Hechos 14:15 - Kashinawa : Diosun Jesúswen taexun yuba bena yiniki

¹⁵ —Junibuun, ¿jawakin man nuku jaska wai? Nuku jaska wayamakanwen. Nukudan, matu keskadi nun jabias juniki. Ja yushin dabe man kenwanmistun matu jawa waxuntidumaki. Jaskawen taexun man kenwanmis jenetan Dios jiweatun nai inun, mai jidabi inun, ianenwan dasibi inun, janu jiweabu dasibi damiwani matun shinan betsa watan man kenwankubainxanunbun jakidi jawen bakekidi kakape matu yusintanun ika nun jushianki.

Kaxinawá Bíblia (BR)

¹⁵ —Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Hechos 14:15 Referans Kwoze

Santiago 5:17

Ja inun, nukun xenipabu Elías nuku keskakidi ana shinanankanwen. Bika tenei Diosbe nun jaibunameai keskai chintuanma Elíasdi jiwekunkainikiaki. Jakia jawenabun Dios chibanbumawen taexun Elíasin Dios yukakin yuikin: “Enabu min kushipa uinmakin ana ui jatu inanyamayukubainwen”, akin yukakin ui nesewaima badi dabe inun besti namakis ui ana imama inikiaki.

1 Coríntios 8:4

Yushin dami kenwanti betsa kenwankin jawen kenwanti nami inananainbu bitan man piaibudan, jaskadan nun unandiaii. Jawen kenwanti yushin dami jiwea jayama inun jawa kushipa jayamajaidaki. Jakia nukun mekenika Dios bestichai jiwea nun unaiin.

Hechos 10:26

januxun Pedron nemakin metsuntan benikin yuikin: —Eki jaskama benidiwe. En jawamaki, mia keskadi junidan— atan

Apocalipse 14:7

jui kushipawen yuikin: “Diosun nai inun mai inun ianenwan inun unpax chacha tibi damiwanitun yuda dasibi unanti watan na jabiatian jatu kupikin taewaikiki. Jaskaken menan jaki danti itan Dioski datekin kenwandikanwen”, ikainaya

1 Tesalonicenses 1:9

Ja inun, man jaskaimabukidi ja mae anuxun nukukidi chanikin chanima jaska man nuku duawaima chanimisbuki. Ja inun, damiwakin yushin itsa wabu man kenwanbiapauni ja jenetan Dios jiwea kayabi ikunwankin man duawakin taewaimaki.

Efésios 4:17

Nukun Xanen Ibun kenawen eska en matu yuikin yunuai ea ninkakanwen. Jabun Dios unanma benuabu ikaibu keskai ana jiweyamakanwen, jabun shinan chakabu benuawen jaska jiwea unanma jamakidi kane kanekanikikidan.

Hechos 4:24

jaska jatu wakanxukidi ninkatan dasibibun Dios kenwankin yukakin: —Nukun Epa Diosuun, nai inun, mai inun ianenwan, inun dasibi janu jiweabu min damiwani nun unaiin.

Mateus 16:16

Simón Pedron kemakin: —Miadan, Epa Dios jiweatun bake min nukun mekenika Mesías Cristoki— aka

Hebreus 3:12

Jaskawen taea en betsabu inun en puibuun, matun juintinin chakabu shinankin ana ikunwanti kushiwama chintuntan Jamebi Jiwemis Dios jenebainkatsi ikama matu tibi ibubis mekekin shinan pewadikubainkanwen.

1 Timóteo 3:15

En yane katiduma shinankinan, jaskai Dios jiweatun enabun chanima jancha Jesucristokidi jatun matu tsuma unankin chanima jancha besti shinain jawen nemakanain jaskai jiwei jau mekei penunbun jaskakidi min jatu yusinun bebunkidi en mia kene bumaii.

Hechos 14:21

jadixundi Diosun jancha jawen bakekidi kakape jatu yusian januxun Derbe anuxun jatun jancha bechipaikin ichapabun ninkakin ikunwainbun jadia chintunkidani Listra inun, Iconio inun, Antioquía anu bekubidankin

João 7:18

Jamen juni betsa ibubis jatu kenwanmakatsi ikidan, yusinan pepai jawenduamisbuki. Jakia jatun ea yununi en matu kenwanmakatsis ikaiwen taea chakabuuma pepa besti yui en chani chakamaki. Jaskawen taexun tsuan ja yusiankidi ekidi metutidubumaki.

Apocalipse 22:9

ea nemakin yuikin: “Jaskayamawe. Mia keska eadi en Diosun tsumaki. Min betsabu Diosun jancha yuixunikabu betsa inun dasibibun na jancha kenekin min una wai jabun chibanxanaibu keska eadi en jatu keskaki. Dios besti kenwanwen”, ea watan

Apocalipse 19:19

Januxun ana en uianyan yuinaka mese atimapajaida inun, xanen ibubu mai jidabi anua inun, jatun soldadobu icha ja caballo juxupaki katsaua jawen soladobuya jatube detenamenun ika icha maniabun

Apocalipse 19:10

kenwanun ika jawen tae naman en danti itanaya ea nemakin yuikin: “Eki jaskayamawe. Mia inun Diosunabu betsabun Jesucristo chibankin jawen jancha yusinmisbu keska eandi Diosun jancha bunika en jawen tsumadiki. Jaskaken ea kenwanma Dios besti kenwanwen”, ea waxuki. Jaskadan, tsuabuda Jesúskidi kakape Yushin Pepatun xabakabi jatu shinanmaya jabu yusinanbu jakidi chanikin banabimabaunmisbuki.

Hechos 27:25

Junibuun, ana punu nukama benimakanwen. Eanan, en Dios ikunwanyan jaska ea yubaxu axanai en ja shinaiin, nun jaskai kai jawen nai tsuman ea yuixudan.

Hechos 27:21

natian datekin jawa piabuma ikubainaibun janua Pablo jatu nashui ika benikaun jatu yuikin: —Junibuun, en jancha ninkatan Creta anu man bashikushianan, bika chakabu man meama ikeanaii.

Hechos 27:10

—Junibuun, jaska en shinain matu yuinun ninkakanwen. Ean en uiainan, ninkamas nun kaya niwe mesejaida bekin nuku xaxu bichia matun xekiwan inun nukun mabu dasibi xaxuyabi benui keyutiduki. Nukudi jasai nukun jiwea nun benudiatiduki. Buyamayunankanwen— jatu wa

Hechos 16:30

januxun kainmatan jatu yukakin: —Xanen ibubuun, janu kupiaitian en Dios daewakatsis ikaii. ¿Jaskapa, jau ea mekexanunan?— jatu wa

Hechos 14:7

jadixundi Diosun jancha kakape jawen bake Jesúskidi jatu yusindiaibun

Hechos 13:32

Na jabias kaka pepa beshinxun nun matu yuiaidan, Diosun nukun xenipabu yubanidan,

Hechos 7:26

Janua meshukidi betsatian Moisés ana kaxun jawenabu Israelbu dabe ana detenameaibuki nukutan daewakin jatu nemanun ikain jatu yuikin: “Matu dabe man yuda betsamaki. ¿Jaskai man detenamei ikanai?” jatu wa

Apocalipse 4:11

“Dasibi damiwakin min shinanwen jamapai dasibi min damiwani min nukun Xanen Ibu inun min nukun mekenika yushin Dioski. Jaskawen taexun mia besti kenwankin nun mia duawakubainaii”, akaibu uinkin en matu kenexunaii.