2 Coríntios 6:7 - Kashinawa : Diosun Jesúswen taexun yuba bena yiniki

⁷ Ja inun, Diosun kushipa nuku medan nun jayawen taea kaka chanima nun yuimiski. Jabias Diosun kushipa pepawen unanmakin nun jatu achimamiski. Ja inun, jabiawendi jakidi chakabu yuibiaibun nun jatu nemamiski.

Kaxinawá Bíblia (BR)

⁷ Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

2 Coríntios 6:7 Referans Kwoze

2 Coríntios 4:2

Jakia jawa dakeama jawada junexun nun aisma inun, machupakin tsua nun padainsma inun, Diosun jancha jamakidi yuikin nun betsa waismaki. Nun jaska wamiswen taea jiwekin nun yusinmis Diosun unanyan jawen jancha nun matu xabakabi yusinkubainmiski, jau dasibibun nukun yusian ninkatan jatun shinan pewanunbunan.

2 Timóteo 2:15

Jamen mia ikidan, jin jin ikama min Dios dayaxunaidan, Diosun besuubi jawa bedabini min dakeama ixanaidan, chanima jancha Jesucristokidi dasibi jatu yui pepakunkainwen. Min jaskamiswen taexun Diosun mia unanti wakin: “Juni dayakapakunkainkin min ea dayaxunmis peki”, iwanan, mia yuixanikiki. Shinaindakubainwen.

Santiago 1:18

Ja inun, Diosun nuku jaska wakatsis ikin jawen kakape chanimawen nuku jiwea bena inaniki. Nuku dami waniwen taexun nukun dukun jawen bake ikunwankin nun taewani nun jayabuki.

2 Timóteo 4:7

Eadan, Jesucriston soldado pepa detenamekin jatu binumis keskakin jabun ea ichakawaibu en binuaii. Kushibainkin jatu maemakatsis imisbu keskakin jaska ewen Dios yubakani jawa chintuanma en ma ixuanki. Ikunwanixun jawen kakapekidi yusin bikabiakin en jawa jeneama ikunkainaii.

1 Tesalonicenses 5:8

Jakia nukubudan, nun ma meshua anua xabaki taxnia keskabu nun ikunwankin pewakubainmiswen taea nukun Xanen Ibu ana juxanai jawa jakimama manakubainankanwen. Nun jabubetan ikunwain betsabube duapai bechipainamei medabenankin nukun Epa Dios ja bestiki chiti ikubainankanwen. Nun jaskaibudan, romano soldadobun jawen yuda junenun, iwanan, mane tadi manankidia sawemis keskai jawaki dateama nun pe mekea jiwetidubuki. Jaskai jawa dateama nukun Xanen Ibu manakin jatun besti nuku mekexanai nun manaii. Jaskakin jau soldadobu tsuan jatu deteyamanunbun jatun buxka mekekin junekin mane maiti sawemisbu keskai nukudi dateama pe mekea nun jiwetidubuki.

Efésios 3:20

Jaska inun, jamapai nun yukamis inun jamapai betsa betsapa nun shinandiama inun nun yukadiama jawen kushipajaidawen Diosun nuku axuntiduwen taexun niti ikama kenwanankanwen.

Efésios 1:13

Cristowen taea man judiobuma dikabitun jawen jancha chanima Diosun bake Jesús mekenankidi kakape ninkatan ikunwainbu jawen nuku tibi unanti wati yubanixun jawen Yushin Pepa nuku inantan ja dabe jawenabu nuku inun matu wadianiki.

2 Coríntios 7:14

Jaska jancha chanima nun matu yuimis keska wakin Tito matu anu en nichindiama matukidi kenwankin en kaneama ikimawen taea en jawa matuki chakabumaki. Jaskawen taea chanima jawada matukidi en yuima man jabiaskaki. Jaska en Tito yuima keska uinmakin man beyawaimawen taea nun matu kenjaidawaii.

Hebreus 2:4

Ja inun, jawen Yushin Pepawen jawen e imakin unanmati damiwamakin na yuba bena Jesúsun tsumabubetan Epa Diosun jatu mestenwanmaniki. Jaska wanixun jawen shinanen nuku tibi jawen daya betsa betsapa nuku inanmiski, jaska shinain keska nuku tibi inankinan.

Colosenses 1:5

Man jaskaidan, Jesucristokidi kakape chanima ninkatan benimakin matun jiwea nai anu Dios anu man jaya man manakaibu nun matu unaiin.

Efésios 4:21

Jaskawen taexun bebunkidi Diosun Katuakidi jawen kakape en matu yusinma jaskai ja jiwenikidi tapinkin man ninkaimadan, chanima Jesús anua ja besti yui kayaki.

1 Coríntios 1:24

Jaskaken na kakape Mesías Cristokidi betsabun dananbiaibun nun judiobu inun nun judiobuma Diosun nuku katuniwen taexun Diosun jawen kushipa Cristo yunukin jabia keskadi wakin dasibi unanjaidamani ja besti shinankin nun ikunwaiin.

Hechos 11:21

Janua jabu Diosun Yushin Pepatun jatu kushipa waya jatun yusianwen taexun griegobu ichapabun jatun shinan xeni jenetan jiwea bena nukun Xanen Ibu Jesúskidi ikunwanibukiaki.

Marcos 16:20

janua Jesúsun tsumabu kainbaini bukin mae tibi anu yusinkubaunaibun nukun Xanen Ibu Jesúsun jatu medabewakin jawen kushipawen jawada unanti dami atimaska chanima jatu uinmakubainibukiaki. Marcos

2 Coríntios 2:17

Jaska shinanbuma yusinan betsabu Diosun janchaki meseama kemukin pei besti binun, iwanan, bukubaunkin yusinmis keskama nukubudan, Diosun nuku yunukin jawen kushipa nuku inanken matu padanma jancha chanima nun matu yusianyan jawen janchawen taea nun Cristoki dasiabun chanima Diosun nuku pe uianyan Jesucristokidi nun yusinkubainmiski.