1 Reis 21:2 - Kaxinawá Bíblia (BR)

² shaba betsatiã Acabẽ Nabote habe hãtxakĩ yukakĩ: —Hanu bariãtiã hua hanu huĩrukuĩ ẽ hiwemis dapi mĩ uva bairã, ea inãwẽ, nũ bianananunã, ẽ uva bai betsa pepahaira ẽ mia inainã. Ẽ bai betsa mĩ bikatsi ikamarã, hati hawẽ karu depiati peiwẽ ẽ mia pakatiru ea yuiwe. Haska ẽ mia yukai ea shinãwẽ— aka

1 Reis 21:2 Referans Kwoze

1 Samuel 8:14

Matũ bai pepabu inũ matũ uva bimi bai pepaburi inũ oliva hi bai pepaburi hawẽ kushipawẽ matu mebĩtã hau ibu wanũ hawẽ dayaru hatu inãkubaĩshanikiki.

1 Timóteo 6:9

Hakia tsuabura mabu inũ pei bestiwẽ kemuaiburã, habũ hawa unãmawẽ taearã, birũ tibi keska hatũ kemu pae tibiwẽ hatu atxi keyua haska tibi tashniaiwẽ taea hawa xinãma: “Ẽ peaii”, i bestikĩ hamapai txakabu hawẽrua besti abui hawẽ hiwe txakai pikukũkaini hawẽ hiwea benui hanu kupiaitiã hawa pepa biama benushãkanikiki.

Lucas 12:15

yurã kaiã yuikĩ: —Mã mabuwẽ kemuairã, matu yuinũ nĩkakãwẽ. Mã mabuyabia hatũ matu hiwematirumawẽ taea hamapai mabu xarabu besti abui ha hayanũ ika mã kemukũkainairã, uĩrakãwẽ— iwanã,

1 Samuel 8:6

yununika shanẽ ibu kushipahaira yukakĩ ea abiabu hatũ hãtxa Samuelĩ betxipaiama haskakiri Senhor Deusbe hãtxakĩ yuka

Êxodo 20:17

Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Gênesis 16:6

Abrão hawẽ aĩ Sarai daewanũ, iwanã, kemakĩ: —Uĩwẽ. Miarã, mĩ ẽ aĩ kayabiki. Mĩ dayaru escravorã, minaki. Hawara mĩ haska pe shinaĩ keska wakĩ haska wawe— aka hanushũ Sarai hawẽ escrava Agar danãkĩ itxakawa uĩtã pashai

Gênesis 3:6

aĩbũ shinãkĩ: —Ha hi bimi piti sharabuki. Hawẽruaki. Hawẽ unãtikiaki— ishũ tsekashũ pishũ hawẽ beneri ma hua inã hatũri pitã

1 Reis 21:3

hakia kemakĩ Nabotẽ Acabe yuikĩ: —Ẽ ibubũ bai ea heneshũbainibu Senhor Deus ea yaushishunaya ẽ mia yunutirumaki— aka

1 Reis 21:6

kemakĩ Acabẽ yuikĩ: —Jezreel anu huni betsa hiwea Nabotebe ẽ hãtxakirãshuki. Hawẽ uva bai nukũ hiwe betsa dapike peiwẽ taeshũ hau ea yununũ, iwanã, ẽ ea ashuki. Ha inũ, pei bikatsis ikama nukũ uva bai pepahaira betsa ẽ inãtiru hãtxa pepawẽ ẽ yuishuki. Hakia Nabotẽ ea yunukatsi ikamawẽ taea sinatai ẽ punu nukahairakirana ikaii— aka