1 Samuel 3:17 - Kaxinawá Bíblia (BR)

¹⁷ Elĩ yukakĩ yuikĩ: —Haskara Senhor Deusũ mia yuishinai hawa huneama dasibi ẽ mia yukai ea yui keyuwe. Dasibi mĩ ea yuiama betsa mĩ huneawẽ taeshũ hau Deusũ mia kupihairanũwẽ— aka

1 Samuel 3:17 Referans Kwoze

Rute 1:17

Mĩ mawai anuari eari ẽ mawariashanaii. Hanu mia maiwaibu anu habianuri ea maiwatirubuki. Nũ mawai anu besti nũ pashkatiruki. Hakia ha ẽ mia yubashu ẽ akamakẽ ea itxakahairawakĩ hau Senhor Deusũ ea kupishanũwẽ— atã

Mateus 26:63

Jesus pes hawa yuiama nikẽ Deusbe nukunabu hãtxashunika shanẽ ibuhairatũ ana yuikĩ: —Deus hiweatũ mia nĩkaya hau mĩ txanitxakayamanũ ẽ mia yunuai, ikũ nuku yuiwe. Habia mĩ miamẽ ikairã, mĩ Deusũ bake nukũ mekenã Messias Cristorã?— aka

Miquéias 2:7

Nũ Jacó enaburã, tsuã nuku yuputirumaki. Deus hĩ hĩ ikama teneshũ nuku manamisrã, ma benuamẽ? Haskamismẽ, Deusrã?” ikaibũ hakia Senhor Deusũ yuikĩ: “Tsuara hiwei pekubainaibu ẽ hãtxã hatu merabewakubaĩmiski.

Daniel 4:19

hanua Daniel hawẽ kena betsa Beltessazar haska yuiai nĩkatã hawaira hawẽ shinã merã txakabu shinaĩ pes nia datehairai mesei hawa hãtxakatsis ikamakẽ hakia ea ẽ shanẽ ibuhairatũ yuikĩ: “Beltessazarĩ, haska ẽ namashina inũ haska hakiri mĩ ea yui keyutiruwẽ dateyamawe. Haska mĩ shinaĩ ea yuiwe”, ẽ wa Beltessazarĩ ea kemakĩ yuikĩ: “Ẽ shanẽ ibuũ, mĩ nama pemahaira mĩ uĩshina mĩ ea yuimakatsis ikairã, haska mĩ namashina ikirã, hau miki sinataibu ishanũbũwẽ”, itã

1 Reis 22:16

hakia shanẽ ibuhaira Acabẽ kemakĩ yuikĩ: —Ẽ miki txanibia mĩ ea yui pewaismaki. Senhor Deusũ hãtxa hawara mia yuiai besti ea yuiwe, natiã Senhor Deusũ kena kushipawẽ txanima hãtxa besti ea yuikinã, ẽ nĩkakatsis ikairã— aka

2 Samuel 19:13

hanushũ Amasakiri hãtxa bumakĩ yuikĩ: ‘Mĩ ẽ puĩ bakewẽ taea nũ habias namiki. Joabe shãtukũ ẽ detenamenikabũ mĩ hatũ shanẽ ibu ikũkaĩshanũ ẽ mia katui kakatsi shinaiĩ. Haska ẽ mia yubai nĩkawe. Ẽ mia yubashina ẽ mia akamakẽ Senhor Deusũ hau ea kupihairashanũwẽ’ ”, hatu wa Zadoque inũ Abiatarĩ habias hãtxa Davikiri hatu yuishunabu

1 Samuel 20:13

Hakia ẽ epã mikiri shinã txakaya ẽ mia banabimama hau Senhor Deusũ ea kupihairakubaĩshanũwẽ. Hamẽ haskama ẽ mia banabimakĩ merabewaya unanuma mĩ pashashanaii. Haska Senhor Deusũ ẽ epa merabewakubainima keska wakĩ hau mia merabewariakubaĩshanũwẽ.

1 Samuel 3:16

hakia Elĩ Samuel kena hua

Jeremias 38:14

Deusũ hãtxa yuishunika Jeremias hau ea anu iwenũbũ, iwanã, hatu yunua Senhor Deus kẽwãti Templo hemaĩtĩ mishkiwẽ kenebaunibu inũ hikiti shui tibi betsa 3 anu dĩtu pishta manaũri iyushũ Zedequias bebũ nitxĩtã buaibũ tsuã nĩkama shanẽ ibuhairatũ Jeremias yuikĩ: —Hawarakiri ẽ mia yuka huneama shabakabi txanimahaira hãtxa besti ea yuiwe, hawa ea parãmarã— aka

Números 23:17

haska wa nĩkatã txĩtũkirani txi tapu dapi Moabe nawabu shanẽ ibu dasibibube Balaque niaki nukutushia Balaquẽ Balaão yukakĩ: —Hawa Senhor Deusũ mia yuishumẽ?— aka

1 Samuel 14:44

hãtxa kushipawẽ Saulũ yuikĩ: —Jônatasã, ẽ haska hãtxa yuibainawẽ taeshunã, mĩ mawamakenã, bikahairawẽ Deusũ hau ea kupishanũwẽ— akaya