Hebreus 13:6 - Kashinawa : Diosun Jesúswen taexun yuba bena yiniki

⁶ Jaskaken ma nuku yubani jaska jaki chiti itan jawa dateama yuikin: “Yavé Diosun ea medabewamiswen taea jamapai tibiwen tsuabunda chakabuwanun ixun ea amanun ikaibu ‘En Xanen Ibun ea medabewaya en dateamaki’ ”, ikin jatu yuikubaintiki, dateamadan.

Kaxinawá Bíblia (BR)

⁶ Haskakẽ ma nuku yubani haska haki txiti itã hawa dateama yuikĩ: “Yavé Deusũ ea merabewamiswẽ taea hamapai tibiwẽ tsuabũra txakabuwanũ ishũ ea amanũ ikaibu ‘Ẽ Shanẽ Ibũ ea merabewaya ẽ dateamaki’ ”, ikĩ hatu yuikubaĩtiki, dateamarã.

Hebreus 13:6 Referans Kwoze

Romanos 8:31

Jaskaken Diosun jaska shadabu nuku axuniwen taexun jadatubunda chakabuwakin nuku tenemaibu jabu jawauma keskabuki, Dios kushipajaidatun nuku mekekin binujaidawen taeadan.

Hebreus 4:16

Jaskaken jawada mei nun bika teneaitian jau nuku medabewanun Diosun kushipa shinankin jaki dateama ikunwain jaki chanikin ea akubainankanwen, jau nukun Epa Dios nuikipatun nukuwen dabanan ikin jawen duapawen nun nuitapai jau nuku medabewanunan.

Mateus 10:28

Ja inun, tsuabunda matun yuda besti tenantidubuwen dateyamaxankanwen, tenanxun matu ana ichakawapaketidubumakidan. Jaki besti mesei man datekubainunbun matu yuinun ninkakanwen. Tsuanda matun yushin tenantan chi nukaismanu jawen kushipawen matu yunutidu bestiki mesei datekubainkanwen, Dioskidan. Chanima en matu yuiaidan, ja bestiki datei mesekubainxankanwen.

Efésios 3:12

Criston nuku jaska waxuniken jawa ana dateama jaki chiti itan ikunwain kematan nun yukatidubuki.

Hebreus 10:19

En betsabu inun en puibuun, jaskawen taea Jesucristo nuku mawaxunkin jawen jimi jabawaniwen taeadan, natian jawa dateama Diosbe janchanun ika jawen dintu medibi anu jikiai keskatan nun jaki ma kematidubuki.