1 Reis 19:18 - Kaxinawá Bíblia (BR)

¹⁸ Habiaskabiakẽ enabu Israelĩ enaburã, Acabe shanẽ ibuaitianã, habũ yushibu Baal dami kẽwaĩ ha bebũ dãti ika dakashũ hawẽ tae hutsu hutsu akama ikubainimabu 7.000 yurabu ẽ hatu heneshanaii, hawa hatu tenã keyuamarã”, aka

1 Reis 19:18 Referans Kwoze

Isaías 1:9

Senhor Deus dasibi binuatũ hawa nukunabu eskarabes nuku hatube teshewama inirã, na habiatianã, ha nawabu Sodoma inũ Gomorra anu hiweabu Deusũ hatu yamawani keska nũ ikeanaii.

Filipenses 2:10

hau ha Jesusũ kena nĩkatã dasibibu nai anua inũ, mai anua inũ, hanushũ mawabũ yushĩ manamisbu anushũ habũ kẽwaĩ dãti itã

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Jó 31:27

hawa hune inũ shabakabi ẽ hatu kẽwã taskaismaki, ẽ mekẽ hatu meshãshũkinã.

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.

Isaías 49:23

Habu shanẽ ibuhairanibu betsairã, habu inũ hatũ aĩ matũri mã hatu tsuma washanaii. Matu dayashũkĩ matũ bakebu matu mekeshũshãkanikiki. Ha inũ, hatũ aĩbu bakebũ matũ bakebu matu txutxu amashũshãkanikiki. Matu bebũ maĩ beti ika dakashũ habũ matu kẽwãkĩ hatũ hanawẽ matũ tae tashushãkanikiki. Matu haska waibu uĩkĩ txanima ẽ matũ Senhor Deus mã eki txiti imis mã ana hawa eki dakeama ishanai mã unãshanaii.

Daniel 3:18

Hakia nuku merabewamabia shanẽ ibuũ, mianã, uĩrahairawe. Mĩ yushibubu nũ kẽwãma inũ mane ouro dami bebũ hawa dãti ishũ nũ kẽwãmariki— akaibuwẽ taea