1 Coríntios 8:10 - Kaxinawá Bíblia (BR)

¹⁰ Yushĩ dami betsa kẽwãti hiwe anushũ mã ikũwaĩbu kuxipabũ piaya ikũwaĩ betsa babubũ matu uĩkĩ haska yushĩ dami betsa kẽwãkĩ henebianishũ mã ana hawẽ kuxipakiri xinaĩ dabanẽ habũri hawẽ kuxipatikiri pinũ ishũ xinãtirubuki.

Kashinawa : Diosun Jesúswen taexun yuba bena yiniki

¹⁰ Yushin dami betsa kenwanti jiwe anuxun man ikunwainbu kushipabun piaya ikunwain betsa babubun matu uinkin jaska yushin dami betsa kenwankin jenebianixun man ana jawen kushipakidi shinain dabanen jabundi jawen kushipatikidi pinun ixun shinantidubuki.

1 Coríntios 8:10 Referans Kwoze

1 Coríntios 8:4

Yushĩ dami kẽwãti betsa kẽwãkĩ hawẽ kẽwãti nami inãnãnaĩbu bitã mã piaiburã, haskarã nũ unãriaii. Hawẽ kẽwãti yushĩ dami hiwea hayama inũ hawa kuxipa hayamahairaki. Hakia nukũ mekenika Deus bestitxai hiwea nũ unaiĩ.

Romanos 14:23

Hakia tsuãra pitikiri xinãkĩ: “Nami ẽ ana piamaki”, ibiakĩ pikĩ kanekanikiki. Hamẽ betsã piamarã, hatũ xinã kuxipa watirubuki. Hamẽ haskama hatũ xinã babu hayabia pirã, kanei Deuskiri txakabukanikiki.

1 Coríntios 8:7

Txanima haska tibi nukũ Epa Deusũ dami wani tsuã tapĩ keyuamaki. Haskawẽ taea Jesus mã ma ikũwãbiai betsabũ yushĩ dami betsa hawẽ kẽwãti namikiri piaibu nĩkakĩ shabakabi mã unãriabumaki. Yushĩ dami betsa kẽwãkĩ hawẽ kẽwãti piti pikĩ: “Nukũ yushĩ dami betsa nũ duawaii”, iwanã, apaunibu ana xinãkĩ hamapai nami nũ piaiwẽ taeshũ Deus nũ duawatirumaki, iwanã, pikĩ nukũmebi pepama inũ piama nũ pepamariki. Yushĩ dami betsa kẽwãkĩ mã ma beyawanirã, hatiritũ matubetã Jesus ikũwãkĩ yushĩ dami betsa hawẽ kẽwãti nami pikĩ haska hawẽ kuxipa yukapaunibu hakimama xinaĩ huĩti babukubaĩkanikiki.

Romanos 14:14

Hamẽ eã ẽ Shanẽ Ibu Jesus ẽ ikũwaĩ ẽ haki dasiawẽ taea ẽ xinãnã, hamapai piti tibirã, hamebi hawa txakabumaki. Hakia tsuãra hawẽ xinã mekei haska xinãkĩ pikatsi ikamarã, hau meyamakubainũbũwẽ. Txanima hawenarã, txakabuki.

Amós 2:8

Tsuãra matu diria hawẽ tari biãyuimashũ ha tari bekãtã haki dakashũ yushibubu dami kẽwãti piti mãtxĩtã hatubetã mã pimiski. Ha dikabi tsuã hawa txakabuwakĩ kaneamabiakẽ parãkĩ hamẽ itxakawakĩ hawẽ pei pakamatã ha peiwẽ uva vinho bishũ hatũ mekenika yushĩ kẽwãti hiwe anushũ hatubetã ha vinho mã akubaĩmisbuki.

1 Coríntios 10:32

Haska hamapai tibi akĩ hawara danaĩbu hatũ berubi akĩ hatu uĩmatxakayamakãwẽ, judeubu kasmai judeubuma kasmai ikũwaĩ betsabu hiweaburã.

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

1 Coríntios 8:9

Hamẽ yushĩ dami betsa hawẽ kẽwãti nami hawa hayama unãkĩ hawa dateama pikĩ ikũwaĩ betsabu huĩti shubu mã hatu uĩma matu uĩtã txĩtũkĩ kanetirubuki. Matu yusĩnũ nĩkakãwẽ.