2 Coríntios 2:16 - Kashinawa : Diosun Jesúswen taexun yuba bena yiniki

¹⁶ Jaska shinainbutunadan, nukun yusianan, ikunwanbuman nuku ninkamadan, atimapa yuda mawa pisi mayai keska xetekin aka wakanikiki, nuku danankinan. Jakia dasibibun nukun yusian ninkakin Cristo ikunwankin nukun yusian ininipa keska bechipaikin benukatsi ikama jaska niti ikama Diosbe jiwekuinxanaibu bikubainkanikiki. Jakia Cristokidi xabakabi yusian mesekenan, ¿tsuabunda nun shinan chakai, ja jiweakididan?

Kaxinawá Bíblia (BR)

¹⁶ Haska xinaĩbutunarã, nukũ yusĩanã, ikũwãbumã nuku nĩkamarã, atimapa yura mawa pisi mayai keska shetekĩ aka wakanikiki, nuku danãkinã. Hakia dasibibũ nukũ yusĩa nĩkakĩ Cristo ikũwãkĩ nukũ yusĩa ininipa keska abukĩ benukatsi ikama haska niti ikama Deusbe hiwekuĩshanaibu bikubaĩkanikiki. Hakia Cristokiri shabakabi yusĩa mesekenã, tsuabũra nũ xinã txakai, ha hiweakirirã?

2 Coríntios 2:16 Referans Kwoze

João 9:39

Jesúsun ana yuikin: —Diosun jatu unanti waiwen taea yudabube en jiwekunkainaii. Tsuabunda uinsbuman bexpexexun jau uinxanunbun inun natian tsuabunda shinankin uinbiai bekun keska jau ixanunbun en juniki— ikai

Lucas 2:34

januxun Simeónen jatu yuikin: —Diosun jau matu duawakubainxanunwen— iwanan, María besti yuikin: —Na bakedan, jawen yuda Israelbu unanti wakatsi Diosun katuniki. Jawen yusian ninkatan jatiditun shinan betsa watan chibainbun inun jatiditun shinan betsa wama danankubainxankanikiki. Min bake danankin nupe kenujaidawen min juinti chachia keska wakin mia yumanwankin mia nuitapawaxankanikiki— anikiaki.

1 Coríntios 15:10

Eadan, chanima en jawen tsuma kushipaya betsaki. Jaska ea wakatsi Diosun ea duawakin ea katunixun jamen ea katuama jawen daya akin Jesúsun kushipaya betsa dasibibu en jatu binumakubainaii. Jakia emebi dayama Diosun ea duawakin ea medabewaya en dayaxunkunkainaii.

2 Coríntios 12:11

Jaska tatimai en keain en jawaumaki. Jakia man ea kenwanma danainbuwen taea ibubis kenkin en matu jaska yuiaii. Ja unanepabu padananankin bemakis matu uinmakin jaska ekidi jawauma matu yuimisbudan, jatun jawawen ea binutidubumaki.