Colosenses 4:7 - Kashinawa : Diosun Jesúswen taexun yuba bena yiniki

⁷ Nukubetan ikunwain nun jabe bechipainamemis Tíquico chintuanma nuku medabewakin nuku keskakin nukun Xanen Ibu dayaxunmistun ekidi kaka matu buxunkin yui kaikiki.

Kaxinawá Bíblia (BR)

⁷ Nukubetã ikũwaĩ nũ habe abunamemis Tíquico txĩtuãma nuku merabewakĩ nuku keskakĩ nukũ Shanẽ Ibu dayashũmistũ ekiri kaka matu bushũkĩ yui kaikiki.

Colosenses 4:7 Referans Kwoze

2 Timóteo 4:12

Nukun jaibu Tíquico Éfeso anu en yunuyuaii.

Hechos 20:4

jaska kainai jabun chibanbainai Berea anua Pirron bake Sópatro inun, Tesalónica anua Aristarco inun Segundo inun, Derbe anua Gayo inun, Timoteo inun, Asia mai pakea anua Tíquico inun Trófimo jabe bui

Tito 3:12

Uian niwejaidaitian Nicópolis anu en jiweyuxanaii. Min dayai anu Artemas kasmai Tíquico en yunua mia anu kaya janu jawaidakidan Nicópolis anu eki nukui juxanwen.

Colosenses 4:9

Matun mae anuadi nukun betsa nun jabe bechipainamediamis chintuinsmadi Onésimo Tiquicobe kaikiki, jaska nenu Roma anuxun jaska shadabu nuku wabu nun jiweakidi ja dabe matuki chani bukanikikidan.

Colosenses 4:12

Jaska inun, Jesucriston tsuma betsa nukun jaibu Epafras matube jiwemisdan, matuwen nuikin matukidi shinankin Dios matu yukaxunkin jeneama ikunkanikiki, jau chakabuuma man jiwexun mestentan jaska Diosun bechipaiai dasibi jaska shinain keska man axuin jiwekubainunbun matukidi shinainan.

Filipenses 2:25

Ja dikabi ja dabe en jatukidi shinainan, nukubetan ikunwain Epafroditon jau ea medabewanun man eanu nichinma ea medabewai ebe dayai bika tenekunkainai Cristokidi kakape yusinmis ana matu anu en nichinyukatsis ikaii.

Colosenses 1:7

Man jaska ikaibudan, nukun jaibujaida Epafrasin nuku keska Criston tsuma nukube dayakin matu anuxun chintuanma matu nuku yusinxunkubainmis