1 João 4:20 - Kaxinawá Bíblia (BR)

²⁰ Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

Kashinawa : Diosun Jesúswen taexun yuba bena yiniki

²⁰ Jadatuda ikunwain betsa jabe ikunwain jabe uinananbiai jabe bechipainameamadan, jabiaskadiai Dios nun uianmabedi bechipainametidubumaki. Jaskawen taea tsuanda yuikin: “Dios en bechipaiaii”, ibiai samama ikunwainbu betsa danain jabe dakekenainan, ja juni chani chakaikiki.

1 João 4:20 Referans Kwoze

1 João 3:17

Hakia tsuara mabuhairayatũ ikũwaĩbu betsa nuitapai uĩbiai beru txãkãshũ hatu merabewama hawa inaĩsmarã, hawa Deusũ nui hayamaki.

1 João 2:9

Tsuãra yuikĩ: “Cristo ikũwaĩ ma ẽ hawẽ shaba hayaki”, ibiai ikũwaĩ betsa danaĩ habe dakekenaĩnã, hawẽ hiwea sheni hene keyuriama mexu merã hiwea keskayuaki.

1 João 4:12

Tsuã Deus uĩpaunima inũ uĩtirumabiakẽ nukubu nũ abunameairã, Deus nukuki dasia nukube hiweaki. Nukube dasiawẽ taea ha nui txanima kayabi nũ hayaki.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

1 João 2:11

Hamẽ tsuara ikũwaĩbube abunameama hatube danãnanaĩ dakekenaĩnã, hawẽ hiwea pemawẽ taea mexu merã nia hani kai unãma keskaki. Ha mexu merã niarã, hawẽ hiwea shenĩ hawẽ xinã bepu keyua bekũ keska hiweaki.

1 Pedro 1:8

Haska inũ, Jesus Cristo uĩyama ibiani mã abuhairaii. Ha inũ, natiã uĩyama ibiani mã ikũhairawariaii. Haska benima pae mã haya hãtxawẽ besti ha benima pae tsuã haska tashnimatirumaki.

1 João 1:6

Hakia tsuãra yuikĩ: “Ma ẽ Deuski dasiaki”, ibiakĩ txakabuwakubaini hiwea mã parananã bestiaii, txanima shabakabi hatu uĩmakĩ mawamamarã.

João 13:35

matu uĩkĩ mã haskai ẽ tsumabu kayabi dasibibũ matu unãkubaĩshãkanikiki— nuku waya

1 João 1:8

Hamẽ tsuãra ikũwãbiakĩ hawẽ xinã kayabi unãma yuikĩ: “Eãnã, ẽ hawa txakabuwaismaki”, iki bemakis besti xinãkĩ nukũmebi ibubis nũ paranãtiruki, hãtxa kayabi hayamarã.