Mateus 20:21 - Kashinawa : Diosun Jesúswen taexun yuba bena yiniki

²¹ Jesúsun yukakin: —¿Mia jawa medabewapa?— aka jatun ewan jatu yuixunkin: —Min nukun xanen ibuaitianan, na en bake dabe jau mibe xanen ibuxanun min inaitian betsa min yusiudi inun betsa min yusmaudi ea jatu katubain tsaumaxunxanwen— akaya

Kaxinawá Bíblia (BR)

²¹ Jesusũ yukakĩ: —Mia hawa merabewapa?— aka hatũ ewã hatu yuishũkĩ: —Mĩ nukũ shanẽ ibuaitianã, na ẽ bake dabe hau mibe shanẽ ibushanũ mĩ inaitiã betsa mĩ yusiuri inũ betsa mĩ yusmauri ea hatu katubaĩ tsaumashũshãwẽ— akaya

Mateus 20:21 Referans Kwoze

Mateus 19:28

Jesúsun ana nuku yuikin: —Chanima en matu yuiaii. Badi jawen jenei keyuaitian en Epan dasibi benawaya en jabe xanen ibuaya chintuanma man en 12 tsumabun ea chibankubainmisbu ebe xanen ibukin Israelin 12 bakebu xukua akeakeabu man unanti wanun badiaii.

Mateus 18:1

Jabias xabatiandi nun jawen tsumabu Jesúski ichaxun yukakin: —Mibe xanen ibukin jadatutun nun jatu binuxanimenkain, nuku yuiwe— nun wa

Hechos 1:6

januxun jatube ichabu betsan Jesús yukakin: —Xanen Ibuun, ¿na jabiatianan, nawabu nichintan nukunabu Israelbu ana jatu pewakin kushipa wai min jatun xanen ibui taei kai?— akabu

Marcos 6:22

Herodíasin bake chipash jatu nawaxunkin xanen ibu Herodes inun ja jatu pimakin ichawa jatu benimawaya Herodesin jawen aniwa yuikin: —Jawada min ea yuka en mia inanxanaii— iwanan,

Mateus 20:32

janua Jesús niti itan juni bekun dabe kena beaibu jatu yukakin: —¿Jawa matu medabewapa?— jatu wa

Colosenses 3:1

Cristo mawa bestenwantan Diosun jawen yusiudi tsaumanixun jabe xanen ibu waiwen taexun matun shinan betsa watan man ma ikunwainbu man ma jabe besteni keskawen taea jawada naiudia Cristowen Diosun pepa benakubainkanwen.

Romanos 12:10

Ja inun, matun betsa kayabi keska wakin ikunwainbu betsabu jawada pepa man amis shinanma jakia ikunwainbu betsabube medabenamekin jabube nuinamei duanamekubainkanwen.

João 15:7

Janua matudan, ebe ketaxamexun en jancha shinankin unanjaidai jakimama chibankubainkin jawada bikatsis ikin man Dios yuka matu axunxanikiki.

Lucas 22:24

janua jawen tsumabu yuinamekin yuikin: “¿Jesúsbe xanen ibui jadatu kaya nun binunanain kai?” ikaibu

Lucas 19:11

yuda ichapabun Jesúsun yusiain ninkakubainkin shinankin: “Jerusalén anu kematan nawabu nichintan Dios samama xanen ibujaidai kaimenkain”, iwanan, yuiaibuwen taexun

Lucas 18:41

—¿Mia jaska wapa?— aka juni bekunman yuikin: —Xanen Ibuun, ana en uinun ea bepexwe ika en ikaii— aka

Marcos 10:51

Jesúsun yukakin: —¿Mia jawa medabewapa?— aka juni bekunman yuikin: —Xanen ibuun, ana en uinun ea bepexwe ika en ikaii— aka

Romanos 8:34

Jaska inun, Jesucristo debutan jaska bestiama ana jiwei bestenkain nai anu Diosun yusiudi tsaunixun Jesucristo jabe xanen ibukin Dios nuku ea axunbiaya tsua betsa kushipatun Criston nuku pewaxuni nematidumaki.

Marcos 16:19

Xanen Ibu Jesús jatube janchai meneaya januxun Diosun nai anu ainitan jawen yusiudi tsaumaya

Mateus 20:22

jawen bake dabe uinkin Jesúsun jatu yuikin: —Man jaska ea yukaidan, man unandiamaki. Jawada en tenexanaidan, ¿man idiatidumen?— jatu wa —Nun idiatiduki— akabu