1 Coríntios 3:3 - Kaxinawá Bíblia (BR)

³ Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

Kashinawa : Diosun Jesúswen taexun yuba bena yiniki

³ Man kushipai beyadiama jabias matun jiwea keska shinain man babuwen taea ikunwain betsabube ja iki jatu dabain binunananun ika inun betsa kemutapaya ja shinain sinai ikunwanbuma keska shinain man jiweabukiaki.

1 Coríntios 3:3 Referans Kwoze

Santiago 3:16

Hanua matu anua tsuara unãnepabiaya ha txibãkatsi ikama haki sinatai eari haskarianũ ika xinaĩ shanẽ ibunũ ika mã binunãnaĩ mã haskaibu tsuã matu pe meketimakẽ hamapai txakabu tibi mekĩ mã akai hayaki.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Gálatas 5:15

Hakia yuinaka hawẽ betsabe keyunamekĩ tenã keyumis keskakĩ, maturã, ikũwaĩ betsabube mã binũkatsis iki yuãnanaĩ maturi mã beshtekei yamatirubuki. Pe mekekĩ uĩrakubaĩkãwẽ.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

1 Coríntios 11:18

Ha dukũ matukiria hushũ ea yuiabu ẽ nĩkairã, mã ikũwaĩbu itxairã, mã shukui pashkakanikiaki. Haska txanima pashkatã mã pewairã, mã haskaiwẽ taeshũ eskarabes ẽ matukiri ikũwaiĩ.

1 Coríntios 1:11

Mã xinã txakai ha ikĩ ana unãnuma hiweama mã xinãnãnaĩ pashkanameaibu Cloẽ enabũ ea banabimaxinawẽ taeshũ ẽ betsabuũ, ẽ matu yuiaii.

Romanos 13:13

Haska inũ, hawara txakabu hune ana akama nukũ hiwea shabakabi hatu uĩmai pe besti hiwenãkãwẽ, eska tibi ana akamarã, piti pepa kemutapa itxawatã pitxakayamamarã. Haska inũ, ana paẽyamanãkãwẽ. Kemui ana txutanamebaũyamanãkãwẽ. Hamapai txakabu abui kemui hawẽtxaĩs hakiribis ayamakubainãkãwẽ. Ha inũ, hawarakiri ana txitenamei ha iyamanãkãwẽ. Ha inũ, hawara yura betsa haya uĩ haki sinayamariakubainãkãwẽ.

1 Pedro 4:2

Hatishũ matũ kemu na mai anushũ henetã hatishũra matũ hiweawẽ besti haska Deusũ xinãkĩ abuai matũ hiweawẽ dayashuni hiweyukãwẽ.

1 Coríntios 1:10

Ẽ betsabu inũ ẽ puibuũ, nukũ Shanẽ Ibu Jesus Cristõ kuxipawẽ ẽ matu yunuai nĩkakãwẽ. Matũmebi pashkanameama xinã betsa betsapa wama unãnuma Jesus ikũwaĩbube hiwekubaĩkãwẽ.

1 Coríntios 3:4

Haska hãtxakeakekĩ yuikĩ: “Eãnã, Paulõ nuku yusĩmis ikũwãkĩ ha besti ẽ txibãkubainaii”, ikaya betsari iki: “Eãnã, Apolõ nuku yusĩmis ikũwãkĩ ha besti ẽ txibãkubainaii”, ikeakei ikũwãbuma hiwemisbu keskai mã betsa betsapaikiaki.