Romanos 1:9 - Kashinawa : Diosun Jesúswen taexun yuba bena yiniki

⁹ Jaska inun, Dios besti duawanun, iwanan, jawen bakewen nukun chakabu Diosun nuku buaxunkatsis ikai jawen bakekidi dasibi en kushipawen jatuki chanikunkauni matu jakimama matu ea axunkin Dios en yukakubainmis Diosun unainkiki.

Kaxinawá Bíblia (BR)

⁹ Haska inũ, Deus besti duawanũ, iwanã, hawẽ bakewẽ nukũ txakabu Deusũ nuku buashũkatsis ikai hawẽ bakekiri dasibi ẽ kuxipawẽ hatuki txanikũkauni matu hakimama matu ea ashũkĩ Deus ẽ yukakubaĩmis Deusũ unaĩkiki.

Romanos 1:9 Referans Kwoze

Efésios 6:18

Matubunan, Diosun Yushin Pepatun matu shinanmaya Diosbe janchakin jatu yukaxunkin jatu ea axunkin jeneyamakubainkanwen. Jaskai jawa punu nukama inun babuama bedu mestenwantan jiwekubainkin ja dikabi Jesús ikunwainbu dasibibu Dios yukaxundiakubainkanwen.

2 Timóteo 1:3

Punu nuka juinti nishma min bashikuimaken mia shinankin janu en Diosbe janchaitian badidi inun meshu tibi mia jakimama mikidi Dios kenwankin en mia yukaxunkubainmiski, ean Dios duawakinan. Jaska en shinan jawa chakabumakidi ea shinanmaya en akubainaii, jaska nukun xenipabun Dios ikunwankin apaunibu keskadi wakinan.

Romanos 9:1

Jesucristo ean en ikunwainwen taea jaki dasixun ikunkin chanima jancha en matu yuiaii. Yushin Pepatun en shinan mestenwanxun ea yuimai en jawa matu padain chani chakamaki.

1 Tesalonicenses 5:17

Jamapai tibikidi jawaida shinantan Diosbe janchakubainkanwen.

2 Coríntios 1:23

Jaskaken matu dake tenemakatsi ikama jaskai man Corinto anuabu en kadiama jau nukun Epa Diosun matu xabakabi unanmanunwen, en chani chakama ea unainkikidan.

1 Tesalonicenses 1:2

Matu dasibiwen taexun Dios kenwankin matu jakimama shinankin Dios nun matu yukaxunkubainaii.

Filipenses 3:3

Jaska nun yunu kayabiaibudan, nun nukuki, nun jabun Dios ken kayabi waibudan. Jesucriston ma nuku pewaxuniwen taexun Diosun Yushin Pepatun nuku kushipa wakin medabewaya jawada nukunmebi nukun yuda anua jina kubichi bemakisa nun mextemis keskawen nun kentidubumaki.

Filipenses 1:4

Januxun jabe janchai benimakin matu dasibikidi en matu yukaxunkubainmiski.

Hechos 27:23

Meshu medan en Dios ja en dayaxunmis ea mekemistun jawen nai tsuma yunua juxun

Hechos 19:21

Januxun Pablon shinankin yuikin: —Macedonia inun Acaya mai pakea anu kaxun ikunwainbu ana uinkubauntani Jerusalén anu ana en kaxanaii. Jadi kaxun jatu uintani Roma anuabudi Diosun ea yunuaiwen taea en jatu uin kakatsis idiaii— itan

1 Timóteo 2:7

Jaskawen taexun Diosun ea katutan jawen kakape yuixunika ea wakin Jesucriston kushipaya ea watan judiobuma anu na yusian Jesucristokidi chanima en ja ikunwain en chanikauanun ea yununiki. Na jaska mia yuikinan, chani chakakin en mia yuiamaki.

Filipenses 2:22

Timoteo en bake keskai ebe jiwea dayakunkainkin kakape Jesúskidi ebetan yusinkin ea medabewakubainmis jawen jiwea man unaiin.

Gálatas 1:20

Diosun en shinan chanima unanyan en matu kenexunkin yuiaidan, chanimaki.

2 Coríntios 11:31

En jaska chani keanyan nukun Xanen Ibu Jesucriston Epa Diosun en jancha ninkakin chanima jancha besti en yuiai unainkiki, ja ikibi ini yudabun kenwankubainxanaibunan.

Hechos 24:14

Jakia jaskakidi ekidi mia yuiaibudan, xabakabi mia yuinun ninkawe. Jesúsun Bai Bena nun chibanyan: “Dioskidi kanekanikiki”, iwanan, nuku aki ikanikiki, jaskamabiakenan. Jesús ikunwankin nukun xenipabun Dios kenwanpauni en duawapakemiski, Moisin yusini inun Diosun jancha yuixunika betsabundi kenenibu dasibidi ikunwankinan.

Hechos 12:5

Pedro kene medan bichishinabu jatu kexe pejaidawamabun janua ikunwainbu jawen nuikin jau taxnimanun jakidi Diosbe janchakin yuka chakayamaxunkin jeneabumaken

Hechos 3:26

Jaskawen taexun Diosun jawen bake bestenwainmaxun man jawenabu dukun matukidi pe shinankin matu duawakin taewaikiki, matun chakabu jenetan man shinan betsa wanunbunan— jatu wai

Lucas 18:1

januxun jawen tsumabun Dios kushipa yukai jau punu nukayamaxanunbun miyuiwen Jesúsun jatu yusinkin

Marcos 1:1

Ja dukun bebunkidi Diosun jawen bake Jesús Mesíaskidi jatu yubani jaska jawen kakape taxnimakin taewani matu yuinun ninkakanwen.

Filemom 1:4

Nukun Xanen Ibu Jesucristo bechipaikin ikunwankin min chibankubainai inun dasibi jawenabu medibiwen nuikin min jatu duawamiskidi kakape ninkatan benimakin janu en Diosbe janchaitian mikidi shinankin en Dios en mia kenwanxunkubainmiski.

Filipenses 1:3

Jawenchains matukidi shinankin matuwen taexun en Epa Dios en kenwankubainmiski.