Hechos 7:60 - Kashinawa : Diosun Jesúswen taexun yuba bena yiniki

⁶⁰ janua danti ika dakaxun bis ikin jui kushipawen ana yuikin: —Xanen Ibuun, na ea chakabuwaibuwen taexun jatu kupiyamaxanwen— atan di iki mawanikiaki.

Kaxinawá Bíblia (BR)

⁶⁰ hanua dãti ika dakashũ bis ikĩ hui kuxipawẽ ana yuikĩ: —Shanẽ Ibuũ, na ea txakabuwaibuwẽ taeshũ hatu kupiyamashãwẽ— atã di iki mawanikiaki.

Hechos 7:60 Referans Kwoze

Mateus 5:44

Jakia eanan, jancha betsawen en matu yusiaiin. Matuki sinataibu jatuki sinatama jatuwen nuikubainxankanwen. Ja inun, matu ichaibu inun matu ichakawaibu jatu dananma medabewakin jau Diosun jatu duawanun yukaxunkubainxankanwen.

Lucas 23:34

meneabun soldadobukidi Jesúsun yuikin: —Epaan, ea jaska waibudan, jawa jatu kupiyamawe, jawa unanma iki ikanikikidan— ikaya januxun soldadobun jawen beyustiwen maemanankin jawen tadi paxkanun iwanan: “¿Tsuan dukun jawen tadi bimenkain? Akanwen”, ikaibun

1 Coríntios 15:20

Jancha chanima matu yuinun ninkaidakanwen. Cristo mawashina ja dukun Diosun bestenwaniwen taea yudabudi mawakubainaibu jawen taeadi bestein keyuxankanikiki.

Hechos 20:36

jatu yusin menetan Pablo danti ikaya jabe danti iki keyuabu jau Diosun jatu mekekubainxanun Pablon jatu yukaxuntan meneaya

Hechos 9:40

jatuwen nuikin dasibi jatu kainmatan danti ixun Dios yukaxuntan ainbu mawa beiskin yuikin: —Tabitáan, benidikidanwen— aka bepexetan Pedro uintan tsauaya

Lucas 6:28

Ja inun, tsuabunda matu ichakawai matuki sinataibun jatu bebis manakunama jau Diosun jatu medabewanun jatu Dios yukaxunkubainxankanwen.

1 Coríntios 15:18

Jaska inun, Cristo besteanma iniken Cristo ikunwainbu jamen mawatan benukeankanaii.

Hechos 21:5

janua 7 día ma keyuaya: “En ma kaii”, nun jatu wa nuku nichinun ika jatun mae anua jabun ikunwain junibu inun jatun ainbuaibu inun jatun bakebuya dasibibun nuku chibanbidan ianenwan kexa anu bea mashin nukube danti itan nukubetan Dios kushipa yukatan

Hechos 13:36

chanima Diosun David yunua xanen ibukin jawenabu medabewakubaini atimas mawa maiwabu jawen xenipabuki nukutan jawen yuda beniama chapuni natian man unaiin.

Lucas 22:41

jatu jenebaini kai tsuanda jatixun tin ikimenkain ixun mishki tude putabu kai tin imistixun Jesús ka danti itan jawen Epa yukakin

1 Coríntios 15:6

Januadi jawen betsa Santiago jakidi nukutan Jesúsun kushipaya betsabudi jabukidi nukutan jatu uinmashinken janua jabun chibankin ikunwanmisbu midimajaida 500 binuabutikidi Jesús jatuki nukutan uinmadianikiaki. Jatidi ma debua inun ichapa jiwediayuabuki.

Mateus 27:52

janua janu maiwati tanpe xabakabiaya jabun Dios ikunwain mawanibu Diosun jatu bestenwan

1 Coríntios 11:30

Ikunwainbun jaska kanemisbuwen taea matumebi betsa betsapa babui betsabudi isin betsa tenei betsabudi man debukubainkanaii.

1 Coríntios 15:51

Yubakatan Diosun jawen jancha juneni matu xabakabi yuinun eskaki, ninkakanwen. Jesús nun ikunwainbudan, mawaida jatida nun mawama ixankanaii. Jesús ana juaya nuku tibi betsa waxanikiki, yuda bena betsa nuku wakinan.

João 11:11

itan, —Nukun jaibu Lázaro ma uxaki. Datekin en bestenwain kaii— nuku wa

2 Timóteo 4:16

Jamen betsadan, ja dukun Roma xanen ibubu ninkamakin judiobun ea kunyan akaibun en chakabuma en jatu yuiaya tsuan kedabewai ea janchaxunama dakekin dasibi en jaibuaibun ea jenebainimabuki. Ea jaska wabiabainimabun jatun chakabuwen taexun jau Diosun jatu kupiyamaxanunwen.

2 Pedro 3:4

yuka ikin: “Cristo yubakai: ‘En ana juxanaii’, ikainidan, ¿jania? jaska man chanimisdan. Nukun ibubun ninkabaini ma mawanibuki. Jaskabia Diosun mai bawani anu nun jiwea jabiaskas kaikiki”, ikin matu yukakubainxankanikiki.