14

Nukukiri mã nĩka beshmas waii. Hakia nukũ Shanẽ Ibu Jesus ana huaya mã pepaibu matuwẽ keĩ nũ benimaya nũ matu yusĩ pewamiswẽ taea inũ nukuwẽri taea benimakĩ mã nuku kẽwãriashanai ẽ manakubainaii.

Gálatas 4:10

Hawẽ pepanũ, iwanã, Moisés yusĩa txibaĩ judeubũ besi betsa betsapa mã imiski, hanu nawatitiã inũ, ushe benatiã inũ, uitiã inũ, baritiã inũ, bari benatianã.

2 Samuel 18:33

hawẽ bake ma mawa unãtã huĩti meteshekei nishmahairatã mae hikiti shui mamaki dĩtu betsa manaũri anua kashanũ ika kai tapaitiwẽ inakaĩkĩ yuikĩ: —Ẽ bake Absalãonẽ! Ẽ bake Absalãonẽ! Mĩ shãtukũ ea ẽ mia mawashũpanã mĩ mia mawashuki. Ẽ bake Absalãonẽ! Ẽ bake Absalãonẽ!— ikũkaini dĩtu merã hikia kasha txakayamaya

Romanos 9:3

Haskakẽ enabu Israelbũ hau Cristo ikũwanũbũ hatu merabewanũ ika eã eska ẽ hatukiri xinãkubainaii. Ea kayabis Deusũ hau hatuwẽ ea kupinũ ika hatuwẽ taea Cristo dapashkatã haskatã enabu kayabi ẽ hatu merabewatiru daka ishũ hatukiri ẽ xinãkubainaii, hau enabũ Cristo ikũwanũbunã.

2 Coríntios 7:2

Mã pe hiweabuwẽ taea matukiri nĩkatã xinaĩ hawa dateama matukiri shabakabi hãtxakĩ ẽ matu kẽwaiĩ. Hamapai bika nũ tenerabebiai haska mã pe hiweabu nĩkai ẽ huĩti benimahairaii. Matũ txakabu henetã nuku keskakĩ Deus duawanũ ika mã hiweaya matuwẽ nuihairai ẽ matuki ana ha ikamaki. Haskarã, ma bebũkiri ẽ xinãwẽ ẽ matukiri txanimaki, ẽ matube hiwekatsi ikai inũ ẽ matube mawakatsis ikairã. Hanua nũ tsua txakabuwaismabiakẽ yura eskarabes matu anushũ nukukiri xinã txakakĩ: “Paulo inũ habetã yusĩmisbũ nukũ hamapai biãkĩ nuku nuitapawakĩ itxakawakĩ nuku paraĩmabuki”, ikaibu nũ hatu haska waismawẽ taeshũ hatu ikũwãyamakãwẽ. Hakia nũ matũ haibuaibuwẽ taea matuwẽ nuihairakĩ nũ matu pe xinãmis keska wakĩ nukukiriri pe xinãkãwẽ.

2 Coríntios 11:11

Haskai haska ẽ hãtxai? Ẽ matuwẽ nuiamawẽ taeshũ ẽ yuiai? Haskamahairaki. Ẽ matuwẽ nuikĩ abuhairai Deusũ unaĩkiki.

2 Coríntios 4:12

Haskakẽ shaba betsa nũ matu mawabiashũshanaya Jesus Cristokiri nũ matu yusĩmiswẽ taea niti ikama maturi benuama mã habe hiwepakeshãkanaii.