2 Coríntios 4:8 - Kashinawa : Diosun Jesúswen taexun yuba bena yiniki

^8-10 Jaska inun, Jesús anibu keska wakin nukudi ichakawakin tenankatsis ibiaibun jamapai bika betsa betsapa nuku waibu tenekin Jesucristo nukun Xanen Ibu jiweatun nuku medabewakubainai chintuanma dasibibu nun jatu uinmakubainaii. Jaska tibi Jesucriston nuku medabewamis matu yuinun ninkakanwen. Jamapai bika betsa betsapa nuku tenemakin jadakidi nuku paxatimawabiaibun nukun Xanen Ibuan bai nun manaka besumawamaki. Ja inun, nuku tenankatsis ibiaibun jatuwen datekin nukun Xanen Ibu nun jenebainsmaki. Nuku nemanun ixun kuxakin nuku di abiaibunan, jawen taexun nuku yamawatidubumaki.

Kaxinawá Bíblia (BR)

^8-10 Haska inũ, Jesus anibu keska wakĩ nukuri itxakawakĩ tenãkatsis ibiaibũ hamapai bika betsa betsapa nuku waibu tenekĩ Jesus Cristo nukũ Shanẽ Ibu hiweatũ nuku merabewakubainai txĩtuãma dasibibu nũ hatu uĩmakubainaii. Haska tibi Jesus Cristõ nuku merabewamis matu yuinũ nĩkakãwẽ. Hamapai bika betsa betsapa nuku tenemakĩ harakiri nuku pashatimawabiaibũ nukũ Shanẽ Ibuã bai nũ manaka besumawamaki. Ha inũ, nuku tenãkatsis ibiaibũ hatuwẽ datekĩ nukũ Shanẽ Ibu nũ henebaĩsmaki. Nuku nemanũ ishũ kushakĩ nuku di abiaibunã, hawẽ taeshũ nuku yamawatirubumaki.

2 Coríntios 4:8 Referans Kwoze

2 Coríntios 12:10

Jaskaken babui Criston kushipawen en kushipatiduwen taea Cristo duawanun, ika en shinan chankanmiski, eska tibiwenan, en babuaiwen inun, eki sinataibuwen inun, en yumain jawaumawen inun, ea tenanun ixun ea ichakawaibuwenan, Cristowen dayai en bika tenekubainaiwenan. Janu en babujaidaitianan, Criston kushipa en mekubainmiski.

2 Coríntios 7:5

Macedonia mai pakea anua nun juai yuda ichapabun nuku yumanwankin nuku jaska wakubidanimabu matu yuinun ninkakanwen. Dios danankin nuku ichakawakin bikawakin nuku deteaibun jadakidi jaskatima date paepai nun jani jaskatan juindukuntidumajaida ikimaki.

João 14:18

Jaskawen taexun eanan, bashikin bake ibuuma keska wakin en matu jenebainamaki. Jakia ana matube iki en ana chintunkidanxanaii.

1 Coríntios 10:13

Tsuabunda jawada chakabu ma juni man mediama inun chakabujaidatun matu achima ana matu achimakatsis ikai nukun yuda babun nun tenetidumadan, shinankanwen. Jaskawen taexunan, min yuda babubiaken Dios putama jaki chiti ikubainkanwen, nuku babu watan jau nuku bika tenemakin jaska tsuan tenetiduma nun jaskatan binutidumaki. Matu jaska tenemabiaya jawen bashikuama Diosun jawendi jawen kushipa matu unanmakin matu jawen taxnimakin matu binumaxanikiki, chakabu tenekin man binuaiwen taexunan.

2 Coríntios 6:4

Jakia nun jaskai Diosun tsuma ikinan, eskawen nun matu uinmamiski. Jamapai bika nuku tenemaibu mei jawa jayama nuitapakin nun jawa jatu kemama tenekubainmiski.

2 Coríntios 6:12

jaska man nukukidi shinanmis shinaindakanwen. Nun matuwen nuikin nun matu dananmabiaken matundi matun nui uinmakin man nuku jawa waismaki.

Gálatas 4:20

Jaskadada man shinain ikai en matu unanmaki. Jamen natian ea kayabis en jadidan, jaska en shinain jancha pewen en matu yui kapanan en katidumaki.