1 Pedro 3:13 - Kaxinawá Bíblia (BR)

¹³ Hanushũ mã hawa txakabuwama pe besti ikubainaibu haska watã tsuã matu hawawẽ taeshũ txakabuwatirumaki.

Kashinawa : Diosun Jesúswen taexun yuba bena yiniki

¹³ Januxun man jawa chakabuwama pe besti ikubainaibu jaska watan tsuan matu jawawen taexun chakabuwatidumaki.

1 Pedro 3:13 Referans Kwoze

Provérbios 16:7

Tsuara hiwei pekũkaĩkĩ Senhor Deus benimawaibũ hanushũ hatuki sinataibu Senhor Deusũ hatu daewashũtiruki, hau ana habe sinatama ha dabe hau hiwei pekubainũbunã.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

Romanos 8:28

Haskakẽ matu yusĩkubainũ nĩkakãwẽ. Habu Deusũ abukĩ kenakĩ katuni hawẽ bake Jesus pepa keskai hau ishanũbũ Deusũ bebũkiri hatu xinãnishũ merabewakĩ hamapai txakabu hatu binumakubaĩmiski.

3 João 1:11

Ẽ betsaã, ẽ miwẽ nuiairã, beya txakabu txibãma beya pepa besti akubaĩwẽ. Tsuãra beya pepa akaiburã, Deusũ enabuki. Hakia tsuãra beya txakabu akaiburã, Deus unãbumaki.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

1 Coríntios 14:1

Ha dukũ yura betsabuwẽ duapai mã nuitiru tapĩkubaĩkĩ Deusũ Yushĩ Pepatũ kuxipawẽ hawara Deus mã dayashũkatsis ikai yukakubaĩkãwẽ. Hakia Deusũ Yushĩnĩ matu dayamai hau hawẽ hãtxa shabakabi Deus yuishũkĩ hawẽ yurabu yusĩkubaĩkĩ henetima yukakubaĩkãwẽ.

Romanos 13:3

Hanua yura kuxipabu matũ shanẽ ibubu Deusũ hatu warã, hau habu mã pepaibu hawẽ matu datekĩ mesewati akamaki. Hakia habũ txakabu akĩ habũ hãtxa txibãbuma haskaibuwẽ taeshũ nemakĩ hatu habu kupikatsi amiski. Haskawẽ taea mã dateyabi hiwekatsi ikamarã, hatũ yunuti inũ hatũ nemati hãtxa nĩkai pe hiwekĩ txibãkubaĩkãwẽ. Hanushũ shanẽ ibũ txanima mã hawa txakabuma unãkĩ hawa txakabu matukiri xinãtirubumaki.

Provérbios 15:9

Haska huni txakabubũ shinã pewama hiwekubainaibu Senhor Deusũ hatu danãkĩ betxipaismaki. Hakia huni pepabũ pepa txibaĩ hiwei pekubainaibu Senhor Deusũ hatu betxipaimiski.

Efésios 5:1

Matubu mã Deusũ bakebu kayabi pepabunã, haska Deusũ abuai haska besti txibãkĩ mawakubaĩkãwẽ.

Provérbios 12:21

Huni pepatũ hawa txakabuwaismakẽ txakabũ nuitapa watirumahairaki. Hakia huni txakabũ dasibi txakabu betsa betsapa amis betsa wama dasibi haki dasi wabaĩ Deusũ hatu kupia nuitapamisbuki.

Jeremias 39:12

“Ha Jeremiasrã, hawa itxakawama mekekĩ duawakĩ haskara ikatsis ikĩ mia yukai keska ashũshãwẽ”, abaini kaya

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.