João 3:12 - Kashinawa : Diosun Jesúswen taexun yuba bena yiniki

¹² Jaskaken yudabukidi en matu yuikubainai en jancha man ikunwanbumawen taexun Dios anua jamapaikidi en matu yuiaidi man ikunwantidubumadiki.

Kaxinawá Bíblia (BR)

¹² Haskakẽ yurabukiri ẽ matu yuikubainai ẽ hãtxa mã ikũwãbumawẽ taeshũ Deus anua hamapaikiri ẽ matu yuiairi mã ikũwãtirubumariki.

João 3:12 Referans Kwoze

Hebreus 5:11

Jaskai Diosbe Jesús nuku janchaxunmiskidi ichapa en ana matu yuitidubia man unanxubida tapiainwen taea en matu yusiain bikajaidaki.

João 3:8

Jaska inun, niwe jaikaimas xunku iki danka imiski. Jakia jawen jui ninkakin janiada juai inun janida kai min unanmaki. Yushin Pepatun tsuada yuda betsa bena waidan, jaska keskadiki— aka

João 3:5

januxun Jesúsun yuikin: —Jaskamaki. Chanima en mia yuiai ninkawe. Yuda kayabi medanua kaianan, yuda kayabi ikubainmisbuki. Ja inun, Yushin Pepatun kain benamatan jatuki jikitan jatu yaushikin mekekubainmiski. Ja inun, jene inun Yushin Pepawen nashiabumadan, Dios xanen ibuaiki man nukutidubumaki. Jakia ja dabewen pepakubainaibu jaki man dasitidubuki.

1 João 4:10

Nuku bechipaiai jaska uinmakinan, nukun dukun nun Dios bechipaiama iniki. Jakia nukuwen nuikin nuku bechipaikinan, jawen bake yununiki, jau ja mawakin daewaiwen nukun chakabu buatan ana shinanyamakubainxanunan.

1 Timóteo 3:16

Dasibi Jesucristo nun ikunwainwen Diosun nuku duawai nun unan keyutidumabia chanima xabakabi jaska wani jaska shinain tsuabuda jaskakidi yui nun jawen ja itidubumaki. Jakia jawen bake ikunwankin Dios nun benimawatiduki. Eskaki, mia yuinun ninkawe: Cristo juidan, junin yuda bitan taxniniki. Cristodan, jawa chakabu jayama pepa bestiki, iwanan, Diosun Yushin Pepatun jawen jiweakidi yuiniki. Bestenkaina Diosun nai tsumabundi uindiakubainibuki. Ja inun, nawa betsa betsapa anuxun Jesúsun tsumabun kakape jakidi yusinkubaunaibun ichapabun ikunwainbun Diosun nai anu ana jawendi ainitan xanen ibu wani nun unaiin.

João 3:3

Jesúsun ana yuikin: —Chanima en mia yuiaii. Tsuada ana kain benama Dios xanen ibuai anu ka jiwetidumaki. Jakia ana kain benatan Dios xanen ibuaibe jiwexankanikiki— aka

João 3:11

—Chanima en mia yuiaii. Eskaki, mia yuinun ninkawe. Nukun uinkin inun tapinmisxun Nashimanika Juan inun ean nun matu yusinmiski. Jakia nukun jancha danankin nukukidi xabakabi man shinanbumaki.