Apocalipse 1:18 - Kashinawa : Diosun Jesúswen taexun yuba bena yiniki

¹⁸ Ea en jiwea en mawani natian ana en besteni niti ikama en jiwepakeaii. Ja inun, jiwemati kushipa inun kupiti kushipadan, ea besti en jayaki. Janu mawai ikibi ixanaibu anudan, ean besti en yunutiduki.

Kaxinawá Bíblia (BR)

¹⁸ Ea ẽ hiwea ẽ mawani natiã ana ẽ bestẽni niti ikama ẽ hiwepakeaii. Ha inũ, hiwemati kuxipa inũ kupiti kuxiparã, ea besti ẽ hayaki. Hanu mawai ikibi ishanaibu anurã, eã besti ẽ yunutiruki.

Apocalipse 1:18 Referans Kwoze

Romanos 6:9

Ja inun, Cristo mawatan ana besteni ana mawatiduma nun unandiaii. Ja yushin padanananmistun ana tenankin maemakin ana binutidumajaidaki.

Hebreus 7:25

Tsuabunda Jesús ikunwain jawen Epa Dioski dasia Diosun kupiti binui paxaibu jiwekuian inankin jatu medabewai Diosbe nuku janchaxunpakeikiki, jawa niti ikamadan.

Apocalipse 3:7

Ana Jesúsun ea yuikin: “Jatun Diosun jancha yuinika Filadelfia anu ichamisbu mekea na jancha en mia yuiai kenexundiwe: ‘Ea en medibi inun en chanimajaida David kushipa ini keska binua jawen bepenti shabi en jayaki. Tsuanda ja mae bepean tsuan beputiduma inun ja mae bepua tsuan bepentidumaki. Jaska mekeatun en matu yuiaii.

Hebreus 12:2

Cristo nuku ixuni jakidi dukun unankin shinankubainankanwen. Jabun nun ikunwainbu nun jaki chiti ikabu jatunan ma nuku pewaxunkubainikiki. Jaskawen taea Jesús cruzkia nuitapaidan, ja ichakawakin nuitapawaibu jawen dake shinanma nuku mawaxuniki. Jaskaidan, nuitapawabiabu mawakin binutan benima paepayabi jawen Epan xanen ibu tsauti yusiudi jabe xanen ibui tsauxanai unain iniki.

Mateus 16:19

Jaska inun, ikunwainbu min jatu mekekubainxanun naiudia kushipa en mia yunuxanaii. Nenuxun yusinkin min jawada nemaya Epa Diosundi nemaxanikiki. Jawada nenuxun min nemamaken Epa Diosundi nemama ixanikiki— atan,

Apocalipse 20:14

jatun jatu mawamanika inun janu mawabu bumisbu anu ja ian janu menui jede ji ji ikai anu jau dabeki mawakin menununbun jatu udean

Hebreus 1:3

Jawen Epan kushipaya chaxakapa jawendua keskaditun dasibi betsa betsapa damiwani jawen jancha kushipawen mekekubainmiski, jau jawa benuyamanunbunan. Ja inun, jawen Epa nuku daewaxuni mawakin nukun chakabu buatan jawen Epa kushipajaida dasibi binu keyuatun yusiudi tsaua nai anua ma jabe xanen ibukunkainikiaki.

Gálatas 2:20

Natian na en yudawen en jiweyuaidan, Diosun baken ea bechipai ewen taea mawanixun ea shinan betsa wamani ja ikunwain en jiweyuaii. Jaskawen taea eadan, en ana emebi yunui en jiweamaki. Jakia Cristo bestitun ea yunuai ewen jiweyuikiki.

Apocalipse 4:9

Dios niti ikama jiwea ja dabe inun dabe jiweabun jamapai pepa jakidi shinankin jawen pepakidi yuikin kenwainbun

Hebreus 7:16

Jaska junibu jau nukunabu Diosbe janchaxunika binua ikunkainxanun Levín bababu anua katumisbu keska wakin ja jancha yununi chibankin nukun Xanen Ibu Diosun katuama iniki. Jakia jiwea kushipa jaya tsuan yamawatidumawen taea niti ikama nuku janchaxunpakeikiki.

Apocalipse 9:1

januxun ja quinto nai tsuman jawen trompeta chan akaya bishi keska mai anu kauani tin ika en uianyan mai kini keyatapa xankinjaida janu yushin chakabu jiweabu anu jawen bepenti shabi ja bishi keska Diosun nai tsuman inanken

João 14:19

Mawaida jatixuinda yudabun ea uianma ixankanikiki. Jakia matunan, man ana ea uinyuxanaii. Ja inun, en ana matu jiwexunaiwen taea matudi man jiwediakunkainxanaii.

Apocalipse 5:14

ja jiweabu dabe inun dabebun jabiaskadi shinankin kemakin: “Jabiaskaki”, idiaibun ja 24 mekenikabu danti iki beti itan kenwandiaibun

Mateus 11:23

Ja inun, Cafarnaúm anu jiweabun man shinankin: “Nun pepabuwen taexun Diosun nuku kenwanxanikiki”, ibiakin man ea ikunwanbumawen taexun janu chi nukaisma anu Diosun matu yunuxanikiki. Jakia Cafarnaúm anuxun jawen unanti dami kushipa betsa betsapa en matu uinmakubainima keska Sodoma anu jiweabutiandi jaskadi uintan jatun chakabu jenenibunan, jatun bababudi nuku dapi jiwekeankanaii.

Lucas 24:5

jaska uin datejaidai main beui beti ikaibun juni dabetan jatu yuikin: —¿Jaskakin maiwati medan juni jiwea man benakanai?

João 11:25

januxun Jesúsun ana yuikin: —Bestenwankin jiwemanikadan, jabia en eaki. Tsuabunda ea ikunwain mawabia ana jiwexankanikiki.

Apocalipse 2:8

Ana Jesúsun ea yuikin: “Ja jatun Diosun jancha yuinika Esmirna anu ichamisbu mekea anu na jancha en mia yuiai kenexundiwe: ‘Eadan, ea dukun en jiweni inun en jawen jenea debesekeaki. Mawabiatan en ana besteni en jiweatun en matu yuiai ninkakanwen.

Apocalipse 6:8

en uianyan janua caballo betsa pashin bexunaki tsuada betsa jawen kena Mawamanika jaki katsaua inun janu mawabu bumisbu jabun xanen ibu jachun juai en uianyan Diosun mai jidabi anuabu yudabu xukua tibi jabu anua paxka akeakekin ja dabe xanen ibu watan ja cuarta parte jatu inankin kushipa wakin yunukin nupewen jau detenamenunbun inun, buniwen jau tenanmanunbun inun, isin betsa betsapawen jau tenanmenunbun inun, yuinaka pubenbun jau jatu pimanunbun ja kushipa inan bibainaya

Apocalipse 10:6

ja jiweibi jiweni jiwea jatun nai wani inun mai wani inun ianenwan wani dasibi jabu jawen jiwebaunabu jakidi jancha betsa watimakidi yuikin: “Badi jawen jeneidan, jatixun bestiki.

Apocalipse 15:7

ja jiweabu dabe inun dabe betsan ja 7 nai tsumabu tibi oro kenchaki Dios jiwei ikibi ini jiweatun jawen yudabu kupiti mata jatu inan akeakeaya

Apocalipse 20:13

ianenwan batapa anua mawanibu inun janu mawabu bumisbu anua mawanibu jabu Diosun bestenwantan ichawaxun jaskadada jiwekubainibu jabu tibi unanti wakin pepabu inun chakabubu jatu kupiaya