João 11:39 - Kashinawa : Diosun Jesúswen taexun yuba bena yiniki

³⁹ —Bepenkanwen— jatu wa nemakin Lázaron pui Martan yuikin: —Xanen Ibuun, jamaki. Meyamananwen. Ma xaba dabe inun dabe ka chapui pisi mayaikiki— aka

Kaxinawá Bíblia (BR)

³⁹ —Bepẽkãwẽ— hatu wa nemakĩ Lázarõ pui Martã yuikĩ: —Shanẽ Ibuũ, hamaki. Meyamanãwẽ. Ma shaba dabe inũ dabe ka txapui pisi mayaikiki— aka

João 11:39 Referans Kwoze

João 11:17

jaska ninkatan Jesúsbe nun kaya Betania dapixun: “Uxa dabe inun dabe ka Lázaro maiwashinabuki”, akin nuku yuiabu Jerusalén chaima kilómetro dabe inun besti anua judio xanen ibubu ichapa bexun jatun pui mawashinken Marta inun María kaxaibu jatuwen nuikin daewakin jatu nese wai beabun

Marcos 16:3

yuinamekunkainkin: —Ja mishki beputi ewapadan, ¿tsuan nuku bepenxunkin tadanxuntidumen?— ikubaini

Filipenses 3:21

Janua juxun jabiaskadi kushipawen jamapai dasibi meke keyumistun nukun yuda babu atimapa betsa wakin benawaxanikiki, jawen yuda chaxa keska nuku wadiakinan.

Hechos 2:27

Mawabu janu dasibi bumisbu anu ka min medibi min tsumapan yuda maiwati tanpe anu jau dakai chapuyamaxanun min nemaxanaii.

Hechos 13:36

chanima Diosun David yunua xanen ibukin jawenabu medabewakubaini atimas mawa maiwabu jawen xenipabuki nukutan jawen yuda beniama chapuni natian man unaiin.

2 Coríntios 2:16

Jaska shinainbutunadan, nukun yusianan, ikunwanbuman nuku ninkamadan, atimapa yuda mawa pisi mayai keska xetekin aka wakanikiki, nuku danankinan. Jakia dasibibun nukun yusian ninkakin Cristo ikunwankin nukun yusian ininipa keska bechipaikin benukatsi ikama jaska niti ikama Diosbe jiwekuinxanaibu bikubainkanikiki. Jakia Cristokidi xabakabi yusian mesekenan, ¿tsuabunda nun shinan chakai, ja jiweakididan?