1 Samuel 24:21 - Kaxinawá Bíblia (BR)

²¹ Mĩ shanẽ ibuaitianã, enabu dasibi ea hatu tenanãyamashãwẽ. Ha inũ, dasibi ẽ epã enabu ea hatu hakimawakĩ mĩ yamawayamashanũ Senhor Deusũ nuku nĩkaya ebe yubakawe— aka

1 Samuel 24:21 Referans Kwoze

Gênesis 21:23

Eskawẽ taea Deusũ nuku uiãyã ma mae anua ẽ mibe yubakaii, ea inũ, ẽ bakebu inũ, enabu pakubainaibu mia inũ minabu hau nuku txakabuwayamashanũbũwẽ. Ea yubawe. Mĩ nuku dapi hiweaya ẽ mia duawaima keska wakĩ ea inũ enabu na mai pakea anu nũ hiweabu habiaskari wakĩ nuku duawariapakeshãkãwẽ— aka

Hebreus 6:16

Ha inũ, nukunabu yubakakatsi xinaĩ: “Hawara ẽ hatube yubakai ẽ akamakẽ haratura kuxipatũ hau ea haskara washanũwẽ”, iki tsuara kuxipaki mesei yubakamisbuki. Hanua haskakiri yubakaimawẽ taea ana xinã betsakĩ ana tsuã yuba betsa wakĩ maewatirumaki, hawẽ taea haa ikirã.

Gênesis 31:48

Hanushũ Labãonẽ ana yuikĩ: —Na mishki nũ itxawakĩ maspuashurã, unanuma nũ pashkakaina mia inũ ea nukũ unãtiki— iwanã, haskawẽ taeshũ Jacó enabũ kenakĩ: “Galeedeki”, anibukiaki.