1 João 2:22 - Kaxinawá Bíblia (BR)

²² Hakia tsuabu ikanimẽkaĩ, Cristoki txani txakai parananaĩnã? Habu parananãkĩ hakiri hãtxakĩ yui: “Jesusrã, Deusũ Katua Messiasmaki”, ikaiburã, ha hunĩ hawẽ kuxipa mebinũ ika haki beparamekĩ hawẽ Epa inũ hawẽ bakeki sinatakĩ hatuki dakekenanamemaikiki.

Kashinawa : Diosun Jesúswen taexun yuba bena yiniki

²² Jakia ¿tsuabu ikanimenkain, Cristoki chanichakai padananainan? Jabu padananankin jakidi janchakin yui: “Jesúsdan, Diosun Katua Mesíasmaki”, ikaibudan, ja junin jawen kushipa mebinun ika jaki bepadamekin jawen Epa inun jawen bakeki sinatakin jatuki dakekenanamemaikiki.

1 João 2:22 Referans Kwoze

2 João 1:7

Yusĩnã itxapabu parananaĩ mapushũ: “Jesus Cristo Deus anua tashnitanũ ika nukũ yura bitã kaĩama iniki”, ikĩ habũ ikũwãbumã hatu unãmakatsis ibiakĩ shabakabi hakiri txanikĩ yui pewabumaki. Ha habũ haskakĩ yuiaiburã, ha huni yusĩnãburã, hakiri parananãkanikiki. Haskabu anua hunĩ Jesus Cristo shanẽ ibu mebinũ ika haki sinatai haki beparamei tashniaki.

1 João 4:3

Hakia tsuãra Jesus Cristokiri unãmabia yuikĩ: “Yura kayabiama iniki”, ikaiburã, Deusũ Yushĩ Pepa hayamaki. Ha hunĩ Jesus Cristo shanẽ ibu mebinũ ika haki sinatai haki beparamei hushanai yushĩ hayaki. Haskakiri ha yushĩ hushanai mã nĩkanirã, harã, ma na mai anu yurabu anu kaĩma ma niaki.

1 João 2:18

Ẽ bake keskabuũ, ma bari hawẽ henei keyuikiki. Bari hawẽ heneaitiã huni shanẽ ibukĩ Jesus Cristo mebinũ ika haki sinatai haki beparamei hushanai mã nĩkanirã, na habiatiã itxapabu haki sinatai ha keska ma tashniaibu mã uĩaiĩ. Haskawẽ taeshũ ma bari hawẽ henei ma kemai mã unãtirubuki.

Judas 1:4

Ha inũ, ha bebũkiri ha yurabukiri Deusũ hawẽ hãtxa hatu kenemani habu parananãmisbu kupinũbariai habias yuini keska na habiatiã yurabu betsa betsapa hune txakabu hayabia matube itxai unãtinãtã hatũ txakabu henekatsi ikama habũ xinãwẽ matu parãkĩ yuikĩ: “Deus pepatunã, hawara txakabu mã wabiaya matũ txakabu buatã kupiama ishanikiki”, akĩ hamapai atimapa matu yusĩ hatũ hiwea pewai beshtekekatsi ikama Jesus Cristo besti nukũ Shanẽ Ibubiakẽ hawẽ kuxipa danãkanikiki.

1 João 4:20

Haratura ikũwaĩ betsa habe ikũwaĩ habe uĩnanãbiai habe abunameamarã, habiaskariai Deus nũ uĩyamaberi abunametirubumaki. Haskawẽ taea tsuãra yuikĩ: “Deus ẽ abuaii”, ibiai samama ikũwaĩbu betsa danaĩ habe dakekenaĩnã, ha huni txani txakaikiki.

1 João 2:23

Haska inũ, tsuabura Deusũ bake danaĩ haki dakeirã, hawẽ Epa Deuskiri dakeriaikiki. Ha inũ, tsuabura dakeyamakaĩ hakiri hãtxai peii: “Ẽ Jesus ikũwaiĩ”, ikĩ hawẽ Epakiri shabakabi wariaikiki.

1 João 1:6

Hakia tsuãra yuikĩ: “Ma ẽ Deuski dasiaki”, ibiakĩ txakabuwakubaini hiwea mã parananã bestiaii, txanima shabakabi hatu uĩmakĩ mawamamarã.

1 João 2:4

Hakia tsuãra yuikĩ: “Deus ẽ ma unaiĩ”, ibiakĩ hawẽ yunua hãtxa txibãmarã, ha huni txani txakaikiki, Deusũ hãtxa txanima haki hayamawẽ taearã.

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Apocalipse 3:9

Ha inũ, judeubu betsabu haska Deusũ abuai akamabia hãtxawẽ besti yuikĩ: Nũ judeubuki, ibiakĩ Satanás txibãkĩ haska abuai ashuĩ hiwemisbu judeubu kayabibumarã, ẽ matu abuhairamis hau unãnũbũ hatu babu watã matũ tae namã ẽ hatu dãti imashanai manayukãwẽ.

1 João 5:1

Tsuabũra Jesus ikũwãkĩ yuikĩ: “Txanima Jesus Deusũ Messiaski”, akĩ yuiaiburã, Deusũ bakebuki. Ha inũ, tsuãra Epa Deus abuairã, Deusũ bake betsaburi aburiaikiki.