1 Samuel 7:6 - Kaxinawá Bíblia (BR)

⁶ Mispa anu bui itxai keyushũ huni bestibu tibitũ txatxa ũpash bitãshũ Senhor Deusũ berubi kẽwãkĩ inãkuĩ keska wakĩ mai anu ũpash hukakĩ keyushũtã habiatiãri samekekĩ dasibibũ nĩkaibũ shabakabi hatũ txakabu yuikĩ: “Nũ hawa shinãma Senhor Deus danãkĩ nũ txakabuwakubaĩshinaki. Nũ ana haskakatsi ikamaki”, ikeakeaibũ Israelĩ enabu Samuel hatũ shanẽ ibu unãti wanika kushipa taeaya

1 Samuel 7:6 Referans Kwoze

1 Samuel 1:15

Anã kemakĩ yuikĩ: —Ẽ shanẽ ibuũ, ẽ haskamaki. Vinho inũ nushuti betsa paepa ẽ akamaki. Hakia ẽ nuihairai inũ ẽ shinãhairai ẽ hawẽ mawakatsis ikĩ dasibi Senhor Deus bebũshũ ẽ yuikĩ keyui ikaii.

Joel 2:12

Hanushũ Senhor Deusũ hawẽ hãtxa txanima mestẽwãkĩ eska matu yuikĩ: “Samakei bis bis iki kashakĩ matũ huĩti hirabiwẽ shinã betsa watã ea anu txĩtũrikãwẽ”, matu waikiki.

Lucas 15:18

Haskakẽ nenua txĩtũkaĩ hikishũ yuikĩ: ‘Epaã, Deusũ yunua nĩkama itxai miari itxakawai ẽ txakabukaĩtanaii.

Salmos 42:3

Bariri inũ meshu merã kashai ẽ beũ hene habamisrã, harã, ẽ pitiki. Ẽ haskaitianã, bari tibi hawẽtsaĩs habũ ea bika wakĩ yukamisbuki: “Hanimẽ, mĩ mekenika Deusrã?” akinã.

Jó 42:6

Haskawẽ taeshũ hawara mikiri ẽ yuishina ana shinãma ẽ yamawakatsis ikaii, hau mĩ ekiri haska ana shinãyamanunã. Na habiatiã mai kuru inũ txi mapu anu tsaushũ mikiri ẽ ana shinã betsa wakĩ taewaii”, akaya

Gênesis 31:49

Labãonẽ ana yuikĩ: —Nũ pashkakaina nũ ana uinanãmakẽ hau Senhor Deusũ nuku dabe uĩpakeshanũwẽ.

1 Samuel 7:15

Samuel hiweatiã hatu dayashuni Israelĩ enabũ shanẽ ibu unãti wanika kushipa ikũkaĩkĩ

Jeremias 36:9

Judá enabu mai pakea anushũ hatu yunui Josiasĩ huni bake Jeoaquim shanẽ ibuhairai ma 5 ano inũ 9 ushe kaitiã Jerusalém anua inũ mae betsa betsapa anua Templo hemaĩtĩ anu itxa Senhor Deus bebunua samekeaibũ

Juízes 2:4

Senhor Deusũ nai tsuma kushipa hãtxai ma menekainaya hanua Israelĩ enabu huĩti nishmahairatã kasha txakayamai bis bis ikasima

1 Samuel 10:17

hanushũ hau Senhor Deus kẽwãkĩ duawai benũbũ Mispa anushũ Israelĩ enabu Samuelĩ hatu kena

1 Samuel 12:10

hakia txipu huĩti nishmashũ haska ma kaneshina Senhor Deus yuikĩ: “Mia danãkĩ mia henebaĩ yushibu Baal inũ Astarote kẽwãkubirani nũ txakabuhairaimaki. Nukuki sinataibu nuku nemashũwẽ, hau nuku ana yunuyamanũbunã. Mĩ nuku haska washuna mia besti duawakatsis ikĩ nũ mia yubaii”, akabu

Jó 3:24

Ẽ isĩ tenehairai mei ẽ eẽ ikairã, txanima ẽ piti keskaki. Ẽ isĩ tenehairai hãtxai ẽ ari ari ikairã, harã, ẽ nushuti keskaki.