Filipenses 2:1 - Kashinawa : Diosun Jesúswen taexun yuba bena yiniki

¹ Criston jawen kushipa matu inankinan, jawen shinan chankankainti matu inaniki. Man nui jaya matun betsabu ja shinanwen matu yunua man jatu daewatiduki. Tsuada man Cristoki dasiadan, jabias Yushin man jaya ikunwain betsabuwen jatuya nui man kaxakunkaintidubuki.

Kaxinawá Bíblia (BR)

¹ Cristõ hawẽ kuxipa matu inãkinã, hawẽ xinã txãkãkaĩti matu inãniki. Mã nui haya matũ betsabu ha xinãwẽ matu yunua mã hatu daewatiruki. Tsuara mã Cristoki dasiarã, habias Yushĩ mã haya ikũwaĩ betsabuwẽ hatuya nui mã kashakũkaĩtirubuki.

Filipenses 2:1 Referans Kwoze

Colosenses 3:12

Jaskaken Diosun matu bechipaikin jau jawenabu medibi tadi man inunbun matu katunikenan, matun shinan pepa kainmakinan, tadi bena sawea keska wakubainkanwen, yuda betsabuwen nuidan, pepaidan, babutan keanmadan, duapaidan, jin jin ikama manakaidan.

1 João 4:12

Tsuan Dios uinpaunima inun uintidumabiaken nukubu nun bechipainameaidan, Dios nukuki dasia nukube jiweaki. Nukube dasiawen taea ja nui chanima kayabi nun jayaki.

Colosenses 2:2

Jau man shinan chankain jenetima binunbun inun, jawa betsa shinanma ikunwain betsabube ketaxamei nuinamei man bechipainamenunbun inun, unanepakin Diosun jawen yuba betsa juneni Cristokidi natian jau xabakabi man ninka pejaidawanunbun en matu dayai jenexunamaki.

1 Coríntios 12:13

Jabiaskadi wakin nun jabun ikunwain tibi judiobu inun judiobuma inun, esclavo dayadu inun tsuan dayaduman nun Jesús ikunwanyan nuku duawakin jabias Yushin Pepa Diosun ma nuku inan akeakeken ikunwain betsabuki dasinun nun ikaya jenewen nuku nashimabu ja Yushinin nukun yuda bestichai keska wamiski.

Gálatas 5:22

Jamen betsadan, jexe pepa banabu pepa jukunmis keskai tsuabuda Diosun Yushin Pepatun mekexun amakin jatu pe jiwemabainaidan, eska xabakabi jatu anua taxnimiski, bechipainamei jawenabuwen nuidan, benimakin Dios kenwainan, unanuma jiwea tsuki sinatamadan, jin jin ikama jawada teneamadan, jatu chikishwabu kunyan akamadan, jatu duawaidan, yaushiama jawada pepa jatu inankubainidan, jawada yubakaxun kaneama akidan,

Gálatas 4:6

Jaska inun, nun ma Diosun bakebukenan, Diosun jawen baken Yushin nukun juinti medan yunua Dios jatun nuku kenamakin: “En Epa nuikipatuun”, nuku amamiski.

Hechos 4:32

Jabun Jesús ikunwainbu midimabun jatun shinan jabiaskas shinanwen shinain jabun mabu tibi yui: “Ena bestiki”, ikama jakia dasibibun mekubainibukiaki.

1 João 3:24

Tsuanda Diosun jancha nun chibainbudan, nun jaki dasia jiwea inun jadi nukuki dasidia jiwediaki. Ja inun, jawen Yushin Pepa nuku yunua nun biniwen taexun nukuki dasia jiwea nun unankanaii.

João 17:13

Mianu kakatsi en benimajaidaii. En jatu putabaindiama jau jabun ea ninkakin jabias en benimai keskai jau idianunbun en mibe janchaii.

1 João 4:16

Chanima Dios nun bechipaiaidan, ikunwankin nun ma Dios unankanaii. Diosdan, nuikipa bechipainamenikaki. Tsuada ja nui jaya jiweadan, Dioski dasia jiweaki, Diosdi jaki dasidiadan.

Filipenses 3:3

Jaska nun yunu kayabiaibudan, nun nukuki, nun jabun Dios ken kayabi waibudan. Jesucriston ma nuku pewaxuniwen taexun Diosun Yushin Pepatun nuku kushipa wakin medabewaya jawada nukunmebi nukun yuda anua jina kubichi bemakisa nun mextemis keskawen nun kentidubumaki.

1 Coríntios 3:16

Jaskawen taexunan, ¿matunan, man unanmamen? Man ikunwainbu Dios matubeken man jawen jiwe keskawen taea Diosun Yushin Pepa matuki dasia jiweaki.

Romanos 8:26

Jaska inun, nukun juinti babuwen taexun Diosbe janchakin nun jawa yuitidumabiaken jawen Yushin Pepatun nuku medabewamiski. Jadi Diosbe janchati unanma: “¿Jadakidi ea akin Dios jawa yukaxanpa?” ikin nun shinanyan jawen Yushin Pepa Diosbe janchakin nuku yukaxunmiski, jaska nun yuitidumawen nuku ea axunkinan.

Romanos 5:5

Jaska nun manakatidu Dios nukuwen nuimis nuku unanmakin jawen Yushin Pepa nuku inan jawen taexun Dios ikunwankin chibankubainkin jaska nuku yubani manai jamen nun manakamaki. Jaska shadabuwen taexun jamapai bika nun teneaidan, jawen taexun Dios nun kenwankubainaii.

Hechos 2:46

Janua xaba tibi Templo jemaintin anuxun kushipa yukakin jiwe anuxundi ichaxun jawa chintuanma shinan chankanbetanan jatubetan pikin Jesús jatu mawaxunima shinanmati misi pikin

1 Pedro 1:2

Epa Diosun tsuabuda katukatsis ikin bebunkidi jaska shinain keska man ixanunbun jawen Yushin Pepawen matu pewanixun ma matu medibi waniki. Jaskawen taexun man chibankubainxanunbun jawen jimiwen Epa Dios daewakin Jesucriston matun chakabu buaniki. Jawen taexun Epa Diosun jawen pepa ichapa yaushiama matu inankin jau matu unanuma jiwemakubainunwen.

Hebreus 6:18

Jaska Dios yubakamis yubanametan maewai chani chakaismawen taea jawen nukuwen nuixanai nun jaki iduxanunbun ja ikunwankin manakanankanwen, nuku axunxanikikidan, jawen taea yubakaniwenan.

Filipenses 1:8

Jaska inun, matube dasibi jaibunain nun pekubainibudan, Diosun nuku unainkiki, Jesucriston nui duapa ea inan en matu axuniwen taea matukidi en jakimaismaki.

Efésios 4:4

Matudan, jabias yuda matu wakatsis ikin Diosun matu kenanixun jabias Yushin Pepa matu inantan jawen kushipawen jabias jiwekuian matu manakamaikiki, Jesús man ikunwainbudan.

2 Coríntios 2:14

Jakia Cristoki nun dasia nun jawenabuken jamapai bika Diosun nuku jabetan binumakubainmiski. Ja inun, nukuwen jawen kakape yudabu Cristokidi mae tibi anua yusinmakin nuku jatu unanmamiski. Nukubudan, nun nis jawendua keskabuki. Jaskawen taexun Epa Dios kenwanankanwen.

1 Coríntios 15:31

En betsabu inun en puibuun, nukun Xanen Ibu Jesucristo man ikunwanyan chanima benimajaidakin jancha kayabi matu yui: “Badi tibi en mawakeankunkainaii”, ika en chani chakamaki, jaska en ikunkainaidan.

João 14:27

En janchawen datei matun juinti nishmayamakanwen. Diosun unanuma jawen uke medanu unanumati en matu inaiin. Jaska yudabu jatun shinanwen jiwekin unanumai jiwemisbu keska matu inanma jakia Dios anua daewanika kayabi unanuma en matuki bashiaii.

João 14:18

Jaskawen taexun eanan, bashikin bake ibuuma keska wakin en matu jenebainamaki. Jakia ana matube iki en ana chintunkidanxanaii.

Lucas 2:25

jabiatiandi juni betsa pepajaida Dios kenwankin kaneisma jawen kena Simeón Jerusalén anu jiwexun Diosun Israelbu dasibi ana medabewakin jatu pekakin akawaxani yubani Simeón manakakubainshina jawen Yushin Pepa jaya jatun medabewakin unanmaya