1 Samuel 3:19 - Kaxinawá Bíblia (BR)

¹⁹ Senhor Deusũ merabewa Samuel yumekũkaini huni ewakũkaĩkĩ haska Senhor Deus yubakani hãtxa hawa betsa heneama Samuelĩ ashũkubainaiwẽ taeshũ

1 Samuel 3:19 Referans Kwoze

Gênesis 39:2

José hawẽ tsuma Potifar hiwe anu dayashunaya Senhor Deusũ merabewaya José hawama pe dayakũkainikiaki.

1 Samuel 9:6

hawẽ dayarũ shinãtã kemakĩ yuikĩ: —Na maewã anu Deusũ hãtxa yuishunika hiweaki. Hawara yuia imiswẽ taeshũ haki mesekĩ hawẽ hãtxa nĩkamisbuki. Hari kanãwẽ, hatũ ha baiwẽ kashũ nukũ jumenta mapua nũ betxitiru nuku yuitirumẽkainã— aka

Lucas 2:52

hanua hawẽ yura ewai hawẽ xinã unãnepaya Deus inũ hawenabu hawẽ benimakubainibukiaki.

2 Timóteo 4:22

Nukũ Shanẽ Ibu Jesus Cristo mibe nishũ hau mia merabewakubainũwẽ. Ha inũ, Éfeso anushũ ikũwaĩbu dasibi Deusũ hau matu duawakubainũwẽ. Hatiski, ẽ hãtxarã. Paulo

1 Samuel 2:21

Ana Senhor Deusũ duawakĩ merabewaya bake bitã kaĩpakemis atimas 3 huni bake inũ 2 aĩbu bake Ana hayakẽ hanua Senhor Deusũ berubi Samuel yumekũkaini

2 Coríntios 13:11

Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Lucas 2:40

haria Jesus ewai hawẽ yura kuxipai unãnepaya Deus hawẽ benimakĩ duawakubainikiaki.

Lucas 1:80

Zacariasĩ bake João ewai Deusbe haibunamehairai unãnepai hawenabu Israelbu yusĩriama hari tsua hiweabumanu hiwekũkainikiaki.

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

1 Samuel 18:14

Senhor Deusũ Davi merabewa hatu detenamemakĩ hatu yunukĩ pewakubainai

Isaías 44:26

Hamẽ habũ ea txanima txibaĩburã, hatu haska wama hatu hãtxa kayabi yuimakĩ ẽ hatu menemakubaĩmiski. Ẽ hatu yunua habu ẽ hãtxawẽ yubakaiburã, hawara akaibu pe kaĩkũkaĩmiski. Hamẽ eanã, Jerusalém yunukĩ ẽ pewairã, ana txĩtũbirã hanu ana hiweshãkanikiki. Judá maewã tibirã, ana benibaũshãkanikiki. Mae txakabuwanibu eã ẽ hatu benimakĩ keyushanaii.

Gênesis 21:22

Habiatiãri Gerar nawa shanẽ ibu Abimeleque hawẽ detenamenikabu shanẽ ibu betsa Ficolbe Abraão anu hushũ yuikĩ: —Mĩ Deusũ haibuki. Dasibi mĩ akai Deusũ mia merabewakubaĩmiski.

Lucas 1:28

damitã hawẽ dĩtu merã hikishũ Gabrielĩ Maria yuikĩ: —Ẽ miki txaniyuaii. Yavé Deus miwẽ benimahairakĩ mia abuikiki— atuxia

Juízes 13:24

Haska waima hiweatiã Manoá ainẽ bake bi tuyatã huni bake kaiã kenakĩ: “Sansãoki”, akimabu Senhor Deusũ duawakĩ pepa wakubainaya hatũ bake ewai ma yumekẽ

Gênesis 28:15

Mibe putanameama hanira mĩ kaya merabewakĩ ẽ mia mekekubaĩshanaii. Na mai pakea anu mĩ ana hiweshanũ ẽ mia ana nenu iweshanaii, txĩtũwãkinã. Ẽ mia yuishu ẽ mia ashũriama hakimama ẽ mia heneama ipakeshanaii— aka

1 Samuel 12:2

Matu hatũ yunukubaĩshanũ yununika shanẽ ibu kushipahaira mã ma hayaki. Hamẽ earã, ẽ ma matu anibushunaki, ẽ bu siũ siũpairã. Hakia ẽ bakebu ma huni ewabu matube hiwekanikiki. Berunãtũ ẽ matu yunutiani na habiatiã matu bebũ nishũ ẽ ma matu heneaii.

1 Samuel 16:18

hawẽ tsuma betsã Saul yuikĩ: —Belém anushũ Jessé huni bake mashku Davi hawẽruatũ harpa mawa unãhairai inũ ha dikabi kushipakaĩ detenamea unaĩ inũ pe shinaĩ hãtxai pemis ẽ uĩmaki, Senhor Deusũ haskai merabewakubainairã— aka

Gênesis 39:3

José dayai Senhor Deusũ merabewakĩ pepawamaya hawẽ tsumapã txanima kaneama uĩ

Deuteronômio 18:22

Senhor Deusũ kenawẽ hãtxakĩ matu yuibiabu haska yuiai hawa kaiãmakẽ Senhor Deusũ hatu yunuamaki. Hakia kanekĩ hatu kẽwãmanũ ika hatũ shinanẽ besti matu yuiaibu hatũ hãtxa nĩkama hatuki dateyamakubaĩshãkãwẽ”, akĩ hawenabu Moisĩ yusinikiaki.

1 Samuel 2:26

Habiatiãri Samuel yumekĩ pepa akubainaya Senhor Deus inũ yura dasibibũ betxipaikubainaibũ

1 Samuel 10:7

Haska mia wa kaimashũ mĩ hatũ hiwea merabewakatsi ikai, pepakĩ hatu ashũkubaĩshãwẽ, Deusũ mia merabewakubaĩshanikikirã.

1 Samuel 18:5

Haska Saulũ Davi yunua ashũkĩ Davĩ hawẽ unanepa uĩmakubainaiwẽ taeshũ detenamenikabũ shanẽ ibu beshmas Saulũ Davi washĩkẽ hanushũ Saulũ shanẽ ibu beshmasbu inũ hawẽ detenamenikabu dasibibũ Davi betxipaikubainibukiaki.

1 Samuel 18:12

ana Senhor Deusũ Saul merabewama Davi merabewaiwẽ taea Daviki Saul datekũkaĩkĩ

Isaías 55:11

Habiaska keskariai ẽ hãtxawẽ ẽ hatu hãtxa wa hawa wariama ea anu hamẽ ana txĩtũtirumaki. Hakia haska ẽ uĩkĩ betxipaiai keska ẽ hatu yunua habũ akĩ menemisbuki.