2 Coríntios 11:13 - Kaxinawá Bíblia (BR)

¹³ Hamẽ haburã, Cristõ kuxipayakatsis ibiai yusĩnã kayabibumaki. Nuku keskakatsis ibiai peiwẽ kemui parananãmisbuki.

Kashinawa : Diosun Jesúswen taexun yuba bena yiniki

¹³ Jamen jabudan, Criston kushipayakatsis ibiai yusinan kayabibumaki. Nuku keskakatsis ibiai peiwen kemui padanananmisbuki.

2 Coríntios 11:13 Referans Kwoze

Apocalipse 2:2

Ea txibãkĩ ea dayashũkĩ bika tenei mã txĩtuãbumaki. Ha inũ, tsuabũra matu parãmisbũ yuikĩ: Jesusũ kuxipawẽ ẽ hawẽ yununikaki. Ea nĩkakãwẽ, ikaibu unãtã hatu danãkĩ

Filipenses 3:2

Ha huni yusĩnã meketikiri parananaĩ itxakanikai daya pepa wanikapaikĩ matu yusĩkĩ judeubu keska matu hiwemanũ ika ikanikiki, dateyamakaĩ matũ hina kubitxi meshtemanũ ikarã. Matu haska wanũ ikaibu uĩrakãwẽ.

Gálatas 1:7

Txanima ẽ matu yuiaii. Yusĩa betsa naeshuma kuxipa hayama keskawẽ matu yusĩkanikiki. Huni betsabu humepakĩ matu parãkĩ Cristõ matu mekeakiri kakape betsa wakĩ habias hãtxawẽ matu yusĩabumaki. Hatũ yusĩa hãtxarã, hamẽ haki beparamekanikiki.

1 João 4:1

Ẽ betsabu inũ ẽ puibuũ, matuwẽ nuikĩ na haska tashnibiranaibukiri ẽ matu yusĩkatsis ikaii. Mai hirabi anu Deusũ hãtxa yuishunikanikapai habu txani txakaiburã, mirima hayaki. “Eari ẽ Deusũ hãtxa yuishunikaki”, ikaiburã, dasibi hatu ikũwãyamakãwẽ. Hakia hatu unãti wakinã, txanima habu Deusũ Yushĩ haya ikanimẽkaĩ? Hayamabia matxupai ikanimẽkaĩ? Hatu uĩkubaĩkãwẽ.

Gálatas 2:4

Hanua betsarã, nũ itxanu nukũ betsabu hatiri nukubetã ikũwaĩ kayabibumari hune nuku unãti wanũ ika hikia manishũ nĩkakĩ hawama Jesus Cristokiri nĩkatã txibaĩ ma mekei pepabiaibũ hanua habũ Moisés hatu yusĩni hatũ beya nuku ana husimakĩ txibãmanũ ika ikaibũ hawa hatu nĩkama binumakĩ ha Jesuskiri hãtxa txanimawẽ taea hawa beya tibiwẽ husikĩ matukiri nuku kanemama inibuki, mã haska betsatã maetirubumakirirã.

Hechos 20:30

Matu ibubis matu anua hanubi benitã shanẽ ibutã: “Ea txibãkãwẽ”, ishũ matu parãkĩ matu txani yusĩshãkanikiki.

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

Colosenses 2:4

Haska matu yuikinã, hau ana tsuãra yusĩa betsawẽ ana matu parãyamanũbũ Cristo besti unãnepahairakiri ẽ haska matu banabimaii.

Efésios 4:14

Haskakẽ ana bake mixtĩbũ xinaĩ keska ana hiweyamakubainãkãwẽ. Eskaki, matu yuinũ nĩkakãwẽ. Huni betsa betsapabũ bake mixtĩbu beparanabu hawaira nĩkamisbuki. Nuku habiaskari wakĩ yura betsa parananãkĩ Deusũ yusĩa kayabi txibãma yusĩa bena watã matu yusĩaĩbu hatu nĩkakĩ hatũ hãtxa ikũwãkĩ bake mixtĩbũ hamapai tibi txibaĩ imis keskai ana iyamakubainãkãwẽ.

2 Coríntios 11:15

tashnishanai yuini hatuwẽ Satanás parananaĩ dayaikiki, “Nũ Deusũ tsumaburiki”, ikirã. Haskakĩ habũ nuku parãmisbu Deusũ hatũ txakabu unãtã hawẽ hatu kupishanikiki.

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.

Apocalipse 2:9

Natiã bika betsa betsapa tenei hawauma mã nuitapaibu ẽ unaiĩ. Haskabia txanima matũ manakuti itxapa nai anu matuki nũ tana mã hayaki. Ha inũ, habu matukiri hãtxa atimapa hãtxai inũ ibubiskiri yui: Ẽ judeuki, ibiai ikũ kayabiwama haska Satanásã abuai besti txibãmisbu ẽ hatu unãriaii.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.

1 João 2:18

Ẽ bake keskabuũ, ma bari hawẽ henei keyuikiki. Bari hawẽ heneaitiã huni shanẽ ibukĩ Jesus Cristo mebinũ ika haki sinatai haki beparamei hushanai mã nĩkanirã, na habiatiã itxapabu haki sinatai ha keska ma tashniaibu mã uĩaiĩ. Haskawẽ taeshũ ma bari hawẽ henei ma kemai mã unãtirubuki.

Gálatas 6:12

Hi cruzkia mawakĩ nukũ txakabu Cristõ buaniki, haska hari hãtxakatsi ikama ha yusĩnanaĩ parananaĩbũ hau judeubũ hatu dakewakĩ danãkĩ hatu bika tenemayamanũbũ ishũ hau hatukiri pe xinãnũbũ, iwanã, nĩkamas maturi hina kubitxi meshtekatsis ikanikiki. Hatu uĩrakãwẽ.

2 Coríntios 4:2

Hakia hawa dakeama hawara huneshũ nũ aisma inũ, matxupakĩ tsua nũ paraĩsma inũ, Deusũ hãtxa hamakiri yuikĩ nũ betsa waismaki. Nũ haska wamiswẽ taea hiwekĩ nũ yusĩmis Deusũ unãyã hawẽ hãtxa nũ matu shabakabi yusĩkubaĩmiski, hau dasibibũ nukũ yusĩa nĩkatã hatũ xinã pewanũbunã.

Hechos 15:24

Haskakẽ nenuari nukunabu nũ hatu yunuamabia buimashũ hatũ beyakiri matu yusĩkĩ matu itimaska waibu nũ nĩkaxinaki.

Gálatas 4:17

Haskakĩ Jesus ikũwaĩ matxupabu huĩti txakabuyabũ judeubũ beya matu txibãmakatsis ikĩ tari matu pashkanũ, iwanã, matu hawenawakĩ habũ yusĩa besti matu txibãmakĩ hawẽ tsumabu matu wakatsis ikanikiki.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Hechos 15:1

habiatiãri habũ Jesus ikũwaĩ judeubu betsa Moisés yusĩa txibãkĩ abuhairamisbu Judéia anua Antioquia anu buxĩshũ Jesus ikũwaĩbu habũri hatu yusĩkĩ: “Judeubumã tsuabũra mã nukubetã Jesus ikũwaĩburã, Moisés nuku yununi beya habũ hina kubitxi biabumarã, Deusũ hatu meketirumaki”, iki hatukiri hãtxaibũ

Mateus 25:24

hanua ha 1.000 inãbaĩyama hari hawẽ henei hikishũ hawẽ shanẽ ibu yuikĩ: “Shanẽ ibuũ, naki, mĩ peirã. Miwẽ datekĩ mĩ pei benukatsi ikama bibaini kashũ mai pukĩshũ ẽ mia arushũyamaki. Dayakĩ hawa mibã banamabia mĩ itxawamiski. Hanua heshe sa akamabia mĩ itxawariamiski. Mĩ huni mesekẽ miwẽ datekĩ mĩ pei ẽ mia arushũyamaki”, akaya

Filipenses 3:18

Tsuabura itxapa matube hiweabũ hatũ hiwea sheni henekĩ betsa wakatsi ikama Cristo cruzki hatu mawashuni xinãma haki sinatai keska hiweabu haskabukiri hawẽtxaĩs ẽ matu yuimiski. Natiã haska xinaĩ kashayabi ana hatukiri ẽ matuki txaniaii.