2 Timóteo 4:22 - Kashinawa : Diosun Jesúswen taexun yuba bena yiniki

²² Nukun Xanen Ibu Jesucristo mibe nixun jau mia medabewakubainunwen. Ja inun, Éfeso anuxun ikunwainbu dasibi Diosun jau matu duawakubainunwen. Jatiski, en janchadan. Pablo

Kaxinawá Bíblia (BR)

²² Nukũ Shanẽ Ibu Jesus Cristo mibe nishũ hau mia merabewakubainũwẽ. Ha inũ, Éfeso anushũ ikũwaĩbu dasibi Deusũ hau matu duawakubainũwẽ. Hatiski, ẽ hãtxarã. Paulo

2 Timóteo 4:22 Referans Kwoze

Filemom 1:25

Nukun Xanen Ibu Jesucriston jawen pepawen jau matu duawakubainunwen. Jatiski, en janchadan. Pablo

Gálatas 6:18

En betsabu inun en puibuun, nukun Xanen Ibu Jesucriston jau matu duawakubainunwen. Jatiski, en janchadan. Pablo

Colosenses 4:18

Na kene keyukinan, en Pablon emebi en mekenen en jancha matu bumakin ma en keyuaii, jatun ea kenexunmistun akai mebintanan. Ea bichikin akawaxun ea nexayamabu ekidi shinankin jeneama Dios ea yukaxunkubainkanwen. Nukun Epa Diosun jau matu unanuma jiwemakin pewakin duawapakekubainunwen. Jatiski, en janchadan. Pablo

Apocalipse 22:21

Nukun Xanen Ibu Jesucriston jau matu dasibi jawen pepawen duawakubainxanunwen. Ea uinmakubidanxu en jancha chanimadan, jatiski. Juan

1 Pedro 5:14

Jaska inun, Cristo chibainbu tibi jatuki nukutan jatu dananma jatube bechipainamekubainkanwen. Cristo ikunwain man jawenabudan, jau Diosun unanuma matu jiwemakubainunwen. Jatiski, en janchadan. Pedro

Efésios 6:24

Jaska inun, tsuabunda nukun Xanen Ibu Jesucristo bechipaikin betsa waisma jau Dios jatuwen nuikin duawakubainunwen. Jatiski, en janchadan. Pablo

1 Coríntios 16:23

Nukun Xanen Ibu Jesúsun jau jawen pepawen matu duawakubainunwen.

Romanos 16:20

Man jaskai jiweawen taexun nukun Epa Diosun nuku unanuma jiwemamistun matu medabewaya man Satanás chitekin ja aka jawaida babutan matun mae anua kainkainxanikiki. Man jaska waya nukun Xanen Ibu Jesucriston jawen pepawen jau matu unanuma jiwemakubainunwen.

Mateus 28:20

Jatu jaska wakin jaska en matu yusinmis jau jabundi chibanunbun dasibi jatu yusian akeakexankanwen. Man jatu jaska waya eadan, janu na mai jidabi anu badi keyudiamatian dasibi man ea ikunwainbube dasitan badi tibi en matu medabewapakexanaii— nuku waniki. Jatiski, nukun Xanen Ibukidi en jancha chanimadan. Mateo

Filipenses 4:23

Nukun Xanen Ibu Jesucriston jau matu duawakin shinan chankanwankubainunwen. Jatiski, en janchadan. Pablo