1 Reis 16:31 - Kaxinawá Bíblia (BR)

³¹ Nebatẽ bake Jeroboãonẽ Senhor Deus danãkĩ txakabuwakubaini keska wakĩ Acabẽ hawa shinãma ana atimapahairakĩ Sidom nawa shanẽ ibu Etbaal aĩbu bake Jezabel aĩwãtã hatũ mekenika yushibu hawẽ kena Baal duawakĩ kẽwãkubaĩkĩ taewanikiaki.

1 Reis 16:31 Referans Kwoze

Juízes 2:11

Senhor Deusũ hatu uĩbia haska shinãma Israelĩ enabũ txakabuwakĩ yushibubu habũ kena tibi Baal ui itsa inũ, bari itsa inũ, mai pepa itsarã, duawakĩ hatubetã kẽwãkĩ taewai

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.

Isaías 7:13

hanushũ Isaíasĩ ana yuikĩ: “Davi shanẽ ibuhairani anua hawẽ bababuũ, ea nĩkakãwẽ, matu yuinunã: Ẽ hunĩ mia yunubia danãkĩ mĩ ea bika tenemaii. Hakia ẽ Deus ana danãhairakĩ ẽ Deus mã bika tenemariaii.

1 Reis 18:19

Nukunabu Israelĩ enabu hunibu dasibi inũ ha habu 450 Baalĩ hãtxa yuishunikabu inũ 400 Aserá hãtxa yuishunikabu habu mĩ aĩ Jezabelĩ mekekĩ pimakubaĩmis Mati Carmelo anu hau hatu itxawanũbũ hatu yunuritãwẽ, ikisrã— aka

1 Reis 18:4

Senhor Deusũ hãtxa yuishunikabu hau hatu tenanũbũ Acabẽ aĩ Jezabelĩ hatu yunukĩ taewaitiã 100 Senhor Deusũ hãtxa yuishunikabu Obadiasĩ hune hatu itxawashũ pashkakĩ 50 tibi shuku dabe watã mai kini shui ewapa dabe anu hatu hunekĩ aruimashũ ushe itxapa misi inũ ũpash besti hatu pimakĩ inãkubainaya

Gênesis 30:15

inãkatsi ikama haki sinatakĩ Léiã yuikĩ: —Ha dukũ ẽ bene mĩ ea mebiniki. Ikis ẽ bakẽ bimi batapa ea beshuã mĩ ea mebĩriakatsis ikai?— aka Raquelĩ hawẽ bimi sheanũ ishũ —Haskakenã, na meshu merã hau mibe iki kanũ Jacó ẽ mia anu yunuaii. Haskakẽ mĩ bakẽ bimi mia beshuã ea dabukũ inãriwe— aka haska yubaiwẽ taeshũ inãkẽ

Gênesis 6:2

Deus kẽwaĩbũ Deus kẽwãbumã aĩbu bake uĩkĩ shinãkĩ: “Aĩbuaibu hawẽruabuki”, ikĩ betsa betsapa sharabu katushũ aĩwanibukiaki.

1 Reis 18:18

Eliasĩ kemakĩ yuikĩ: —Haskamaki. Israelĩ enabu eã ẽ hatũ shinã itimaska waismaki. Hakia Senhor Deusũ yunuti hãtxa danãkĩ henenishũ mia inũ minabũ yushibu Baal dami betsa betsapa duawakĩ mã kẽwãkubaĩmiswẽ taeshũ Senhor Deusũ matu kupikubainikiki, ui matu inãmarã.