1 João 4:17 - Kaxinawá Bíblia (BR)

¹⁷ Haskakũkaini txanima nũ nui hayakũkaĩmisburã, Deusũ Jesus Cristo abumis keska wakĩ nukuri habiaskari wakĩ nuku abumiswẽ taea hanu bari hawẽ heneaitiã Deusũ hatu unãti waya nũ hawa dateama ishanaii.

Kashinawa : Diosun Jesúswen taexun yuba bena yiniki

¹⁷ Jaskakunkaini chanima nun nui jayakunkainmisbudan, Diosun Jesucristo bechipaimis keska wakin nukudi jabiaskadi wakin nuku bechipaimiswen taea janu badi jawen jeneaitian Diosun jatu unanti waya nun jawa dateama ixanaii.

1 João 4:17 Referans Kwoze

1 João 4:12

Tsuã Deus uĩpaunima inũ uĩtirumabiakẽ nukubu nũ abunameairã, Deus nukuki dasia nukube hiweaki. Nukube dasiawẽ taea ha nui txanima kayabi nũ hayaki.

1 João 2:28

Ẽ bake keskabuũ, natiã Jesus Cristoki dasitã heneyamakãwẽ, haki txiti ikirã, hanu ana nukuki nukui huaitiã damapai nũ haki datei daketirubumakirã, ha bebunuarã.

1 João 3:3

Na haska dasibi hakiri xinãkĩ nũ manaiburã, nukũ xinã txakabu haki petxi nũ pepa bestikatsis ikĩ nũ benakanaii, Jesus Cristo pepani keskanũ ikarã.

1 João 2:5

Hamẽ tsuara xinã betsatã Deusũ hãtxa txibãkĩ ashũkayabiairã, txanima kayabi hawẽ shabakabi Deusũ nui haya ha meranua tashnikiki. Hamẽ nukubu nũ haskariaiburã, nũ hakiri dasiabu nũ ma unãkanaii.

Romanos 8:29

Hanua Deusũ bake nukũ Hutxi Kayabi Iuwa Jesus Cristo ha dukũ iniki. Hanua hawẽ betsabu mirima ishanaibu bebũkiri Deusũ unãkĩ kaĩriabuma Jesus Cristo keskakĩ nũ ha txibãshanũbũ bebũkiri Deusũ unãniki.

João 15:20

Ẽ matu yuishurã, xinaĩrakãwẽ: “Dayakapã hawẽ tsuma binuismaki”, akĩ ẽ matu yuishuki. Haskakẽ ea itxakawanishũ habiabũri maturi itxakawashãkanikiki. Hakia betsabũri ẽ hãtxa nĩkanishũ matũ hãtxari nĩkakĩ ariashãkanikiki.

1 João 3:1

Xinãkãwẽ. Nukuburã, nukũ Epa Deusũ nuku abuhairakĩ nũ hawẽ bakebu nuku kenaikiki. Hakia tsuabũra Deus unãbumawẽ taeshũ nũ hawẽ bakebu nuku unãbumariki.

2 Pedro 3:7

Hakia nai inũ mai natiã hayayuarã, habiaskari wakatsi Deusũ mekeyukubainikiki. Hanu bari hawẽ henei keyuaitiã unãti wakĩ yura txakabubu kupikatsi Deusũ hawẽ hãtxawẽ yunukĩ nai inũ mai txiwẽ yamawakĩ habũ Deus danãmisbu hanu hatu benu keyushanikiki.

2 Pedro 2:9

Noé inũ Ló Deusũ pashawanishũ tsuabura hawenabu ikatsis ikĩ hatũ hiwea Deus inãmisburã, hawẽ taeshũ hawara bika tibi hatu memabiaibũ nukũ Shanẽ Ibũ unãkĩ hatu txakabu binumariakubaĩtiruki. Hamẽ habu txakabumisburã, hanu bari hawẽ heneaitiã hatu unãti watã hatu kupishanai unãriaikiki.

Santiago 2:22

Haska nukũ shenipabu Abraãonẽ Deus ashũkĩ uĩmai hawẽ akawẽ haska ikũwaĩ kayabi shabakabi wamaniki.

Mateus 12:36

Matu yuinũ nĩkakãwẽ. Hanu unãti washanaitiã: “Hãtxa hari yuitimawẽ mĩ yuipaunirã, haskakenã ea yui pewawe”, akĩ yurabu bestibu tibi Deusũ hatu yukashanikiki— iwanã,

Mateus 11:24

Haskawẽ taeshũ hanu kupiaitiã ha nawabu Sodoma anu hiwenibu hatu kupi mirĩkĩ Cafarnaum anu hiweabu xinã betsa wabuma Deusũ hatu kupihairashanikiki, haska Sodoma ani keska binumakinã— iwanã,

Mateus 11:22

Haskawẽ taeshũ hanu kupiaitiã ha nawabu Tiro inũ Sidom anu hiweabu hatu kupi mirĩkĩ Corazim inũ Betsaida anu hiweaburi xinã betsa wabuma Deusũ hatu kupihairashanikiki.

Mateus 10:25

Haskawẽ taea hawẽ tsumaburã, hatũ yusĩnã hãtxa txibaĩ hau habiaskari keska ikubainũbũwẽ. Habiaskariai dayarubu hatũ shanẽ ibũ yunua nĩkai hau hatũ shanẽ ibu keska iriakubainũbũwẽ. Haskakẽ ẽ matũ yusĩnã ea kenakĩ: “Yushĩ txakabu shanẽ ibu Belzebuki”, ea wamisbuwẽ taeshũ ẽ yusĩa mã txibãkubaĩmisbuwẽ taeshũ maturi kenakĩ: “Belzebũ enabuki”, akĩ matukiri yuikĩ txiteriashãkanikiki— iwanã,

Mateus 10:15

Ikũ ẽ matu yuiaii. Hanu Deusũ yurabu dasibi hatu kupiaitiã haska Sodoma inũ Gomorra ha mae ewapa dabe txiwẽ Deusũ hatu kupikĩ haska wani binumakĩ habũ matu danãnibu Deusũ hatu kupihairashanikiki— iwanã,

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

João 17:22

Haska mia inũ ea dasinishũ nũ habiaskas xinãmis keska wakĩ enabu habiaskari mĩ hatu xinãmashanũ, iwanã, mĩ kuxipa mĩ ea yununi ẽ ma hatu yunuaki.

Hebreus 9:27

Yurabu dasibi besti wai mawamiskẽ hanushũ txipu Deusũ hatu unãti washanikiki.

1 João 2:6

Ha inũ, tsuãra yuikĩ: “Ma Deuski dasia ẽ hiweaii”, ikirã, haska Jesus Cristo hiwekũkaini keskai hau iriakubainũbũwẽ.

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.