1 Samuel 6:16 - Kaxinawá Bíblia (BR)

¹⁶ Filisteu nawabũ ina awa txibãbiranabũ haska waibu dasibi uĩtã habias shabatiãri Filisteu nawa 5 shanẽ ibubu hatũ maewã Ecrom anu txĩtuaĩbũ

1 Samuel 6:16 Referans Kwoze

1 Samuel 6:4

ana habũ hatu yukakĩ yuikĩ: —Senhor Deus daewakinã, hawa nũ inãkuĩtirumẽ?— hatu wabu hatũ yushibubu kẽwanikabũ hatu kemakĩ yuikĩ: —Matu inũ matũ shanẽ ibubu habias kupiti txakabu mei mã bika teneriaiwẽ taeshũ mane ourowẽ matũ yura anu su ika keska wakĩ 5 dami hatu amashãkãwẽ. Ha dikabi ouro shuya keska wakĩ 5 dami hatu amariashãkãwẽ, bestibu matũ shanẽ ibu tibi wakinã.

1 Samuel 6:12

Bete-Semeskiri bai hau tanabaĩtanũbũ ina awa yushã heneabu hamebi kai maã maã ikũkaini besukiri bai tanabaini hawa benuama yusiuri inũ yusmauri hikiama kayatapibainaibũ hatxũ Filisteu nawa shanẽ ibubũ txibãkubaini ha Bete-Semes mai pakea kesha anu niti ishũ uiaĩbũ

1 Samuel 5:10

haskawẽ taeshũ maewã betsa Ecrom anu Deus hatube yubakani hãtxa aruni bau Filisteu nawabũ ana maewai bukĩ hatu anu bitxibainaibũ Ecrom anu hiweabũ uĩkĩ hui kushipawẽ hatu nemakĩ: “Nukuri dasibi tenã keyunũ”, iwanã, “Israelĩ enabũ mekenika Deus hatube yubakani bau mã bekanaii”, iake iakeaibũ

Juízes 16:5

Filisteu nawa shanẽ ibubu Dalila uĩ kashũ yuikĩ: —Sansão beparãtã hania hawẽ kushipahaira huimẽkaĩ? nuku tapĩshũwẽ. Haska watã atxishũ nũ nea ana pashamakẽ nũ maematirumẽkainã. Haska wakĩ txanima mĩ nuku tapĩshuna nukũri bestibu tibi mia duawakĩ 1.100 prata pei heshe nũ mia inãshanaii. Nukũ hãtxa ikũwãkĩ nuku pewashũwẽ— akĩ haska yubatã txĩtũbainabũ