1 Reis 3:1 - Kaxinawá Bíblia (BR)

¹ Ana habe detenametima wakĩ Egito shanẽ ibu Faraó ena wai Salomão habe yubakatã hanubi hawẽ aĩbu bake aĩwãtã Davĩ mae mishki kenebaunibu anu iyui hikima hanu hiweyushũ hatu yunukubainaya Salomãonẽ hiwe ewapa hawẽruahaira wakĩ keyushũriabuma inũ, Senhor Deuski nukuti mishki hiwe wakĩ keyushũriabumari inũ, Jerusalém mananã mishki kenebaũkĩ ma mene kemaibũ

1 Reis 3:1 Referans Kwoze

1 Reis 6:1

Hawẽ shenipabu Israelĩ enabu Egito anua pashai tashnibiranibu 480 ano binukainaya ma 4 ano Salomão shanẽ ibukũkaĩkĩ ushe ha katxu hawẽ kena Zivetiã Senhor Deus kẽwãti hiwe wakĩ hau daya taebainũbũ Salomãonẽ hatu yunua

2 Samuel 5:7

hatu wabiabu Davĩ hawẽ detenamenikabu yuikĩ: “Jebuseu nawabu hatu detekĩ keyuirã, ha hene habakaĩti wanibu anu dasibibu hanu hiki keyubaĩ ha Jebuseu nawabu bekũbu inũ txãtubu ẽ hatu danãhairai nuku nemaibu hatu tenaĩ bukãwẽ”, hatu wa haska hatu yuia hene habati wakĩ mishkiwẽ buyabainibu baiwẽ hikibaĩ hatu maemakĩ atxi keyutã Davĩ Sião kenebaunibu hawena wanikiaki. Ikis Jerusalém anu mananã kenebaunibu kena betsa wakĩ: “Davĩ Maeki”, amisbuki. Ha dikabi Davi hari hãtxaniwẽ taea tsuãra yuikĩ: “Senhor Deusũ kẽwãti hiwe hemaĩtĩ kenekauna anu bekũbu inũ txãtubu hikitibumaki”, ikĩ hatũ beyawẽ yuikubaĩmisbuki.

1 Reis 2:10

Davi hatũ shenipabu anu itxai kai unanuma mawa Jerusalém anu hanu ha dukũ mishkiwẽ hatu kenemabaunibu anu hawẽ kena bena wakĩ: “Davĩ Maeki”, anibu anu hawẽ yura maiwanibukiaki.

1 Reis 9:1

Haska wakubaĩkatsi ikĩ Senhor Deus kẽwãti hiwe inũ hawẽ hemaĩtĩ anu hamapai sharabu hatu wamakĩ habiatiãri hawẽ hiwe ewapa hawẽrua hatu amariakĩ Salomãonẽ hatu menemakẽ