1 Pedro 1:2 - Kaxinawá Bíblia (BR)

² Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.

Kashinawa : Diosun Jesúswen taexun yuba bena yiniki

² Epa Diosun tsuabuda katukatsis ikin bebunkidi jaska shinain keska man ixanunbun jawen Yushin Pepawen matu pewanixun ma matu medibi waniki. Jaskawen taexun man chibankubainxanunbun jawen jimiwen Epa Dios daewakin Jesucriston matun chakabu buaniki. Jawen taexun Epa Diosun jawen pepa ichapa yaushiama matu inankin jau matu unanuma jiwemakubainunwen.

1 Pedro 1:2 Referans Kwoze

2 Tesalonicenses 2:13

Ẽ betsabu inũ ẽ puibuũ, Deus matuwẽ nuikĩ matu abukĩ bebũkirihaira matu katuniwẽ taeshũ txanima hawẽ pashati mã bishanai hawẽ Yushĩ Pepatũ matu merabewai kai ma matukiri pewanikẽ txanima mã ikũwãyã haskawẽ taeshũ matu meribi waniki. Mã haskakẽ Deus nũ matukiri pe kẽwãshũkubainaii.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Romanos 11:2

Bebũkirihaira Israelbu habu katukatsis ikĩ Deusũ katunishũ nuku danãma imiskiri matu shabakabi yusĩkĩ hawẽ hãtxa yuishunika pepa Eliaskiri ẽ matu yuiai nĩkakãwẽ. Hawenabukiri hawara Elias Deuski ha ikĩ haki txania hawẽ hãtxa yuishunika betsã keneshũkĩ:

2 Pedro 1:2

Deus inũ nukũ Shanẽ Ibu Jesus haibuwakĩ mã hatu unãhairaya unãnuma matu hiwemakĩ matu duawatxakayamai bikubaĩkãwẽ.

Hechos 2:23

Haska yubakani Deusũ ha huniwẽ abainai xinãma haska wai beshtenũ, iwanã, matũ hawẽ bake danãkĩ haki yubakatã hatu atximatã tenãmanũ, iwanã, huni txakabu mã hatu mastamaimaki.

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

2 Timóteo 2:10

Haskakẽ tsuabura Deusũ katunibu Jesus Cristo ikũwaĩ pepai hau hatũ txakabuwẽ Deusũ hatu kupiama hatu pashawakĩ piskuma hau hawẽ kuxipa ikibi ikanu hau hanu hiweriashanũbũ natiã ea hiweyushũ ẽ hatu bika teneshũyuaii.

1 Coríntios 6:11

Maturã, betsabu ha ikaibu keska hiwebiakũkaĩkĩ Jesus Cristo mã ikũwaĩbu nukũ Shanẽ Ibu Jesus Cristõ kuxipa inũ Deusũ Yushĩ Pepatũ kuxipawẽ matu xinã betsa wamaya ikũwaĩ betsã matu naximabu matũ txakabu detsis dashkia keska wakĩ meribi habias besu keska wakĩ Deusũ Yushĩ Pepatũ matu pepawaniki.

Marcos 13:27

Deusũ hawẽ nai tsumabu yunua hawẽ katuabu mai hirabi kesua anu manibaunabu hatu itxawashãkanikiki.

Marcos 13:20

Ha haskaibutiã Shanẽ Ibu Deusũ hawa nemakĩ tsua pashawatirumabia ma hawenabu hatu katuniwẽ taeshũ hatuwẽ nuikĩ hau dasibibu debui keyuyamashanũbũ yumaĩbutiã Deusũ bari ana txai wama txaima shekashanikiki.

Hebreus 10:22

Haskawẽ taea nukuri Deusbe hãtxanũ ika nukũ xinã txakabũ nuku mekemis ana mekemama ũpashwẽ txuki keskatã nukũ huĩti shũpĩtã txanima kayabi ikũ kayabi wai Deusbe hãtxakubainãkãwẽ.

Romanos 16:19

Eska matukiri dasibi pe txaniaibu ẽ matu nĩkamiski. Haska mã Deus dayashunairã, hawara Deusũ abuai unãtã mã amis inũ, hawara Deusũ danãkĩ abuama unãriakĩ mã xinã husiamakeakemis matũ xinã unaĩ ẽ matuwẽ dateama haska matukiri xinaĩ ẽ benimaii.

Romanos 8:33

Deusũ ma nuku katunishũ ma nuku pepawabianikẽ Deus bebũshũ tsuã nuku ha akĩ nuku txitetirumaki.

Lucas 18:7

hamẽ Deusũ nuku merabewakĩ habũ matu txakabuwakatsi ikaibu nemairã, hawẽ xinã betsahairaki. Hawẽ katuabu Deusũ matu merabewakĩ bariri inũ mexu merã mã ea atã manaibu nĩkatã manama hawaira hatu nemakĩ matu pewashũmiski. Haskawẽ taea ea matũ Hutxi Kayabi Iuwa ẽ ana huaitiã habũ ea ikũwãkĩ henekubainabuma ẽ hatu betxituxishanimẽkaĩ?— iwanã,

Mateus 24:22

Ha haskaibutiã Deusũ hawa nemakĩ tsua pashawatirumabia ma hawenabu hatu katuniwẽ taeshũ hatuwẽ nuikĩ hau dasibibu debui keyuyamashanũbũ yumaĩbutiã Deusũ bari ana txai wama txaima shekashanikiki.

1 Pedro 2:9

Hanua maturã, yura shuku betsa matu katuniki. Ha inũ, shanẽ ibu binua Deusbe hãtxashunikabu matu dasibi wakĩ ikũwaĩbu meribi shukua betsa matu wakĩ Deusũ ibu wakĩ abukĩ hawenabu matu warianiki. Haskawẽ taeshũ hakiri hawẽ daya pehaira Deuskiri mã txanikubaũshanũbũ mã mexu merã ika keskashũ txakabu wamisbu hanua matu kenakĩ Cristõ shaba hawẽrua anu matu hikimakĩ hiwemakatsi matu tashnimaniki.

Hebreus 11:28

Ha inũ, Deusũ yunua nĩkatã ikũwãkĩ Moisés hawenabu Páscoa besi hatu tates taewamakĩ misi shashama inũ txashuwã bake nami shui hatu pimakĩ txashuwã himi hiwe tibi hanu hikiti shui sheshekaiã hatu kepushmakĩ keyukẽ Deusũ nai tsuma debuwanikatũ Egitonawã huni bake iuwabu dasibi hatu debuwabiakĩ Israelbu hawa meama dũkebainikiaki.

Romanos 15:16

mã Israelbumã hawama mã Jesus Cristo ikũwãshanũbũ ea hawẽ kẽwãnika betsa Deusũ ea nitxĩkĩ hawẽ kakape hawẽ bake Jesuskiri ẽ matu yusĩbaunũ mã Israelbuma anu ea yununiki. Haskawẽ taea mã Israelbumari Deusũ Yushĩ Pepatũ matu meribi wa hawa txakabuma inãkuĩ pepa keska Deus bebũ matu nitxĩtã Deus ẽ matu uĩmakatsis ikaii.

Romanos 1:5

Haskawẽ taeshũ Jesus Cristo ẽ ikũwãniwẽ ea duawakĩ Jesusũ kuxipaya Deusũ ea wanikẽ yura betsa betsapa tibitũ hau habũri Jesus Cristo nĩkatã txibãkĩ kẽwãshanũbũ hawẽ daya ashũkĩ ẽ hatu tapĩmakubaunaii.

Hechos 15:18

Haska bebũkirihaira ẽ Yavé Deus hãtxakĩ hatu yubairã, txanima ẽ hatu ashunũbariaii’, ikai nĩkatã nuku keneshuniki— iwanã

Daniel 4:1

Bari betsatiã dasibibũ hau tapĩshanũbũ Nabucodonosorĩ hatu banabimakĩ yuikĩ: “Yurabu dasibi inũ shukuabu betsa betsapa tibi inũ, hãtxa betsa betsapawẽ hãtxamisbu mai hirabi anu hiwebaunabu hawa nuitapama unanuma mã hiwekubaĩshanũbũ ea ẽ shanẽ ibuhaira Nabucodonosorĩ matukiri ẽ shinaiĩ.

Isaías 65:22

Ha inũ, betsarã, huni betsã hamẽ hiwe wama hawẽ hiwekẽ yura betsã mebiãma ishanikiki. Ha inũ, tsuara betsã bai wakĩ banakẽ huni betsã mariastũ ana piãma ishanikiki. Enaburã, hatũ hiwea txaipakubaĩshãkanikiki, hi kushipa mawaisma keskairã. Ẽ hatu katunirã, hatũ mekẽnẽ dayashũ pi benimashãkanikiki.

Judas 1:2

Deus matuwẽ nuikĩ unãnuma matu hiwemakĩ hau ana matu duahairawakubainũwẽ.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Colosenses 3:12

Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.

2 Coríntios 10:5

Haska inũ, haska Deus danaĩ unãnepabũ xinãmis hawauma wakĩ Deus nũ hatu unãmakatsis ikaii, hatũ txakabu beshteketã xinã betsatã hau Cristo txibanũbunã.

Romanos 11:28

Hanushũ tsuabura Deusũ katutã habuwẽ nuikĩ duawamis inũ hawara hatuki tanani hawẽ xinã Deusũ betsa waismawẽ taeshũ Abraão inũ Isaque inũ Jacó hatu katuni habũ bababũ kakape Cristokiri danaĩbu Deus hatuki sinatayuikiki. Haskawẽ taea ha hatu maebaũ matu hawenabu wariayuikiki. Haskabia hatũ shenipabũ ikũwãnibu hakimama hatuwẽ nuikĩ Deusũ Israelbu heneama hatu xinãriaikiki.

Hechos 20:32

—Ẽ betsabu inũ ẽ puibuũ, ẽ matu hãtxa wai ma hatishũ ẽ matu keyuai nĩkakãwẽ. Natiã Deus ẽ matu yukashunaii. Hawẽ hãtxa pepa nuimis mã unãyã haska dasibi yubakani Deus matuwẽ dayakĩ hawẽ kuxipawẽ matu amashanikiki, mã hawenabu meribi ewai unãnepanũbunã— itã

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

1 Coríntios 1:30

Haska wakĩ matu katukĩ Jesuski matu dasiwakĩ Deusũ hamebi matu katuniki. Haskakẽ Jesus Cristõnã, hawẽ xinãwẽ nuku unãnepa wamiski. Ha inũ, habiatũri nukũ txakabu buakĩ Deus nuku daewashũmiski. Ha dikabi nuku meribi wakubaĩmiski. Ha inũ, habiatũri nukũ txakabu buatã Satanás anua nuku mebikinaniki.

Mateus 24:31

Deusũ hawẽ nai tsumabu yunua hawẽ trombeta txaã akĩ hawẽ katuabu mai hirabi anu manibaunabu hatu itxawashãkanikiki.

Isaías 55:7

Huni txakabubũ hau hatũ hiwea txakabu inũ hatũ shinã txakabu henetã hau Senhor Deus anu benũbũwẽ. Mã haskaibuwẽ taea Senhor Deus matuwẽ nuishanikiki. Matũ txakabu henetã Deus anu txĩtũribirãkãwẽ. Harã, matuwẽ dabanã ikĩ matũ txakabu matu buashũshanikiki.”

2 João 1:13

Nukubetã Jesus ikũwaĩbu Deusũ hatu katuabu ẽ hatube itxamisbũ hatũ hãtxa matu bumariakanikiki, hau mã unãnuma hiwenũbunã. Hatiski, ẽ hãtxarã. João

2 João 1:1

Earã, mekenikatũ ẽ matu hãtxa bumai uĩrakãwẽ. Deusũ matu katua hawẽ hãtxa nĩkai mã itxamisbu ẽ matu abuaii, eã bestimarã. Hakia dasibi habũ Deusũ kaka pepa txanima unãkĩ ikũwaĩbũ matu aburiakanikiki.

Daniel 6:25

hanushũ yurabu dasibi inũ nawa shukuabu betsa betsapa tibi inũ hãtxa betsa betsapawẽ hãtxamisbu mai hirabi anu hawẽ yunuti hãtxa hatu bumakĩ shanẽ ibuhaira Dariõ hatu kenemakĩ yuikĩ: “Hawa nuitapama unanuma hiwei mã mabuyakũkaĩshanũ haska ẽ matukiri shinaiĩ.

1 Pedro 1:14

Uatiã Deus unãriama txakabu abui mã txakabupaunibuki. Haskakẽ natiã Deusũ bakebui ana haska mã abupauni keska hiweama bake mixtĩbũ hatũ ibuã hãtxa nĩkatã txibãmisbu keska hiwekubaĩkãwẽ.

1 Pedro 1:19

hamẽ haskama txashuwã bake pepa hawa txami hayama deteshũ menu keyukĩ Deus daewapaunibu keska wakĩ hawẽ bake Cristo mawakĩ hawẽ himi pepahaira dasibi betsana binuawẽ Deus hawena nuku wati wamakĩ hawẽ daewati waniki.

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.