Mateus 21:44 - Kashinawa : Diosun Jesúswen taexun yuba bena yiniki

⁴⁴ Ja inun, betsadan, tsuada ja mishkiki sinatakin ea maemanun ika mishki mamaki kauana teke teke ika keska itiduki. Jakia ja mishki jadatukida kauani jaki tin ikin chushakin mishpu waxanikiki— jatu waya

Kaxinawá Bíblia (BR)

⁴⁴ Ha inũ, betsarã, tsuara ha mixkiki sinatakĩ ea maemanũ ika mixki mamaki kawana teke teke ika keska itiruki. Hakia ha mixki haratukira kawani haki tĩ ikĩ txuxakĩ mixpu washanikiki— hatu waya

Mateus 21:44 Referans Kwoze

1 Pedro 2:8

Ja dikabi Diosun na eskakidi Isaías yuikin: “Jaki juti itan tin iti mishkiki, jawen jatu sinatamatidan”, ani keskadiai tsuabunda ja jancha jakidi kakape ninkatan chibankatsi ikama danain jaki juti itan jaki sinatai keskabu Diosun jabu kupixanikiki.

Romanos 9:33

Na jabias yusian Mesíaskidi Diosun jawen jancha yuixunika Isaías yuimakin: “Uian. En jaska yubakani en kushipa mishki keska Jerusalén anu en nichinxanaii, jaki juti iki ichapabu tsakabainbaini tin ikubainxankanikiki, ikunwanmadan. Jakia tsuabunda jawen jancha ikunwankin chibainbu en jatu jawa dake wama ixanaii”, aka ninkatan jadi kenedianiki.

Lucas 20:18

Eskaki, ninkakanwen. Tsuada ja mishkiki sinatakin ea maemanun ika mishki mamaki kauana teke teke ika itiduki. Jakia ja mishki jadatukida kauani jaki tin ikin chushakin mishpu waxanikiki— jatu waya

Mateus 27:25

ja yuda dasibibun yuikin: —Peki. Nuku inun nukun bakebun nun yunuaiwen besti jau mawanunwen— akabu

Mateus 26:24

Jaska ekidi kenenibu chibain matun Juchi Kayabi Iyua en jaskai mawai kaii. Jakia ja junin ea jatu achimai kaidan, pemajaidaki! Jaskaken ja juni kaianma inidan, pepakeanaii— nuku waya

João 19:11

jaska yuiai ninkatan atimas Jesúsun kemakin: —Diosun dasibi damiwanitun mia kushipa yunuama ekidi min kushipa jayama ikeanaii. Jaskaken jabun ea achixun mianu yunuxun ea nichianbunan, jabun chakabudan, mina binuabuki, Dios sinatamakinan— aka

Mateus 21:43

Jaska keneni keska wakin matun xenipabu Diosun katubianixun man jawenabubiatun shinanma man danananyan januxun yuda betsabundi ninkakatsi ikaibu Diosun katutan jatu jabe xanen ibumaxanikiki.

Mateus 21:45

Diosbe nukunabu janchaxunika xanen ibubu inun fariseobun na miyuiwen jabukidi yusiain ninkatan

Lucas 2:34

januxun Simeónen jatu yuikin: —Diosun jau matu duawakubainxanunwen— iwanan, María besti yuikin: —Na bakedan, jawen yuda Israelbu unanti wakatsi Diosun katuniki. Jawen yusian ninkatan jatiditun shinan betsa watan chibainbun inun jatiditun shinan betsa wama danankubainxankanikiki. Min bake danankin nupe kenujaidawen min juinti chachia keska wakin mia yumanwankin mia nuitapawaxankanikiki— anikiaki.