2 Coríntios 11:11 - Kaxinawá Bíblia (BR)

¹¹ Haskai haska ẽ hãtxai? Ẽ matuwẽ nuiamawẽ taeshũ ẽ yuiai? Haskamahairaki. Ẽ matuwẽ nuikĩ abuhairai Deusũ unaĩkiki.

Kashinawa : Diosun Jesúswen taexun yuba bena yiniki

¹¹ ¿Jaskai jaska en janchai? ¿En matuwen nuiamawen taexun en yuiai? Jaskamajaidaki. En matuwen nuikin bechipaijaidai Diosun unainkiki.

2 Coríntios 11:11 Referans Kwoze

2 Coríntios 12:15

Matu anu hikitã matũ ibu keskakĩ matuwẽ nuihairakĩ matu merabewakatsis ikĩ ẽ hawara bikĩ dasibi ẽ pei putakĩ ẽ keyushanaii. Ha inũ, matu abuhairakĩ ẽ heneama ibiakũkainaya matunã, mã ea abu mirĩkĩ henekubaĩshanai?

Apocalipse 2:23

Ha inũ, ha aĩbũ hãtxa nĩkamisbu tenãkĩ ẽ hatu yamawashanaii. Ẽ hatu haska waya dasibibũ xinã inũ habũ huĩti ẽ unãhairamis habũ ea ikũwãkĩ txibãmisbũ txanima unãshãkanikiki. Ha inũ, hatiribũ haska hiwea abumisbu unãtã pepabu pepawẽ hatu kupikĩ txakabubu txakabuwẽ ẽ hatu kupishanaii.

Hebreus 4:13

Dasibi Deusũ hatu damiwanirã, unãti waya tsuã hani hũtaĩ hunetirubumaki. Dasibi nukũ akarã, hirabi nuku unãti washanikiki, nukuki kenemis bepẽtã manakukĩ pewakinã.

2 Coríntios 11:31

Ẽ haska txani keãyã nukũ Shanẽ Ibu Jesus Cristõ Epa Deusũ ẽ hãtxa nĩkakĩ txanima hãtxa besti ẽ yuiai unaĩkiki, ha ikibi ini yurabũ kẽwãkubaĩshanaibunã.

Hechos 15:8

Ha Romano shanẽ ibu Cornéliõ hiwe anushũ ẽ hatu yusĩayã habũ Jesus ikũwaĩbu Deusũ dasibi nukũ xinã unãmistũ ha judeubumari hawenabu wakĩ ikũwãmakĩ nuku keskari wakĩ kuxipa wakĩ hawẽ Yushĩ Pepa hatu inãkĩ hatu atximayamaki.

João 21:17

ana hawẽ henekĩ Pedro yukakĩ: —Jonasĩ bake Simãoneẽ, mĩ ea abuhairai?— aka dabe inũ bestiki habias yukaiwẽ taea Pedro huĩti nixmai punu nukatã abuaiwẽ taeshũ yuikĩ: —Shanẽ Ibuũ, ẽ xinã dasibi unãkĩ ẽ mia abuhairairã, mĩ unaiĩ— aka —Habiaskari wakĩ enabu txashuwã keska hatu yusĩkĩ hatu ea mekeshuĩrakubaĩshãwẽ— iwanã,

2 Coríntios 11:10

Matu merabewakatsi iki matuwẽ nuikĩ matũ pei ẽ bisma yuikĩ hãtxa txanima besti ẽ yuiai Cristõ unãyã hawara ẽ yusĩmis ẽ hawẽ keaĩ Acaia mai pakea anu maniabu tsuabũra ẽ hãtxa nematirubuma ishãkanikiki.

Romanos 1:9

Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

2 Coríntios 2:17

Haska xinãbuma yusĩnã betsabu Deusũ hãtxaki meseama kemukĩ pei besti binũ, iwanã, bukubaũkĩ yusĩmis keskama nukuburã, Deusũ nuku yunukĩ hawẽ kuxipa nuku inãkẽ matu parãma hãtxa txanima nũ matu yusĩayã hawẽ hãtxawẽ taea nũ Cristoki dasiabũ txanima Deusũ nuku pe uĩayã Jesus Cristokiri nũ yusĩkubaĩmiski.