1 João 2:8 - Kaxinawá Bíblia (BR)

⁸ Habiaskabiakẽ na yunua bena keska wakĩ ana matu xinãmakĩ ẽ matu keneshunaii. Ha dukũ Deusũ nuku yunukĩ: “Minabube abunamekubaĩshãkãwẽ”, iwanã, nuku yununiki. Haskakẽ haska Cristo nukuwẽ nuikĩ nuku abumis unãkĩ yunua bena tashniai keska wakĩ ẽ ana matu xinãmaii. Matũ hiwea sheni mã henekubirani ma txanima shaba kayabiki mã pesea keskabuki. Na mã haskai hiwearã, Cristõ yununi kayabiki.

Kashinawa : Diosun Jesúswen taexun yuba bena yiniki

⁸ Jabiaskabiaken na yunua bena keska wakin ana matu shinanmakin en matu kenexunaii. Ja dukun Diosun nuku yunukin: “Minabube bechipainemekubainxankanwen”, iwanan, nuku yununiki. Jaskaken jaska Cristo nukuwen nuikin nuku bechipaimis unankin yunua bena taxniai keska wakin en ana matu shinanmaii. Matun jiwea xeni man jenekubidani ma chanima xaba kayabiki man pesea keskabuki. Na man jaskai jiweadan, Criston yununi kayabiki.

1 João 2:8 Referans Kwoze

Efésios 5:8

Ha inũ, uatianã, nukũ Shanẽ Ibu unãkĩ ikũwãriama txakabui mexu merã ika keska mã hiwenibuki. Hamẽ eskatianã, Cristo ikũwaĩ haki dasitã matũ xinã maewatã mã betsahairawa mã ma shabaki pesea keska hiweabuki. Haska mã ma tapiã xinaĩ pe hiwekubaĩkãwẽ.

Romanos 13:12

Haska inũ, ana bari itxapama mai anu nũ hiweyuaiwẽ taea hamapai txakabu ewakainaya menã bestẽtã xinãrikãwẽ. Nai anu Deusbe nũ hiweshanai ma kemaiwẽ taeshũ txakabu henerikãwẽ. Eska keskakinã, soldadobu tsakanamẽnũ ika hawẽ mane tari kuxipa sawemis keskakĩ Deusũ kuxipa bitã hawa dateama Satanás nemakubainãkãwẽ.

João 13:34

Haskawẽ taeshũ hawẽ yunuti hãtxa bena ẽ matu baxishũkĩ yunubainaii. Haska matuwẽ ẽ nuiai keskairã, habiaskariai matubus nui duanamepakeriashãkãwẽ. Haskai xinãnãnaĩ mã nuibukuaĩ

João 8:12

Templo hemaĩtĩ anushũ Jesusũ yurabu uĩkĩ mapuabu hatu yuikĩ: —Earã, mai hirabi ẽ bĩ txashahaira keskaki, hatu tapĩmanikarã. Tsuabũra ea nĩkatã txibaĩburã, ha bĩki nukui hiwea bena hayakanikiki. Haskawẽ taea hawa mexu merã ana biũma niama keska ishãkanikiki— hatu waya

João 1:9

Hanushũ shaba keskatũ hiwekuĩakiri yusĩ hatu unãmai

João 12:46

Yurabu mai anua hatu ikũwãmatanũ ika shaba keska ẽ huniwẽ taea tsuabũra ea ikũwaĩ mexu merã hari hiweama keska ishãkanikiki.

1 João 4:21

Jesus Cristõ nuku yunukinã, eska yuiniki: “Tsuãra Deus abukinã, matubetã ikũwaĩburi hatuwẽ nuikĩ aburiakubaĩkãwẽ”, nuku waniki.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

1 João 4:11

Ẽ betsabu inũ ẽ puibuũ, ẽ matuwẽ nuikũkainairã, txanima nuku haska wakĩ Deusũ nuku abunikenã, nukuburi habiaskariai ikũwaĩ betsabube nui abunamekubainãkãwẽ.

2 Timóteo 1:10

Hanushũ txanima Deusũ hawẽ nuikipa nuku unãmakinã, hawẽ bake Jesus Cristo nukũ mekenãwãkĩ mawawẽ dasibibu nũ datemis hatũ maemakĩ nuku binushuniki. Ha kakape hakiri hiwea hãtxa yuikĩ datã ati xara ana huneama wakĩ shabakã tashnimakĩ shabakabi waniki.

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Hechos 17:30

Ũ unu bari betsatiã yura betsa betsapabũ hawa unãbumakẽ Deusũ hatu beruwẽs uĩyukubainiki. Hakia natiã ana haska wama mai hirabi anu hiwebaunabũ hau hatũ xinã betsa watã hakiri hau xinãnũbũ Deusũ hatu yunuikiki.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

João 12:35

Jesusũ ana hatu yuikĩ: —Ana usha eskarabesi Deuskiri unãmanika shaba keskarã, matube hiweyuikiki. Haskayuaya na hãtxa nĩkai hiweyukãwẽ. Hamẽ bĩ nukawa keskai ma ẽ kakẽ tsuabũra unãriabuma mexũ atxia keskai hanira baiwẽ kai bai unãma mã meshtãtirubumaki. Unaĩrakãwẽ.

Isaías 9:2

Ha yurabu meshu merã punu nuka mapua keskabu ẽ hatu merabewaya bĩ ewapa txasha tashnia ea hawa unãbuma ha nawabu meshu merã hiwea keskabũ ha bĩ uĩshãkanikiki.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 João 3:23

Hawẽ bake Jesus Cristo nũ ikũwãshanũbũ inũ nũ abunamekubainũbũ Deusũ hawẽ yunuti yununiki. Habias keskari hawẽ bakẽ nuku yunurianiki.