1 Timóteo 6:1 - Kaxinawá Bíblia (BR)

¹ Hamẽ betsarã, tsuara huni betsã escravo dayarutunã, Jesus Cristo ikũwãkĩ hau hatũ tsuma duawakĩ nĩkai hau hatukiri pe xinãkubainũbũwẽ, hatu heneamarã. Hatu haska uĩmamakẽ Jesus Cristokiri nũ hatu yusĩaĩ inũ Deusũ kena yura betsabũ yuãtirubuki, “Hanis hatu yusĩkaniraka”, nuku wamakinã.

Kashinawa : Diosun Jesúswen taexun yuba bena yiniki

¹ Jamen betsadan, tsuada juni betsan esclavo dayadutunan, Jesucristo ikunwankin jau jatun tsuma duawakin ninkai jau jatukidi pe shinankubainunbunwen, jatu jeneamadan. Jatu jaska uinmamaken Jesucristokidi nun jatu yusiain inun Diosun kena yuda betsabun yuantidubuki, “Janis jatu yusinkanidaka”, nuku wamakinan.

1 Timóteo 6:1 Referans Kwoze

Tito 2:5

Ha inũ, hau tsua Deusũ hãtxaki hãtxa txakabuyamanũbũ hatu yusĩkĩ haska hatũ xinã pe meketirubukiri inũ, ibubis hatũ yura pe meketirubukiri inũ, hatunabu inũ hatũ mabu tibi hiwe anu pe dayakĩ meketirubu inũ, hawara pepabu abutirubu inũ, hatũ benebe hãtxawẽ binunametirubuma txipaxbu yusĩkĩ mĩ hatu unãmariatiruki.

Romanos 2:24

Haska Deusũ hãtxa yuishunikatũ kenekĩ yuikĩ: “Mã haska hiwemiswẽ taea judeubuma Deuski meseama ẽ hẽ imakĩ mã hatu kashe paepawamaii”, haska keneni keska habias kanekĩ mã hatu amakubainaii.

1 Pedro 3:16

babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

Gálatas 5:1

Haska inũ, Moisés nemati inũ hawẽ yunuti nũ ana txibãyamanũbũ Cristõ nuku kaĩmaniki, Moisés yusĩa txibaĩ nũ ana hatũ escravo iyamanunã. Matu haska nemanikẽ Jesus besti txibaĩ ana xinã betsa wama judeubũ yusĩa danaĩ ana hatũ dayaru escravo iyamakubaĩkãwẽ.

Hechos 15:10

Haskawẽ taeshũ ha Moisés nukũ shenipabu yusĩni beya habũ txibãtiruma ipaunibuki. Habiaskari nũ Israelbũ nũ txibãtirubumariki. Haskakĩ Deusũ hatu haska wamabiakẽ matu Deus keskakĩ judeubumã Jesus ikũwaĩbu mã hatu yunuai? Hatu haska wayamakãwẽ.

Hechos 10:22

habũ Pedro yuikĩ: —Nukũ shanẽ ibu capitão hawẽ kena Cornéliõ nuku yunuxina mia anu nũ hushuki. Huni duapa pepatũ Deus kẽwãriamiski. Haskawẽ taeshũ judeubu dasibibũ abukĩ hakiri pe xinãmisbuki. Hanushũ hau mĩ hãtxa nĩkashanũ Deusũ nai tsuma betsã yunua nĩkaxĩshũ hawẽ hiwe anu mĩ kanũ mia kenaikiki— akabu

Hechos 10:7

ha nai tsuma habe hãtxatã kakẽ hawẽ tsuma dabe inũ soldado betsã Deus kẽhairawariakĩ Cornéliõ hãtxa nĩkashũmis hatu kenashũ

Lucas 17:1

Hanushũ Jesusũ haki txiti ikabu besti yusĩkĩ yuikĩ: —Tsuãra haska xinãmabiakẽ yura betsã hawara txakabu memakĩ mia beya wamanũ, iwanã, haska Deusũ yunumis inũ nemamis matu amakĩ txakabuwamisbuki. Hakia tsuabũra enabu huĩti babubu parãkĩ hatu txakabuwamamis haburi Deusũ hatu kupia nuitapahairashanaiwẽ taea hawẽ shekiwã deneti mixki ewapa neshashũ teumatã iãnẽwã merã pukua hasarã, hawẽ kupiti beshmas mekeanaii.

Mateus 11:30

Hanua ebe hi tekishkũrabea keskashũ hawara bikahaira ana tenehairama ebe merabenaĩ nũ shãkapa aka wabaĩtirubuki— hatu anikiaki.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

1 Timóteo 5:14

Ikũwãbumã hau nukuki kasheyamanũbũ aĩbu beneyabiaima ma hawẽ bene mawa kasmai henebainima yushaburiabumarã, hau ana beneyakubainũbũwẽ. Haskatã bake bitã hatũ hiwe meranua pe dayakĩ hau hatu duawakubainũbũwẽ.

1 Coríntios 10:32

Haska hamapai tibi akĩ hawara danaĩbu hatũ berubi akĩ hatu uĩmatxakayamakãwẽ, judeubu kasmai judeubuma kasmai ikũwaĩ betsabu hiweaburã.

Mateus 11:9

Haskakenã, hawa mã uĩtãtanimamẽ? Deusũ hãtxa yuishunikamẽkaĩ? Haki. Joãonã, ikũ Deusũ hãtxa yuishunikaki. Ha inũ, yuishunika betsabu Deusũ yununi Joãonẽ ma hatu binuaki.

Ezequiel 36:23

Hatu anushũ mã ea txitekĩ yuãbiaya ha nawabu bebũshũ ẽ kena meribi kushipa ẽ hatu uĩmashanaii. Ẽ hatu haska washuna ea uĩ ea besti ẽ Senhor Jeová habũ ea unãkubaĩshãkanikiki. Ea Senhor Deusũ ẽ hãtxa txanima ẽ mestẽwaiĩ.

Ezequiel 36:20

Hakia hanira nawabũ enabu hatu iyukĩ hatũ mae anu hatu bitxitã ẽ kena meribi habukiri yuikĩ: ‘Narã, Senhor Deusũ enabubia hatũ mai pakea anua hatu tashnimabirãkĩ nenu hatu iwenibuki’, hatu akubainaibũ

Isaías 58:6

Haskatimahairaki! Samakea kayabi eã ẽ betxipaiairã, eska tibi shinaĩ itiki. Nĩkairakãwẽ. Mane dispi txiwetameya nasa keska wakĩ yunuti txakabu pekakãwẽ. Hatu bika tenemakĩ mã huni betsa neshakĩ akawarã, ana hatu bika tenemama henekãwẽ. Hatu itxakawaibu merabewakĩ hatu mepãmakãwẽ. Tsuãra hatu yunutxakai mã pubẽmisrã, yamai beshtekerikãwẽ.

Isaías 52:5

Natianã, hatu haska waibu hawa hatukiri ẽ uiaĩ? Enabũ hawa hatu wamabia Babilônia anu hatu iyunishũ hatu itxakawai hatuki kashei keĩ hanis Deusunabu daka hatu wai eki sinatai hãtxai heneabumaki.

2 Reis 5:13

hakia hawẽ dayarubu ha dapi bushũ yuikĩ: —Shanẽ ibuũ, Deusũ hãtxa yuishunikatũ mia merabewakĩ: “Hawara bikahairawẽ ea yunuwe”, ishũ mĩ haskakiri shinaĩ? Hawẽ hãtxa txibaĩ mĩ ikatsi ikamaki. Hakia: “Hene Jordão anu nashitãwẽ”, akĩ mia yunua nashitã mĩ shushatiruki, iwanã, mia yuishurã, hawa bikamaki. Iki kawe— akabu pes nibiabai

2 Samuel 12:14

Hakia Senhor Deus habi mĩ dakehairawaimawẽ taea mĩ huni bake Bate-Seba dama kaĩshina samama ha mia mawashũshanikiki— atã

Gênesis 24:12

hau ea unãmanũ ishũ Abraão tsumapã Deusbe hãtxakĩ ea akĩ yuikĩ: —Ẽ tsuma Abraão mekenika Senhor Deusuũ, ẽ tsuma mĩ duawamis keska wakĩ eari merabewakĩ uĩmakĩ ea tapĩmawe. Uĩwẽ. Ũpash bana kini dapi ẽ nikẽ ũpash bi txipashbu ibirã ibiranaibu unãti wamakĩ txipash betsa ẽ yukakatsi ikaii: “Mĩ shumu buteshũ ũpash ea amawe!” ẽ aka ha txipash mĩ ma katua ebe hãtxai: “Awe, ũpashrã. Mĩ camelori ẽ mia amashunaii”, akĩ ea yuiai ẽ unãkatsis ikai ha txipash mĩ ea katushunairã, Isaque aĩ hau ishanunã. Haskawẽ taeshũ ẽ tsuma Abraão mĩ ana duawai ẽ unãkatsis ikaii— akaya

Gênesis 24:2

hanushũ hawẽ beya txibãkĩ Abraão hawẽ tsuma shanẽ ibu haki txiti ika hatũ dasibi hatu mekemis inũ hawẽ mabu mekeshuna Eliézer kenashũ yuikĩ: —Ẽ mia yuiai ea dapi huwe. Deusũ nuku uiãwẽ taeshũ ẽ mia yubamaii. Nukũ beya txibãkĩ ea unãti wamakĩ tsitsaukaĩ ea kishwakewe, mĩ ea haska waya ẽ mia yuiairã. Canaã nawabu nũ hatube hiweabu anua aĩbu Isaque ẽ bimakatsi ikamaki. Hakia hanua ẽ huni anu kashũ enabu anua aĩbu ẽ bake Isaque ishũtãshãwẽ. Senhor Deusũ nai inũ mai damiwanitũ nuku uiãyã haska ẽ mia yunuai inũ ẽ mia yubamai ea ashũtãwẽ— aka

Gênesis 16:9

Senhor Deusũ nai tsumã Agar ana yuikĩ: —Hariri ana kama nenua txĩtũrikaĩwẽ. Mĩ dayashũmistũ hãtxa nĩkakĩ hawẽ yunua ashũrikubaĩtãwẽ— atã