Hechos 2:22 - Kashinawa : Diosun Jesúswen taexun yuba bena yiniki

²² —Israelbuun, en matu yuiai ea ninkakanwen. Matunan, man unanjaidaii. Jesús Nazaret anua jua Diosun kushipa watan jawen e imati inun jawen unanti wamakin dami itimaska tsuan atiduma wamakin jawen kushipa matu uinmakin Diosun ama akeakekin xabakabi matu uinmakubainimaki.

Kaxinawá Bíblia (BR)

²² —Israelbuũ, ẽ matu yuiai ea nĩkakãwẽ. Matunã, mã unãhairaii. Jesus Nazaré anua hua Deusũ kuxipa watã hawẽ e imati inũ hawẽ unãti wamakĩ dami itimaska tsuã atiruma wamakĩ hawẽ kuxipa matu uĩmakĩ Deusũ amakeakekĩ shabakabi matu uĩmakubainimaki.

Hechos 2:22 Referans Kwoze

Hechos 4:10

Jaskakenan, matu inun dasibi Israelbun man ninkaya matu shinanmanun ninkakanwen. Jabias Jesucristo Nazaret anua jaki sinatakin jiki man jatu mastama mawa Diosun ana bestenwainma ikunwankin jawen kushipa bestiwen na juni dasibibun man uiain nun xuxawashinaki.

Lucas 11:20

Jamen chanima Diosun kushipawen ean en yushin chakabu kainmamiswen taea Dios matuki bai ma juaki.

Mateus 12:28

Jamen chanima Diosun kushipawen ean en yushin chakabu kainmamiswen taea Dios xanen ibui matu anu ma juaki.

Mateus 9:8

mapubaunxun uin datekin yuikin: —Jabaa! tsuan jaska waismaki. Jakia Dios pepajaidatun na juni ma kayawaxuki— iwanan, uinkin Dios kenwanibukiaki.

Hebreus 2:4

Ja inun, jawen Yushin Pepawen jawen e imakin unanmati damiwamakin na yuba bena Jesúsun tsumabubetan Epa Diosun jatu mestenwanmaniki. Jaska wanixun jawen shinanen nuku tibi jawen daya betsa betsapa nuku inanmiski, jaska shinain keska nuku tibi inankinan.

2 Coríntios 12:12

Ja inun, bika betsa betsapa mebiakin en tenekubainimaki. Jaska inun, matube jiwexun jaska dasibi Jesúsun kushipayabun amis keska wakin eadi jabiaskadi Diosun kushipa en jaya xabakabi matu uinmakin dami betsa betsapa en wakubainimaki, matun bedubidan.

Hechos 26:26

Jaskadan, ja xanen ibu Agripan Diosun jancha unainwen taexun dateama jaskakidi janchakin en yui ikaii. Jaska ean en jakidi shinanan, unan keyudiaikiki. Chanima Jesús jawa juneama jabiaskadiai jiwekunkainiki— iwanan,

Hechos 26:9

—Eanan, chanima jaskakidi shinan pewadiamadan, en jatu ayuniki, jatu yamawakatsis ikinan, Jesús Nazaret anua ikunwainbuki sinataidan.

Hechos 24:5

Na juni Pablodan, chanimajaida jakidi pemajaida nun uiaiin. Jesús Nazaret anuatun yusian chibainbu jatu bebunxunkin mai jidabi anua judiobu manibaunabu bikawakin jatu yusin chakakin paxkakin jatu itimaska wakubainmiskiaki.

Hechos 22:8

eandi yukakin: “Xanen ibuun, ¿min tsua iki ikai?” en wa januxun ea ana yuikin: “Jabia ea ikunwainbu min jatu ichakawakubainaidan, en Jesús Nazaret anuaki”, ea waya

Hechos 21:28

jancha kushipawen jatu yuikin: —Israelbuun, nuku medabewai bekanwen. Na juninan, mae tibi anuxun yudabu jatu yusin chakakin nukukidi inun, Moisin yusinikidi inun, na nukun Templokidi jau shinan betsa wanunbun jatu yuikubaunmiski. Ja dikabi nukun Templo anu griegobu jatu iwexun nukun Templo medibi ma jatu atimapa wamaikiki— ikinan,

Hechos 14:27

keti itan mapekeshinabun januxundi Jesús ikunwainbube ichaxun bukubauni jaskatanshinabu inun jabu judiobuman jau jabundi Jesús ikunwanunbun natian Diosun jatu kenaya xabakabi jaska jatu yusinkubauntanshinabu dasibi jatuki chanitan

Hechos 13:16

janua Pablo benitan jau pesnunbun jawen meken sanantan jatu yuikin: —Israelbu inun dasibi nawabu jabu man Diosun kushipaki mesemisbuun, matu yuinun ninkakanwen.

Hechos 6:14

“Jesús Nazaret anuatun Templo yamawatan nukun beya betsa betsapa Moisin nuku yusini betsa waxanikiki”, ikai nun ninkadiakubainaii— jatu wabu

Hechos 5:35

januxun Gamalielin jabube xanen ibubu jatu yuikin: —Israelbuun, na junibu kupikatsis ikin man jaska waidan, shinankin uindakanwen.

Hechos 3:12

jaskaibun Pedron jatu uinkin yuikin: —Israelbuun, ¿jaskai nuku uin man e ikanai? ¿Na juni nun xuxawaxu benitan nia uinkin nukun kushipawen nun axu man shinainmenkain? ¿Dios keskakin nun juni pepajaidawen taexun nun xuxawaxu man daka shinain?

João 15:24

Ja inun, jatu anuxun en jawa jatu jaska waxuanma chakabu shinanma ikeankanaii. Jakia tsuan jaska jatu anuxun jaska waxuinsmabiaken Diosun kushipa jatun bedubi en ma jatu uinmabia uinbiakin ea inun en Epa danankanikiki.

João 12:17

Jabiatiandi Lázaro mawashina Jesúsun kenakin bestenwain uinmabun yudan kaian jabu jatuki chanikin jatu yuibaunbaunaibun

João 11:47

janua Diosbe nukunabu janchaxunika xanen ibubu inun fariseobu Junta Suprema kena jatube ichatan Jesúski datei yuinamei: —Ja juninan, jatu unanti wamakin dami tsuan jaska watiduma ichapa waikiki. ¿Nun jaska watidumen?

João 10:37

Jamen en Epan pepawai keska en akamakenan, en jancha ikunwanyamakanwen.

João 9:33

Diosun yunuama jaska watidumaki. Jaskaken Diosun Jesús medabewashinaki— jatu wa

João 7:31

Janua jakidi jaskabiaibu ichapabun ikunwain yuinamei: —Mesías Cristo juxun dami ichapa nuku waxunxanaikidi nuku yusinmisbu na junin jaska nuku yusinmisbu keska waikiki. ¿Chipu Mesías Cristo juxun na junin akai binutidumamenkain? Nun shinanan, atidumaki— iki

João 6:27

¿Jaskai piti chapumiswen besti kemui man mapua ikanai? Jakia en Epa Diosun ea kushipa waniwen taexun jawen kushipa en matu inanxanai ja bestiwen kemui mapukanwen, jawen jiwekuin ikibi itidan. Jaskawen taexun jabia jawen unanmati wakin Epa Diosun ea matun Juchi Kayabi Iyua ea waniki, yunukinan— jatu wa

João 6:14

jawen unanmati dami Jesúsun jatu axunxuwen taea uin yuinamei: —Chanima Diosun jancha yuixunika kayabiki, jaska Moisin yuinidan, ja junidan, jabiaki— ikubaunkin

João 5:36

Jamen Epa Diosun ea yununidan, jawen kushipawen dami atimaska wakin en matu uinmaiwen taexun man ea unanti wakin tapintidubuki, Diosun ea yununidan. Jaskaken ekidi jawen unanmati jancha Juanen matu yusinmaki. Jakia eanan, atimaska betsa betsapa wakin jaska Juanen aisma akin en binuaiin.

João 4:48

Jesúsun yuikin: —Matunan, jawen unanmati dami atimaska en akai uianma man ea daki ikunwanbumaki— aka

João 1:45

Felipen jawen jaibu Natanael benakin jawen jiwe anu kaxun yuikin: —Baa, mia yuinun, ea ninkawe. Jakidi Moisin inun Diosun jancha yuixunikabun kenenibudan, nun ma jaki nukushinaki, Josén bake Jesúsdan. Jawen mae Nazaretki— aka

Lucas 24:18

januxun jabu betsa Cleofásin yuikin: —Jerusalén anua jaska dasibi washinabu dasibibun unankanikiki. Jerusalén anu bai jubiashina ¿jaskakin mian besti min jaska uianma ishianmen?— aka

Hechos 2:19

Jaska inun, nai anua jawen e imai kushipa wakin mai anuadi dami betsa betsapadi en waxanaii. Jimi jabamakinan, chi wakinan, basnun bai kua jawen kuin keska wakin en jatu uinmaxanaii.

Hechos 2:43

Jabiatiandi Jesúsun tsuma kushipayabun Diosun jatuwen dami atimaska ichapa akin jawen unanmati betsa betsapa akaibun dasibi Jerusalén anu jiweabu e iki jabaa ikubainaibun

Hechos 3:6

januxun Pedron ana yuikin: —En peiumaki. Jakia en ja jayadan, en mia inaiin. Diosun kushipa en jayawen taexun en mia xuxawatiduki. Jesucristo Nazaret anuatun kena kushipawen taea benitan nidiwe— atan

Lucas 18:37

betsabun yuikin: —Jesús Nazaret anua kauani ikikiki— akabu