Mateus 14:19 - Kashinawa : Diosun Jesúswen taexun yuba bena yiniki

¹⁹ januxun yudan kaian yunukin: —Ja basiki xukua akeakea tsaukanwen— jatu wa manibaunaibun Jesúsun ja misi meken besti inun baka dabe tsumaxun naiudi teskanxun uinkin pitikidi Dios kenwantan misi inun baka tunke tunke apakekin nuku inankin yunua ja yudan kaian inanbaunkin nun jatu keyua

Kaxinawá Bíblia (BR)

¹⁹ hanushũ yurã kaiã yunukĩ: —Ha basiki shukuakeakea tsaukãwẽ— hatu wa manibaunaibũ Jesusũ ha misi mekẽ besti inũ baka dabe tsumashũ naiuri teskãshũ uĩkĩ pitikiri Deus kẽwãtã misi inũ baka tũke tũke apakekĩ nuku inãkĩ yunua ha yurã kaiã nũ hatu inãbaũkĩ keyua

Mateus 14:19 Referans Kwoze

Lucas 24:30

jabianuxun jatubetan pinun ika baxti itan misi bixun piti jayabuwen taexun Dios kenwantan tunkexun jatu inanyan

Hechos 27:35

jaska jatu yuitan Pablon misi bixun dasibibun besuudia dakeama Dios kenwantan misi tunkexun pikin taewaya

Marcos 6:41

Jesúsun ja misi meken besti inun baka dabe tsumaxun naiudi teskanxun uinkin pitikidi Dios kenwantan misi tunke tunke apakekin jawen tsumabu inankin jatu yunua ja yudan kaian inanbaunaibun januxun baka dabedi jatu inan jadi jatu inan keyuabu

1 Coríntios 11:24

Dios kenwantan misi namakis tunketan jawen kushipayabu inankin yuikin: “Nadan, en yudaki. Matuwen dabanen matu mawaxunkin en yuda en matu inanxanai keskaki. Pikanwen. Ea shinanbetanan jabiaskadi akubainxankanwen”, iwanan,

Romanos 14:6

Ja inun, jadatuda xaba betsa medibi watan janu nukun Xanen Ibu kenwankin Dios duawakatsis ikin jau janu akubainunbunwen. Ja inun, tsuabunda nami inun jamapai piti betsa betsapa dananma pimisbun Dios duawanun, iwanan, jau kenwantan pikubainunbunwen. Ja inun, tsuabunda yunu besti pimisbunan, Dios duawanun, iwanan, kenwantan jau jaskas pidiakubainunbunwen.

Colosenses 3:17

Jawada tibi man akai inun man yuiaidan, nukun Xanen Ibun jaska bechipai keska jawen kushipawen akubainkanwen, nukun Epa Dios: “Peki”, akinan, man Cristonabunan.

1 Coríntios 10:16

Nukun betsabube ichatan jatubetan medibi uva bimi jene watan akin Cristo nuku mawaxuni shinanmatidan, shinankin nun amiski, Dios kenwankinan. Ja inun, misi tunke tunke axun nuku mawaxunkin Cristo jawen yuda nuku inankuini ja misi jawen shinanmati nun pidiamiski.

Marcos 7:34

naiudi besutan juinsinakin yuikin: —Efatá!— iwanan, nukun janchawen yuikin: —Jau pabepemenunwen— aka

1 Coríntios 10:31

Jamapai pikin nuxuti akin jamapai betsa betsapa akinan, Dios duawanun, iwanan, akubainkanwen.

João 6:23

ja jaskaibun maewan betsa Tiberias anua xaxu betsawen bei januxun Jesúsun Dios kenwantan jatu pimashina anu keti itan Jesús inun jawen tsumabu jatu benakubidani jawa jatu bechiama ana jawendi butubidani jatun xaxuki inatan: “Cafarnaúm anu kashianmenkain. Jadi benanun bukanwen”, itan jaudi bui

Marcos 6:39

januxun jawen tsumabu Jesúsun yunukin: —Jatu ichawa akeakekanwen. Ja basiki jau tsaununbun jatu yunukanwen— jatu wa

João 11:41

januxun mishki ewapawen bepushinabu bepenxunabu Jesúsun uintan naiudi teskanxun yuikin: —Epaan, min ea ninkaiwen taexun en mia pepawaii.

Lucas 22:19

Pascua piti jawen jenekin jatu pima keyutan januxun shinanmati bena wakin misi betsa bixun Dios kenwantan namakis tunketan jatu inankin yuikin: —Na misidan, en matu mawaxunxanai shinanti en yuda keskaki. Ea shinanbetanan man pixanai ikis pikin taewakanwen— jatu wa

Lucas 9:16

januxun Jesúsun ja misi meken besti inun baka dabe tsumaxun naiudi teskanxun uinkin pitikidi Dios kenwantan misi inun baka tunke tunke apakekin jawen tsumabu inankin jatu yunua ja yudan kaian inanbaunkin keyuabun

Mateus 14:18

nuku yunukin: —Jabiaska ea bexunkanwen— nuku watan

Lucas 22:17

jawen Pascua piti keyukin jawen kencha tsumaxun Dios kenwantan yuikin: —Chanima en matu yuiaii. En Epa Diosbe xanen ibui en ana judiama na uva vino en ana matubetan ayuama ixanaii. Abaunkanwen— jatu watan