João 5:34 - Kashinawa : Diosun Jesúswen taexun yuba bena yiniki

³⁴ Jau tsuabunda man ea kenwanxanunbun, iwanan, en jaskakidi shinanmaki. Jakia janu kupiaitian Diosun jau matu kupiyamaxanun na kaka pepa en matu yuiai ninkatan man benuama ixanaii.

Kaxinawá Bíblia (BR)

³⁴ Hau tsuabũra mã ea kẽwãshanũbũ, iwanã, ẽ haskakiri xinãmaki. Hakia hanu kupiaitiã Deusũ hau matu kupiyamashanũ na kaka pepa ẽ matu yuiai nĩkatã mã benuama ishanaii.

João 5:34 Referans Kwoze

1 João 5:9

Jawada kaka yudabun bexun yuiaibudan: “Chanimaki”, ixun nun jatu ninkamiski. Jamen Diosun ibubis jawen bake kayabikidi nukuki chanikin ja kaka taxnimanidan, yudabun kaka yuimisbu keskama ja binua mestenepajaidaki.

1 Timóteo 4:16

Mimebi pe mekekin uindawe, jaska betsabu min jatu yusiankididan. Dasibi shinan pe bestiwai chintunyamakunkainwen. Min jaskakunkainaya mia inun min jancha jabun ninkaibu jatube Diosun pewen mia manakuxanikiki, jiwe kayabimakinan.

1 Coríntios 9:22

Ja inun, Jesús ikunwankatsis ibiai ikunwain kayabi idiama babubu medabewai kushipa wakatsi iki jatube jiwexun yusian bika yuiama jatu keskadi eadi babu keska en jiwemiski. Jesús ikunwainbu ichapabu Diosun jatu duawakin eadi jau ea duawaxanun, iwanan, jawen kakape yusinkubauni tsuabuda yuda betsa betsapa ikunwanmanun ika jaska jiweabu keska jatube jiwekunkaunkin en yusintanmiski, kaneamadan. Jaska tibi kakape en jatu yusinmiswen taea jabias nun chibanmiswen taexun jatubetan manakuti pepa en binunbadiaii.

Romanos 10:1

Jaska inun, en betsabu inun en puibuun, enabu Israelbu jatukidi ean shinain jabuwen nuikin Dios en jatu yukaxunkubainmiski, jau Diosun kupiti mese binukin Jesucristo chibankin ikunwainbu jau Diosun jatu mekexanunan.

Romanos 3:3

Ana jabiaskadi jadatutunda ea yukakin yuikin: “Judiobu betsabun Diosun jancha ana chibanma danainbuwen taexunan, ¿jawada Diosun nun judiobu nuku yubani betsa waxanimenkain, nuku danankinan?” ea wabu:

João 8:54

—Emebi en keainan, pemaki. Jakia en Epan ea kenwanmiski. Unanmabia: “Nukun Dioski”, ikin en Epakidi man yuimiski. “Eadi en Dios unanmaki”, iki en chani chakakeanaii, matu keskaidan. Jakia en Epa Dios unankin jawen yunua en chibanmiski.

João 5:41

Jawada pepa ekidi yuiaibu besti en ninkakatsi ikamaki, yudabun janchawenan.

Lucas 24:47

Jaskawen taexun jawen kushipawen jatu yusinxankanikiki, jau jatun chakabu Dioskidi chakabumisbu jau jenetan jabun shinan betsa waibu Diosun buaxunxanikikiki. Nawa xukua tibi ninkaxanaibu yuini matun Jerusalén anuxun taewakin

Romanos 12:21

Ja inun, jau chakabun matu maemakin binuyamanun jaskawen taea matunan, pepawakin chakabu binumakubainkanwen.

Romanos 10:21

Israelbukidi yuimakin: “Juinti kushitan jatun besuwen dakeama ea ninkaisbumawen nuikin en jatu medabewapaibia ea ninkabumaki”, aka keneniki.

Lucas 13:34

—Jerusalén anu jiweabuun, Jerusalén anu jiweabuun, Diosun jancha yuixunikabu inun jawen jancha jatu bana bexunpakeaibu Diosun jatu yunubiaya danankin jatu tenankin matun xenipabun ani keska wakin mishkiwen man jatu tsaka tsaka amisbuki. Takadan jawen bake nuxamis keska wakin eandi matu medabewakin matu mekenun ika en jubianiken jaska shinanma ea danankin man ea jawa ninkamaki.

João 5:32

Jakia tsuabunda ekidi unanti watan ea kenwainan, jawen janchadan, pepaki, jaska unainan.