Hechos 25:8 - Kashinawa : Diosun Jesúswen taexun yuba bena yiniki

⁸ januxun jantsedi Pablon jawa chakabuwama ikimakidi unanmakin Festo yuikin: —En jawa chakabu jayamakidi ena mia yuinun ninkawe. Diosun nukun xenipabu yusini chibankin en kaneama inun Jerusalén anuxun Templo en jawa chakabuwama inun romano xanen ibujaida Césarki en jawa jakidi chakabu yuismadiki— ikaya

Kaxinawá Bíblia (BR)

⁸ hanushũ hãtseri Paulõ hawa txakabuwama ikimakiri unãmakĩ Festo yuikĩ: —Ẽ hawa txakabu hayamakiri ena mia yuinũ nĩkawe. Deusũ nukũ shenipabu yusĩni txibãkĩ ẽ kaneama inũ, Jerusalém anushũ Templo ẽ hawa txakabuwama inũ, Romano shanẽ ibuhaira Césarki ẽ hawa hakiri txakabu yuismariki— ikaya

Hechos 25:8 Referans Kwoze

Hechos 28:17

jikishina uxa dabe inun besti binukainaya Roma anu judio xanen ibubu jiweabu jau jabe ichai benunbun Pablon jatu kena bea ma ichabu jatu yuikin: —Enabuun, ekidi matu yuinun ninkakanwen. Nukunabuki inun nukun xenipabun beya en jawa wama kayabiaken Jerusalén anuxun ea achixun romanobun jau ea bichinunbun ea jatu meshui akimabu

Hechos 24:12

Januxun Templo anua inun janu ichati jiwe anua inun janida janchai nixun yudabu en jatu itimakawai tsua en jaska wai ea jawa ninkabuma ishianbuki.

2 Coríntios 1:12

Jamen nukukididan, jaska yudabun Dios unanbuman shinain kenmis keskama jakia Diosun nuku shinan betsa wamatan juinti pepa nuku waniwen taexun jaska Diosun bechipaimis nuku shinanmaya tsua padanma duapa bestikunkaini matuwen nuijaidai nun kenkunkainaii, matuwen taea chanima benimaidan.

Hechos 28:21

ja ichabu betsan Pablo yuikin: —Judea anuxun mikidi kene nuku bemabumaki. Ja inun, nukunabu jukin mikidi jawa chakabu nuku yuiabumadiki.

Hechos 25:10

Pablon kemakin: —Jaskamaki. Juni betsa tibi mian min unanti wanun romano xanen ibujaida Césarn min jabiaska watanun mia yunuimaki. Jaskaken na jabiatian min ea unanti watiduki. Jaskaken enabu judiobu en jawa chakabuwama iyama en mia tapinmaxuki.

Hechos 24:6

Jaska besti wama nukun Temploki meseama nuku chakabuwanshinaki. Jaska waya nukunabun achiabu nukun xenipabun beya chibankin unanti watan nun kupipanan

Hechos 23:1

Junta Suprema ichabu dasibi xabakabi beiskin Pablon jatu yuikin: —En betsabuun, matu yuinun ninkakanwen. En jawa Dioski chakabu nima natian Dioski dateama unanuma en jiweaki, Diosun ea unanyanan— jatu waya

Hechos 24:14

Jakia jaskakidi ekidi mia yuiaibudan, xabakabi mia yuinun ninkawe. Jesúsun Bai Bena nun chibanyan: “Dioskidi kanekanikiki”, iwanan, nuku aki ikanikiki, jaskamabiakenan. Jesús ikunwankin nukun xenipabun Dios kenwanpauni en duawapakemiski, Moisin yusini inun Diosun jancha yuixunika betsabundi kenenibu dasibidi ikunwankinan.