1 Coríntios 7:11 - Kaxinawá Bíblia (BR)

¹¹ Hamẽ ikũwãrabebiai mã hawawẽra taea mã ma henenameyuarã, xinã betsa watã mã ana haki nukutiru inũ mã haki nukukatsi ikama ana beneyayamakãwẽ. Hunibuũ, matũ aĩ sinayukaĩkenã, ha xinãkĩ hene kayabiyamakubaĩkãwẽ.

Kashinawa : Diosun Jesúswen taexun yuba bena yiniki

¹¹ Jamen ikunwandabebiai man jawawenda taea man ma jenenameyuadan, shinan betsa watan man ana jaki nukutidu inun man jaki nukukatsi ikama ana beneyayamakanwen. Junibuun, matun ain sinayukainkenan, ja shinankin jene kayabiyamakubainkanwen.

1 Coríntios 7:11 Referans Kwoze

1 Coríntios 7:10

Ẽ xinãnẽma nukũ Shanẽ Ibũ ea yusĩniwẽ ẽ matu yunuaii, enawẽmarã. Mã ma biakanani hiweabukiri matu yusĩnũ nĩkakãwẽ. Aĩbuaibuũ, matũ bene henebaĩyamakãwẽ.

Isaías 50:1

Senhor Deusũ hatu yuikubaĩkĩ: “Huni betsa hawẽ hawara biãkĩ ẽ diriamawẽ taeshũ pakakĩ hau matu hawẽ tsuma wakĩ escravo wanũ ẽ matu yunuama iniki. Ha inũ, huni betsã hawẽ aĩ ana betxipaiama danãkĩ henemis keska wakĩ Israel matũ ibubu ẽ hawa hatu danãkĩ nitxiãmabia hakia ibubis txakabukĩ ẽ hãtxa nĩkaisbumawẽ taeshũ matũ ibubu Israelbu danãkĩ ẽ hatu yununiki, hau nawabũ hatu tsuma wayunũbunã.

Marcos 10:2

hanushũ fariseubu hatiritũ Jesus unãti watã haki beparamenũ ika haki kematã yukakĩ: —Huninã, hawẽ aĩnã henetimẽ?— akabu

Mateus 5:32

Hanua huni betsã hawẽ aĩ huni betsabe txutanameamabiakẽ henekatsis ikĩ hawẽ aĩ hawamabiakẽ henebainarã, hanua aĩbu haska xinãmabiakẽ ha hunĩ ma putabaina hanushũ ha hunĩ txakabuwẽ taea hanu aĩbu hawẽ benẽ txakabumaikiki, bene betsa benatikiri xinãmakinã. Hanu aĩbu hawẽ benẽ ma henebainima huni betsã ha aĩbu habe biakanãtã habe txutanamei pebiairã, huni betsã aĩbe txutanamei keskaikiki.

Marcos 10:12

Haska inũ, aĩbũ hawẽ bene henetã huni betsa benewakinã, hawẽ bene sheni danãkĩ Deusũ yununiri danaĩ txakaburiamisbuki— hatu anikiaki.

Lucas 16:18

Haskakẽ Deusũ Moisés yusĩa eskaki. Tsuãra hawẽ aĩ henetã aĩbu betsa bikinã, Deusũ hãtxa kanei txakabumisbuki. Ha inũ, aĩbu hawẽ benẽ henebaina huni betsã aĩwaĩnã, ha huni betsari hawẽ txakaburiaikiki, haska Deusũ Moisés yusĩa keneni kaneirã— iwanã,

1 Coríntios 7:12

Haska tibi mã aĩyã inũ beneya mã hiweabu matu xinãkĩ haska nukũ Shanẽ Ibũ yunuama ibianikẽ haska matu tibikiri eã xinãkĩ ẽ matu yunuai ea nĩkakãwẽ. Jesus ikũwãriama betsa aĩyãbu inũ betsa beneyabukiri eska hiwekãwẽ. Mĩ aĩnẽ ikũwãmabia mibe hiweshũ mia merabewakatsi ikairã, nitxĩkĩ heneyamakãwẽ.