Gálatas 4:17 - Kashinawa : Diosun Jesúswen taexun yuba bena yiniki

¹⁷ Jaskakin Jesús ikunwain machupabu juinti chakabuyabun judiobun beya matu chibanmakatsis ikin tadi matu paxkanun, iwanan, matu jawenawakin jabun yusian besti matu chibanmakin jawen tsumabu matu wakatsis ikanikiki.

Kaxinawá Bíblia (BR)

¹⁷ Haskakĩ Jesus ikũwaĩ matxupabu huĩti txakabuyabũ judeubũ beya matu txibãmakatsis ikĩ tari matu pashkanũ, iwanã, matu hawenawakĩ habũ yusĩa besti matu txibãmakĩ hawẽ tsumabu matu wakatsis ikanikiki.

Gálatas 4:17 Referans Kwoze

Romanos 16:18

Jaska jabu padananankin nukun Xanen Ibu dayaxunaibudan, jamen ikanikiki. Jaska jabun shinain besti bechipaikin jatun jancha jawendua chenxwen besti jatu jancha wakin yuda betsabu Cristokidi kakape unanjaidadiama bepadankanikiaki. Jaskaken jatuki kemama dunkekubainkanwen.

2 Pedro 2:3

Jabunan, matun pei ichapa binun ixun chani jancha yusinkin matu padankin ichakawaxankanikiki. Jaskanunbadiaiabu ma bebunkidi Diosun jatu kupini jawa betsa waismawen taexun tsuan Dios jatu daewaxuntidumawen taexun Diosun jatu kupikatsi manayuikiki.

1 Coríntios 4:8

Jaska inun, matun shinankin: “Dasibi unain jamapai Diosun jawenabu inanmis jaya nun ma xanen ibubuki”, iwanan, ea Pablo inun Apolos man nuku ana shinanma jaskayadan, chanima kayabi matumebi man xanen ibu mentsisipa kayabiayadan, ana nuitapama nun daka matube xanen ibuxanti.

Romanos 10:2

Israelbun Dios duawakin dayaxunkatsi imisbuwen taexun en jatu kenwantiduki. Jakia jaskai pepabiai jawen jancha kayabi unankin chibanma kanemisbu ean en unaiin.

Mateus 23:15

Janua matudan, Diosun jancha kenenibu yusinananmisbu inun fariseobu man bepadamebuun, main bukin ianenwan pukebaini buxun nawa betsa matu keska judio wanun ixun jatun shinan betsa wamakin jatu ikunwanmanun, iwanan, matun beya midima man jatu tapinmakin matun chakabu man jatu binumaibuwen taexun Diosun jatu kupijaidakin chi medan jatu udean jiwechakaxankanikiki.

2 Pedro 2:18

Jawada janchakin yuiaibu jawendua kemutapabia jamenki. Jabun dama ikunwankin taewashina mestendiabuma ja chakabukidi yusinkin chanima jancha jatu jenemakanikiki, jatun yuda atimapa betsa betsapatikidi jatu yusinchakakinan.

Filipenses 2:21

Ja betsabun Jesús chibanbiai jatunas bestiwen nuikin shinankanikiki, jaska Jesucriston bechipaiai keska akamadan.

2 Coríntios 11:3

Jesúskidi nun ma jaska matu yusinbianiken yusinan betsabu buxun matu padankin jaska Jesúskidi nun matu yusinsma Jesús betsa keska wakin matu yusiainbu jawaida jatun jancha jawendua bechipaikin man jatu ninkakubainmiski. Ja inun, nukubun Diosun Yushin Pepa matuki nun ma matu dasiwabiayamaken yushin betsakidi matu yuiaibu man jawaida achimamiski. Ja inun, jaska kakape nun matu yuiama ibiayamaken kaka betsa man jawaida chibainwen taea matuwen en dateaii. Jaska Edén bai anuxun dunun Eva padani keska wakin jawada pepa Cristokidi man ma jayabia jenetan jabun chakabu chibain man jamakidi benuaibuwen en matuwen dateaii.

1 Coríntios 11:2

En matu yusintani jabi chibain man chintuanmawen taexun benimakin en matu kenwaiin.

1 Coríntios 4:18

Matu anu en kama dabanen shinain matumebi patapai xanen ibui man jameen keaiin.

Gálatas 4:16

Jancha chanima en matu xabakabi yuiaiwen taeadan ¿jawai en ana matun jaibumamen, natian man eki sinatakunkainaidan?

Gálatas 4:18

Jakia ichapabu medabewakin man jatu pe mekeaibudan, jaskadan, pejaidaki, en matube jiwexun en matu yusian shinankin man amis keska bestima jeneama jatu axunkubainkanwen.