1 Pedro 3:1 - Kaxinawá Bíblia (BR)

¹ Aĩbu beneyabuũ, maturi yuinũ nĩkairakãwẽ. Matũ benẽ matu yunua nĩkatã habebis yununamei hẽ iyamama ashũkubaĩkãwẽ. Haskakĩ hatiritũ matũ benẽ Deusũ hãtxa ikũwãriama duawai mã pepakũkainai matu uĩkubaĩmiswẽ taeshũ hãtxawẽsma mã pepawamiswẽ matũ bene bestibu Jesus mã ikũwãmatiruki,

Kashinawa : Diosun Jesúswen taexun yuba bena yiniki

¹ Ainbu beneyabuun, matudi yuinun ninkaidakanwen. Matun benen matu yunua ninkatan jabebis yununamei jen iyamama axunkubainkanwen. Jaskakin jatiditun matun benen Diosun jancha ikunwandiama duawai man pepakunkainai matu uinkubainmiswen taexun janchawensma man pepawamiswen matun bene bestibu Jesús man ikunwanmatiduki,

1 Pedro 3:1 Referans Kwoze

Colosenses 3:18

Beneyabuũ, matu yununũ nĩkakãwẽ. Ikũwaĩ mã ma nukũ Shanẽ Ibuki dasiniburã, matũ benẽ hawarakiri matu hãtxa wai hawẽ hãtxa txibãkĩ nĩkasama ashũkubaĩkãwẽ.

Efésios 5:33

Habiaskari wakĩ haska huni tibitũ hawẽ yura ibubis mekemis keska wakĩ hau hawẽ aĩ pe mekekĩ duawakubainũbũwẽ. Haska inũ, hatũ aĩnĩ hawẽ benẽ yunuai hau nĩkashũkubainũbũwẽ.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

Gênesis 3:16

aĩburi Deusũ yuikĩ: —Mĩ bake kaiaĩ tibi isĩhairawakĩ ana ẽ mia tenemapakeshanaii. Hakia: “Isĩhairaki”, mĩ ibiakĩ mĩ bene betxipai mĩ habe txutanamepakeshanaii, mĩ benẽ mia mekekĩ ibu warã— iwanã,

1 Pedro 3:7

Ha dikabi mã huni aĩyãbuũ, maturi yuinũ nĩkakãwẽ. Matũ aĩ matube hiwea habebis nĩkakanãkubaĩkãwẽ. Hatũ yura kuxipa beshmas mã unaiĩ. Haskabiakẽ Deusũ habe matu hiwekuĩa inãshanai keska haska Deusũ abuai keska matũ aĩri hatu uĩmakĩ duawariakubaĩkãwẽ. Mã haskamiswẽ taeshũ Deusbe hãtxakĩ mã yukai matu nĩkakubaĩshanikiki. Hamẽ haskama mã habe hiwetxakashũ Deus yukairã, matu hawa nĩkama ishanikiki.

Romanos 7:2

Haska aĩbu beneyakiri miyuiwẽ matu shabakabi yusĩnũ nĩkakãwẽ. Deusũ nuku yunukinã: “Tsuabura beneyabu hawẽ bene hiweyukẽ hau habe besti hiweyukubainũbũwẽ”, nuku waniki. Haskakẽ ma hawẽ bene mawakẽ aĩbu ana tsuã tsumamakẽ bene betsa hayakatsis iki beneyatiruki, Deusũ ana nemamarã.

1 Coríntios 14:34

huni yusĩnãbũ yusĩkĩ keyuaya hunibũ nĩkatã yuka ikeakeaibũ ha itxabu anua aĩbuaiburi yuka ikatsis ibiai hau hãtxayamanũbũwẽ. Hawẽ benẽ mekeawẽ taea aĩbuaibu hau pes tsaunũbũwẽ, Deusũ Moisés kenemakĩ habiaskari yununiwẽ taearã.

Mateus 18:15

ana nuku yusĩkĩ: —Ea ikũwaĩ betsã kanekĩ mia txakabuwa habes hãtxai pekĩ harakirira mia txakabuwashu hau unãnũ yuiwe. Mia nĩkaya mĩ habe haibunameshanaii.

Colosenses 4:5

Haskakẽ ikũwãbumabe mã hiwearã, hatube merabenaĩ pe hiwei unãnepakĩ hatu duawariakubaĩkãwẽ, Cristo mã ikũwaĩ haska bestikiri hãtxakĩ hatu ikũwãmakinã.

Hebreus 11:8

Ha inũ, Abraãonẽ Deus ikũwãkĩ txibãkubainaiwẽ taea Deus habe haria yubakakatsi ikĩ Deusũ kena hawa hẽ iyamama ikũwaĩwẽ taea hawẽ mae henei tashnikaini hani kai unãmabia ha mai pakea betsa anu Deusũ inãshanai anu kanikiaki.

Romanos 6:17

Ha dukũ txakabũ matu tsumawakĩ taewaniki. Hanushũ Deusũ matu merabewaya nũ matu yusĩkubaina nĩka pewatã matũ huĩti hirabiwẽ matu yusĩaĩbu mã ikũwãniki. Natiã ana txakabu dayashunama hanua kaĩkaĩ Deus dayashũkĩ pe besti mã ashũkubainaii. Matu mã haskai nĩkai huĩti xinã txãkãkĩ Deus ẽ kẽhairawakubainaii.

Provérbios 18:19

Mishki kushipawẽ mae kenebaunibu hawa bika teneama tsuãra di atiru bikahairaki. Hamẽ hawẽ betsa sinatamahairashina hawa bika teneama keska daewakĩ shinã betsa wamarã, ha binua bikahairaki. Shanẽ ibũ hiwe anu hawẽ nemakĩ mane kushipawẽ kebenibu anu tsua hikitirubuma keskai tsuara ha irabetã pashkakainarã, ibubis txakabuima ana daeama habe sinatapaketiruki.

Provérbios 11:30

Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Romanos 10:16

Haskabianikẽ Isaíasĩ yuikĩ: “Shanẽ Ibu Yavé Hiweatuũ, mirimabu mikiri nũ hatu yusĩa nukũ hãtxa nĩkatã danãkanikiki”, itã keneni keskai nukũri mirimabu Deusũ kakape Cristokiri nũ hatu yusĩa nĩkabiakĩ ikũwãbumariki.

1 Pedro 3:2

Deuski mesei pe hiwekĩ mã hatu uĩmakubainaiwẽ taeshunã.