1 Reis 19:15 - Kaxinawá Bíblia (BR)

¹⁵ hanushũ Senhor Deusũ yuikĩ: “Habiaskabiakẽ hariri ana kama mĩ hushiãkiri ana hawẽri txĩtũkaini Damasco dapi hanu tsua hiweabuma anu kashũ huni betsa Hazaelki nukushũ hau Síria nawabũ shanẽ ibuhairashanũ sheni inĩti maukakĩ katutãwẽ.

1 Reis 19:15 Referans Kwoze

Jeremias 1:10

“Mĩ kesha anu ẽ hãtxa mistukĩ ẽ mia inaiĩ. Natiã mia tsuã binutirumawakĩ ẽ mia kushipawaii. Shanẽ ibu kushipabu inũ dasibi nawabu hiwebaunabu mĩ hatu betsea keska washanai inũ betsabu mĩ hatu berãshanaii. Betsabu hatu nuitapawakĩ mĩ hatu yamawashanaii. Betsabu mĩ hatu denekĩ akawashanaii. Ha dikabi betsabu merabewakĩ mĩ hatu ana benishanaii, mibã ana banakĩ hatu akawakinã”, iwanã,

Isaías 45:1

Senhor Deusũ Ciro katukĩ shanẽ ibuhaira watã hawẽ mekẽ yusiuri tsumatã hau mai pakea betsa betsapa maemakĩ hawena watã shanẽ ibu betsa betsapabũ detenameti yamawakĩ hau mebĩshanũ yununikiaki. Hanushũ mae tibitũ beputi Ciro Senhor Deusũ bepẽshũtã hau tsuã ana bepuyamanũbũ nemashũkubainikiaki. Ha haska wanishũ natiã Senhor Deusũ Ciro yuikĩ:

Amós 1:4

Hatu haska wanibuwẽ taeshũ Damasco mishki kenebaunibu hikiti shui beputi kushipahairabiakẽ ẽ hatu puremakĩ bashnemashanaii. Txiwẽ hatũ hiwe menumakĩ shanẽ ibuhaira Hazaelĩ enabu yamawamakĩ hawẽ huni bake Ben-Hadadẽ hiwe hawẽrua betsa betsapa ẽ hatu kuamashanaii. Bete-Éden anu yununika inũ Biqueate-Áven anu shanẽ ibuai ẽ hatu yamawamariashanaii. Hatu haska wamatã Síria nawabu hatu atximashũ hatu escravo wamatã Quir txaihaira anu ẽ hatu iyumashanaii”, iki Senhor Deus hatukiri hãtxakĩ yuiniki.

Gênesis 14:15

hanua meshu merã hatu binushũ kushibirã hanu maniabu anu hikishũ hatu deteaibũ datepaepai hatiri betsabu kushibainaibu hatu txibãbaĩkĩ detekubaĩkĩ Hobá mae Damasco mae ewapa besuuri nortekiri hatu txibãkubaĩkĩ henetani